Vo Makedonija osobeno poznata i popularna e “Galička svadba” koja prerasna vo svoevidna kulturno turistička atrakcija, a mnogu pomalku se znae za “Šopska svadba” koja e ponova manifestacija od ovoj tip, no isto tolku avtentična i atraktivna vo načinot na organizacija i prenesuvanjeto na narodnite, vekovni tradicii koi go krasele ova naše podnebje.
“Šopska Svadba”, ima megjunaroden karakter i e manifestacija koja se održuva na lokalitetot Kameni Kukli vo selo Kuklica Kratovsko. Toa e manifestacija koja ima za cel na eden orginalen način, so organiziranje na svadba so vistinski mladenci, da go pokaže kulturnoto nasledstvo na Šopite od Severoistočniot region, no i na onie koi se naseleni na centralniot del na Balkanskiot poluostrov, Šopite od Srbija i Bugarija.
Glaven organizator na ovaa menifstacija e Združenieto “Etno Riznica” od Kumanovo, koi se najzaslužni za kompletnata realizacija na ovoj uspešen proekt, što veќe šest godini vo kontinuitet, na eden neposreden način ja dobližuva makedonskata svadbena tradicija do pomladite generacii.
Sakajќi da dozneme poveќe detail za celokupniot nastan i negoviot istorijat odlučivme da porazgovaravme so pretsedatelot na Združenieto “Etno Riznica”, Dragan Jakim koj podetelno ne vovede vo temata i ni otkri del od podgotovkite za godinešnata “Šopska svadba”:
-“Šopska Svadba” kontinuirano se održuvaše od 2015-2020 god., poslednive dve godini poradi Kovid krizata ne beše održuvana. Idejata e da se promoviraat adetite i običaite na organiziranje na Šopski svadbi kako vo minatoto, so site adeti i običai, koi se karakteristični za ova podnebje. Svadbata se organizira na avtentično mesto na lokalitetot ,,Kameni Kukli,, vo selo Kuklica, Kratovsko, koj se narekuva i Vesela svadba. Poznata e legendata za skamenuvanje na svatovite na samiot čin na svadbata, po što i samiot lokalitet go dobil imeto.
Manifestacijata “Šopska svadba” prerasna vo tradicionalna blagodarenie na zainteresiranosta na okolnoto naselenie za ovaa manifestacija, no i ne samo na lokalnoto naselenie, na samata manifestacija se sobiraat i po 2-3.000 posetiteli, so što i lokalitetot dobiva na svoja popularnost, što e i misijata na Združenieto Riznica, samiot lokalitet da prerasne vo neodminliva destinacija na sekoj turist koj ḱe ja poseti našata zemja.
Na dosegašnite 6 izdanija na manifestacijata imaše i gosti učesnici od Srbija, Bugarija, Polska so što istata prerasna vo megjunarodna. Kako Kumovi na samata svadba se pojavija n.e. ambasadorot na R. Polska G-din Jacek Multanovski, Gradonačalnikot na Kratovo, našata folk dama Blagica Pavlovska … Snimivme i dokumentaren kratkometražen film za svadbata narečen ,,Kamenite kukli raskažuvaat,,.
Ovaa godina Generalen pokrovitel na manifestacijata e Gradonačalnikot na Kratovo G-din Todorče Nikolovski, a manifestacijata ja organizirame so bezrezervna pomoš na Opštinskata ustanova ,,Muzej na grad Kratovo,, koj kako i na site dosegašni izdanija na manifestacijata e vklučen vo organizacijata.
Običaite i adetite se unikatni, a nie se trudime istite avtentično da im gi prezentirame na posetitelite. Vo idnina se nadevame deka i ministerstvoto za kultura ḱe ja prepoznae ovaa manifestacija koja, slobodno možeme da kažeme deka prerasna vo kulturen brend na Kratovo no i na severoistočniot region. Tradicionalno, svadbata se organizira prvata nedela po golemiot hristijanski praznik Bogorodica, imeno, i vo minatoto, se znae deka se čekalo da pominat golema i mala bogorodica-28 avgust i 21 septemvri, vo koj period ne se pravele svadbi.
Konkursot za prijavuvanje na mladoženci e objaven, i se nadevame na uspešna Šopska Svadba 2022 na 25 septemvri ovaa godina – pojasni Dragan Jakim koj veruva deka ovaa godina interesot na mladencite za prijavuvanje na ovaa svadbena ceremonija ќe bide mnogu pomasoven.
A nie bi dodale deka vredi ovaa manifestacija da se poseti i vo živo da se prisustvuva na svadbeniot čin koj se odviva vo živopisnata kratovska okolina.
Biba KRNČESKA
