Pretsedatelot Stevo Pendarovski deneska vo pretsedatelskata rezidencija so visoko državno odlikuvanje „Orden za zaslugi za državata“ gi odlikuva posthumno pisatelot Goran Stefanovski, pejačot i akter Zafir Hadžimanov i profesorot Remzi Nesimi, kako i pretsedatelot na Rakometnata federacija na Makedonija, Živko Mukaetov.

„Goran Stefanovski, našiot majstor raskažuvač, preku svoite antologiski drami ni pomaga da ja razbereme prikaznata za nas. Posle Blaže Koneski, Slavko Janevski i Petre M. Andreevski, Stefanovski e verojatno posledniot golem arhivar i sogleduvač na makedonskata kultura i na makedonskite krstopati. Vo svoite dela i javnite nastapi toj postojano nè potsetuvaše deka identitetot znači odgovornost i naporna rabota“– reče pretsedatelot na svečenosta po povod dodeluvanjeto na ordenite.

Za bardot na makedonskata popularna muzična scena, nepovtorliviot Zafir Hadžimanov, šefot na državata istakna deka ovoj ploden i sestran umetnik preku muzikata, poezijata, preku dramskite i filmskite ulogi, umeeše da zboruva na jazikot na poveḱe generacii i pri toa, lesno i nezabeležlivo da povrzuva različni lugje i narodi.

Za osnovopoložnikot na visokoto obrazovanie na albanski jazik vo našata zemja, profesorot Remzi Nesimi, Pendarovski ḱe izdvoi deka toj, e nesporno eden od najgolemite avtoriteti na poleto na albanologijata, počituvan i citiran od site albanolozi i kaj nas i vo svetot. Kako istaknat lingvist i prosvetitel, toj go potencira centralnoto mesto na jazikot vo kulturata na eden narod. Jazikot kako kluč za tolkuvanje na svetot, prenesuvanje na mudrosta i životnite iskustva, za povrzuvanje na generaciite.

Četvrtiot laureat Živko Mukaetov, koj prisustvuvaše na ceremonijata, Pendarovski go posoči kako eden od najpoznatite lugje od biznisot vo Republika Severna Makedonija, rakovoditel na „Alkaloid“, kompanija koja e eden od nosečkite stolbovi na makedonskata ekonomija, šesta farmacevtska industrija vo Jugoistočna Evropa. Brend koj, veli, stana prepoznatliv po vrvniot kvalitet i principielnata korporativnata politika na kompanijata, a ja naglasi i negovata posvetenost kako dolgogodišen poddržuvač na sportot i osobeno filantropijata koj kako prv čovek na Fondacijata „Trajče Mukaetov“ do sega ima stipendirano 539 mladi talenti od fakultetite po medicina i farmacija pri Univerzitetot „Sv. Kiril i Metodij“ vo Skopje.

„Sekoj od ovie golemi lugje, poveḱe od sigurno, zaslužuva posebna ceremonija, čest i vnimanie. No, so ova zaedničko dodeluvanje na Orden za zaslugi za Republika Severna Makedonija na Goran Stefanovski, Zafir Hadžimanov, Remzi Nesimi i Živko Mukaetov, sakame da gi istakneme poedincite koi ja pravat pogolemata slika za napredokot na našata zaednička tatkovina i blagosostojbata na site makedonski gragjani. Veruvam deka taa ideja najdobro ja izrazi tokmu Stefanovski, koj vo edna prilika reče: “Daj Bože vo godinite koi doagjaat da možeme da se bavime so sitni temi, so mali radosti, so poedinečni životi. Da ne morame da rešavame nevozmožni strategiski ravenki so poveḱe nepoznati. Da ja sobereme seta kolektivna pamet na edno mesto i mudro da ja koristime, a ne da ja rasfrlame na site strani, pa da ne znaeme dali ni e za ekonomija ili za kultura, za mir ili za vojna, za leto ili za zima'“, porača pretsedatelot Pendarovski.

Biba KRNČESKA


POSTAVI ODGOVOR

Please enter your comment!
Please enter your name here
Pre slanja komentara molimo Vas da pročitate sledeća pravila