Na 9 oktomvri, vo 20 časot, „Belgradskata filharmonija“ ḱe gostuva vo Skopje. Pod dirigentskata palka na Gabriel Felc (Germanija) ḱe se izveduva Gustav Maler: Simfonija br.6. “Belgradska filharmonija” e osnovana vo 1923 godina. Denes e pozicionirana kako najdobar orkestar vo regionot i ansambl što pretstavuva osvežuvanje na megjunarodnata koncertna scena. Spored svetskite mediumi, „Belgradskata filharmonija“ e kulten srpski orkestar, eden od vodečkite evropski orkestri, orkestar što gleda samo napred i ansambl što so sebe nosi golema doza nasledstvo i gordost.
Specifičniot imidž, kako rezultat na inventivnite umetnički koncepti i kreativniot marketing, vlijaeše na prepoznatlivosta na orkestarot. Na toj način, „Belgradskata filharmonija“ nabrzo privleče mnogu poznati iminja od klasičnata muzika, koi ja dadoa svojata poddrška za nejziniot ponatamošen razvoj. Megju niv osobeno se izdvojuva poveḱedeceniskoto prijatelstvo so Zubin Mehta, koj redovno održuva dobrotvorni koncerti so orkestarot. „Belgradskata filharmonija“ e prv orkestar vo regionot, no i poširoko što gi započnuva svoite koncertni sezoni so kompletno rasprodadeni bileti – informiraat od Filharmonijata.
Šef-dirigent na „Belgradskata filharmonija“ od sezonata 2017/2018 godina e Gabriel Felc, a glaven gostin-dirigent e Daniel Rajskin. Vo poslednite nekolku godini, orkestarot imaše zabeležlivi megjunarodni turnei i gostuvanja vo Italija, Germanija, Avstrija, Švajcarija, Švedska, Francija, Slovenija, Hrvatska, Oman… Najvažniot internacionalen angažman vo novata istorija na ovoj orkestar e prvata turneja vo SAD, koja opfati nastapi vo Čikago, Klivlend, Vašington i vo njujorškiot „Karnegi hol“, vo oktomvri 2014 godina. Od ponovite megjunarodni uspesi se izdvojuva gostuvanjeto vo Moskva, vo prestižnata sala „Čajkovski“, vo septemvri 2016 godina, kako i dvata mnogu uspešni nastapi vo „Muzikferajn“ vo Grac, vo 2018 godina.
„Belgradskata filharmonija“, vo 2017 godina, započna tradicija na koncerti na otvoreno, koi beležat istoriski uspeh i se edni od najgolemite od oblasta na klasičnata muzika na Balkanot. Poveḱe od 30 iljadi lugje prisustvuvaa na prviot koncert, koj go vodeše šef-dirigentot Gabriel Felc, a kako specijalen gostin nastapi i poznatiot Zubin Mehta. Za kvalitetot na rabotata na orkestarot značitelno pridonesuva i fondacijata na Zubin Mehta i „Belgradskata filharmonija“ so svoite strategiski partneri. Najvažni celi na orkestarot vo ramkite na petgodišnoto planiranje na aktivnostite i razvojot se pozicioniranje na megjunarodnata muzička scena i promocija na orkestarot na drugite kontinenti – dodavaat od Filharmonijata.
Biba KRNČESKA
