SKOPJE/ŠTIP – Godinašnoto, 41. izdanie na festivalot na zabavna muzika „Makfest 2026“ e pred samite porti. Na oficijalnata pres-konferencija održana vo Skopje, organizatorite gi otkrija site detali za muzičkiot spektakl što ḱe se održi na 30 i 31 oktomvri vo Domot na kulturata „Aco Šopov“ vo Štip.
Sepak, pod sjajot na reflektorite i najavenite 27 novi refreni, ostana senkata na seriozniot pravno-estraden skandal koj rakovodstvoto na festivalot uporno se obiduva da go skrie pod tepih.
OFICIJALEN DEL: VRČAK, TONI ZEN I LOBA SE VRAḰAAT NA SCENATA
Opština Štip i umetničkiot tim najavija bogata programa koja godinava ḱe obedini nekolku generacii makedonski muzičari.
Festivalot ḱe bide podelen vo dve večeri:
• Prvata večer (30 oktomvri): Ima natprevaruvački karakter.
Vo nea ḱe nastapat 15 debitanti i mladi izveduvači, od koi samo 6 najdobri kompozicii ḱe obezbedat plasman vo finalnata večer.
• Vtorata večer (31 oktomvri): Ima revijalen karakter i na nea ḱe nastapat veḱe etablirani iminja od estradata.
Mediumite gi doznaa i najzvučnite povratnici na makfestovskata scena. Godinava Štip ḱe gi prečeka Vrčakvo duet so Simona Popovska, Jovan Jovanov zaedno so Toni Zen, Elvir Mekiḱ, Viktorija Loba, Ognen Zdravkovski, David Temelkov, kako i veteranot Risto Samardžiev.
Gradonačalnikot na Štip, Ivan Jordanov, istakna deka Opštinata kako glaven pokrovitel ostanuva stožer na makedonskata muzika, dodeka umetničkiot direktor Robert Sazdov izrazi zadovolstvo od srabotenoto vo izminatite osum meseci, najavuvajḱi moderni zvuci i refreni što ḱe ostanat vo eterot.
PRAŠANJETO ŠTO JA NARUŠI „IDILATA“: ZAREM E NESOODVETNO DE SE PRAŠA ZA TUŽBA OD 100.000 EVRA?
I dodeka presot tečeše vo strogo kontrolirana idila kade se zboruvaše samo za notite i scenografijata, kako novinar koj so decenii ja sledi estradata, odlučiv javno da go postavam prašanjeto koe site drugi kolegi rešija da go premolčat: Do kade e sudskata postapka pokrenata po javnite nesoglasuvanja i megjusebnite obvinuvanja vo koi bea spomenati umetničkiot direktor Robert Sazdov i Jovan Jovanov od strana na pejačot Zoran Vanev?
Za potsetuvanje, javnosta izminatiot period beše svedok na seriozni tvrdenja od Vanev za finansiskoto rabotenje, na što Sazdov i Jovanov odgovorija so tužba za kleveta pred Gragjanskiot sud, teška duri 6.200.000 denari (okolu 100.000 evra).
Bidejḱi vo ovoj slučaj bea spomenati budžetski pari i integritetot na samiot festival, ova prašanje beše ne samo soodvetno, tuku i najodgovorno kon javnosta koja go finansira „Makfest“.
Namesto konkreten i transparenten odgovor do kade e pravnata procedura i kako ovaa tenzija ḱe vlijae vrz atmosferata na festivalot, odgovorot beše vešto izbegnat.
Organizatorite se obidoa prašanjeto da go prikažat kako „nesoodvetno“ za toj ambient, forsirajḱi ja tezata deka na pres-konferencija treba da se zboruva samo za ubavata strana na muzikata.
NOVINARSKI KOMENTAR: MOLKOT E NAJGLASNIOT ODGOVOR
Postavuvanjeto na legitimni novinarski prašanja na oficijalen pres e standarden del od profesijata, osobeno koga temata e od javen interes. Otsustvoto на konkreten odgovor od strana na Sazdov i Jovanov ostava vpečatok deka se odbira taktika na molk dodeka pominat festivalskite večeri.
No, javnosta mora da znae: „Makfest“ ne e privaten imot na nitu eden umetnički direktor ili producent, tuku nacionalno kulturno bogatstvo.
Nastojuvanjata da se izbegnat odgovorite vo živo ne ja menuvaat potrebata od transparentnost za ovoj slučaj.
Kako novinari, naša dolžnost e da prodolžime da gi postavuvame prašanjata koi se od javen interes, bez razlika na obidite tie da se premolčat.
Se gledame vo Štip na 30 oktomvri.
Pišuva: Biljana Biba Krnčeska
