Makedonskata javnost so neveruvanje i iskreno sočustvo deneska ja primi vesta za iznenadnata smrt na poznatiot makedonski virtuoz na violina, vokalist i vrven muzičar Zoran Đorlev.
Informacijata koja ja potrese javnosta ja potvrdi negoviot vnuk Ognen Zdravkovski koj profilnata slika na FB ja oboi vo crno i za portalot “Ženski magazin” ja dade slednata izjava:
–„Vujko mi si zamina. Beše bolen od Kovid-19, beše vo bolnica, beše podobar, se nadevavme na podobro, no denes ne napušti. Mu se otkači tromb“.
Zoran Đorlev koj beše profesor po violina i magistar po folkloristika roden e na 10.01.1967 godina vo Strumica i samo za devet dena trebaše da go proslavi svojot 54 rodenden. Toj poteknuva od mnogu poznato i priznato makedonsko muzičko semejstvo. Negoviot tatko Nasko Đorlev beše eden od najpoznatite makedonski kompozitori što ostavi bezvremenski dela vo makedonskata muzička riznica, a negoviot muzički gen go nasledija i trite negovi deca. Muzičkata talentiranosta na Zoran bila voočliva od negovata najmala vozrast koga započnal da sviri truba, harmonika i gitara, a veќe na sedumgodišna vozrast zaedno so semejstvoto se preseluva da živee vo Skopje.
Vo 1977 godina počnal da sviri na violina, otkako prethodno vo muzičkoto učilište bil odreden da sviri na pijano, zašto navodno „nemal predispozicii za violina“. Vo 1989 diplomiral violina na Fakultetot za muzička umetnost. Poznat e po obrabotkite i izveduvanjeto na makedonskite narodni i zabavni kompozicii, obrabotki na filmski, džez, etno temi. Rabotel kako profesor po violina, a beše i direktor na DMBUC Ilija Nikolovski-Luj vo Skopje. Vo januari 2011 beše naznačen za direktor na ansamblot za narodni igri i pesni „Tanec“, kade ostana do avgust 2017 godina.
Zboguvanjeto so Zoran Đorlev ja potrese celata makedonska estrada koja nemožeše da ja sokrie tagata i nevericata što ja zatekna ušte na prviot den od Novata Godina.
Samo pred nekolku dena vo plan bilo i snimanje na praznična tv programa koja Maestro Đorlev trebalo da ja koordinira no za žal lošata zdravstvena sostojba go sprečila vo namerite.
Izlivi so iskreno sočustvo izrazija site poznati javni ličnosti koi niz godinite sorabotuvaa so Maestro Đorlev koj megju drugoto beše poznat i kako golem Makedonec i tradicionalist koj gi čuvaše i neguvaše makedonskite muzički koreni.