Muzikata što so godini se sozdava, razviva i prepoznava preku avtorskiot izraz dobiva ušte edna dimenzija koga ḱe bide pretočena vo noten zapis. Tokmu takov čekor e napraven so izdavanjeto na knigata „Avtorski ora od Goce Džukleski“, koja deneska beše promovirana vo Prličevata odaja vo Ohrid, pretstavuvajḱi obemen presek na instrumentalnoto tvoreštvo na ovoj plodonosen avtor.
Publikacijata opfaḱa 76 avtorski ora, sistematizirani vo dve tematski celini – „Makedonski ora“ i „Balkanski ora“. Stanuva zbor za notna zbirka što ovozmožuva muzičkite kompozicii da bidat dostapni ne samo kako izvedbeni dela, tuku i kako materijal za izučuvanje, analiza i ponatamošna muzička interpretacija.
Osobeno značajna e rabotata na m-r Sašo Livrinski, dolgogodišen sorabotnik na Džukleski, koj gi realiziral melografijata, kompjuterskata notografija i grafičkoto oblikuvanje na izdanieto.
Vo svoeto videoobraḱanje, Livrinski posebno se osvrna na specifičniot muzički jazik na avtorot, izdvojuvajḱi go karakterističniot motiv od pet tona što se pojavuva vo rečisi sekoja kompozicija zastapena vo knigata. Spored negovata analiza, ovaa kratka muzička fraza pretstavuva prepoznatliv avtorski potpis, preku koj lesno se identifikuva stilot na Goce Džukleski.
Za vrednosta i osobenostite na negovoto tvoreštvo zboruvaa i recenziite na eminentnite muzikolozi i muzički virtuozi Kiril Todevski, Marko Kolovski, Darko Ilievski, Vlada Veselinoviḱ od Srbija i Vladimir Minčev od Bugarija. Nivnite stručni osvrti bea pretstaveni preku videozapisi i naracija, davajḱi poširok uvid vo muzičkiot izraz i tvorečkite karakteristiki na avtorot.
Nastanot go moderiraše Milčo Jovanoski, a prigodno obraḱanje imaše i direktorkata na NU Biblioteka „Grigor Prličev“ – Ohrid, Hristina Trpeska.
Knigata e objavena vo tiraž od 200 primeroci, vo izdanie i pečat na skopskiot „Indigo Hab“.
So ova izdanie, Goce Džukleski dobiva ušte edna zaokružena celina vo svoeto tvoreštvo. Sedumdeset i šeste ora, sega pretstaveni vo notna forma, svedočat za avtorski pristap vo koj tradicionalnite muzički elementi se sreḱavaat so individualniot kompozitorski izraz.
Zad notnite zapisi ne stojat samo melodii nameneti za izvedba, tuku i prepoznatliv tvorečki rakopis, koj preku ovaa kniga dobiva možnost da bide čitan, proučuvan i povtorno oživuvan na muzičkite sceni.
Biba KRNČESKA
