Dve ipol decenii postoenje, uspešno deluvanje, profesionalno rabotenje, skromno odnesuvanje, a maestralno muziciranje, se glavnite odliki na vrvnite virtuozi i klasa muzičari od Makedonija, poznati pod imeto “Drim-Tim”!
I ne samo što go opravdaa imeto i što go opravdaa brendot koj zaedno go sozdavaa i održaa celi 25 godini, tuku vo petokot večer održaa solistički koncert za pametenje.
Virtuoznata muzikalnost koja ja poseduvaat, ja podarija od srce na svojata publika, na obožavatelite, na rodninite, prijatelite, kolegite, sorabotnicite i site podržuvači koi vo golem broj bea prisutni na koncertot što se održa vo preubavata, otmena sala, na “Makedonski Naroden Teatar”, a samata koncepcija, izborot na pesni, gosti i pejači beše fantastičen.
Momcite točno na vreme se pojavija na scenata, onaka stasiti i elegantni ja dopolnija scenografijata koja beše stilski perfektno osmislena. Publikata vednaš reagiraše na instrumentalniot voved i prepoznatlivata meloritmika na “Drim -Tim”, odnosno na Dejan Nikolovski – Čule (vokal), Nikola Kocev (truba), Dimitar Mitrovski (harmonika), Aleksandar Angelov (klarinet/saks), Angel Ḱosev (klavijatura) i Goce Ilioski (tapani), a imaa i zasiluvanje od cenetite kolegi Ratko Dautovski, Toše Zavkov i Goran Gešoski – Gešo.
Vokalot Dejan-Čule, osven po prepoznatlivoto biserno grlo, beše zadolžen i za animiranje na publikata pa beše i vo uloga na voditel, a ostanatite muzičari ne se vpuštija vo muabetenje, tuku vo svoj stil sigurno se držea do instrumentalnoto muziciranje po koe se prepoznatlivi.
Marjan Kocev kako specijalen gostin
Izborot na gosti pak beše odlično vklopen, pa taka publikata uživaše vo nastapot na braќata Goce i Orce Dimovski, koi so zvukot na kvalot i tapanot go dopolnija avtentičniot zvuk na Makedonija, a pojavata na Marjan Kocev kako nekogašen člen na grupata gi razmrda prisutnite vo taktot na hitovskite numeri so koi Kocev nastapi, oblečen vo svojata prepoznatliva bela boja. Posebno ubavo iznenaduvanje beše izleguvanjeto od publika na G-dinot pejač, besprekorniot vokal i čovek Ibuš Ibraimovski, koj zaedno so Čule ja otpea pesnata na site vreminja “Rozo moja”.
Čule i Suzana Gavazova vo duet
Interpretacijata pak na “Imali li pesna”, što ja izvede Vlatko Lozanoski kako specijalen gostin beše posebno osvežuvanje zatoa što retko se slučuva nekoj zabavnjak da umee taka dobro da otpee teška narodna pesna, dodeka pak pojavata na zgodnata i vesela Suzana Gavazova site gi razmrda pa atmosverata dopolniteno se zagrea.
Suze čestitajќi im go jubilejot 25 godini estradno postoenje na “Drim Tim”, naglasi deka se retki što taka složno i mudro ostanale zaedno i toa e vsušnost najgolemata poenta koja treba da se potencira.
Opasno trio
Samoto finale beše rezervirano za nastapot na šarmerot Blagoja Grujovski, koj beše najaven kako večnoto momče na estradata što ne se menuva i sekogaš e mlad i nasmean, a toj vo svoj stil šarmirajќi ja publikata vo duet so Čule ja izvede pesnata “Stari dobri vreminja” koja datira od samite početoci na “Drim Tim”.
Posebno vnimanie grupata na ovoj solistički koncert odvoi za svoite sorabotnici, kolegi i prijateli od dijasporata koi čestitaa jubilej preku video poraki, a megju niv gi vidovme Kostadin Kamčev, ton majstor od dijasporata, Riste Tevdovski od “Bravo bend”, Naum Petreski, potoa pretsedatelite na makedonskite društva od Švajcarija, Avstralija, pejačkata Jasmina Mukaetova od Amerika, koja iznese celo ekspoze za grupata, muzičarot Goce Pejakot i drugi…
Deka “Drim Tim” e profesionalna grupa koja vo izminatite godini sozdavaše muzika, no i oplemenuvaše emocija, potvrduvaat mnogute nivni ubavi pesni koi se potpišani od različni avtori, no sepak najčestiot potpis go ima virtuozot Sašo Velkov, koj voedno dolgi godini beše del od ovaa grupa, zaedno so avtorot Dragi Stankov, pejačot Marjan Kocev i poranešniot tapanar na grupata Branko Naumov, koi dobija specijalni plaketi kako priznanie za nivniot doprines…
Plaketi za sorabotnicite
Poseben muzički pozdrav grupata upati i do muzičarot od dijasporata Vlado Pupinoski so pesna od negoviot tatko, Sekula Pupinoski, a isto taka imavme možnost premierno da go vidime prekrasniot video spot za pesnata “Jana”, posvetena na ќerќičkata na Čule, koja koga se rodila od Efto Pupinoski na dar ja dobila ovaa pesna, a Dejan ja raskaža i anegdotata kako Efto so pesna mu čestital, a potoa i mu podaril avtorska pesna za negovata Jana, koja istrča kaj tatka si na scenata dodeka se emituvaše spotot.
Veselo so Suzana Gavazova, Marjan Kocev, Blagoja Grujovski i Drim Tim
Grupata ne ja zaboravi ni novinarkata Aleksandra Sani Timkovska, koja bila zadolžena za nivniot PR i ja pokani na scenata za javno da i se zablagodari za angažmanot, što sekako e gest za pozdrav.
Inaku ovoj jubileen koncert definitivno može da podvlečeme deka beše odlično organiziran, no, za žal, kako što načuvme, ne bil televiziski ovekovečen, zatoa što MTV od tehnički pričini toj den ne uspeala da obezbedi ekipa za snimanje, što e eden golem propust od mediski aspekt, ama za žal vo našata država često se slučuvaat vakvi kiksevi koi se pravdaat so okolnosti i na krajot oštetni se muzičarite ama i nivnite obožavateli koi od razni pričini ne možele da prisustvuvaat taa večer vo Makedonskiot Naroden Teatar.
Cela sala beše ispolneta so obožavateli
Za kraj ќe im posakame na site členovi na grupata pred se dobro zdravje, mnogu inspiracija za novi muzički dela, mnogu nastapi, koncerti i svirki i sekako ušte mnogu grupno proslaveni jubileii…
Biba KRNČESKA
