Makedonskata tradicionalna muzika i prepoznatlivite ritmi na našite ora ḱe bidat vo centarot na megjunarodnata muzička sredba „Goran Alachki Accordion Event 2027“, što od 3 do 5 april slednata godina ḱe se održi vo italijanskiot grad Kastelfidardo. Nastanot, inspiriran od uspešnata muzička manifestacija što se održuva vo Makedonija, otvora nov prostor za afirmacija na makedonskoto muzičko nasledstvo i negovo prenesuvanje na novite generacii muzičari.
Harmonikata ima posebno mesto vo makedonskata narodna muzika. Nejziniot zvuk gi sledi našite pesni i ora, gi oživuva spomenite i ja prenesuva tradicijata od edna generacija na druga. Tokmu okolu ovoj instrument, no i okolu bogatstvoto na makedonskiot folklor, ḱe se odviva tridnevnata muzička sredba vo Kastelfidardo, grad vo Italija poznat po tradicijata vo izrabotkata na harmoniki.
Vtoroto izdanie na „Goran Alachki Accordion Event 2027“ e zakažano za 3, 4 i 5 april 2027 godina, na adresata Via Mazzini 11, 60022 Castelfidardo. Organizatorka e Elke Arenholc (Elke Ahrenholz), koja idejata za nastanot ja razviva inspirirana od uspešnata godišna manifestacija vo Makedonija.
So toa, makedonskata muzička tradicija dobiva ušte edna možnost da se pretstavi pred megjunarodna publika, ne samo kako repertoar za slušanje, tuku i kako živa kultura što se izučuva, se sviri i se spodeluva.
MAKEDONSKITE ORA I NERAMNOMERNITE RITMI VO CENTAROT NA PROGRAMATA
Programata predviduva sekojdnevni utrinski i popladnevni sesii so harmonika, kako i večerni aktivnosti. Učesnicite ḱe imaat možnost da se zapoznaat so makedonskata tradicionalna muzika, nejzinite karakteristični melodii i ritmi, kako i so tvoreštvoto inspirirano od ovaa bogata muzička tradicija.
Poseben akcent ḱe bide staven na ritmovite 5/8, 7/8, 9/8, 11/8, 14/16 i 19/8, koi ḱe se obrabotuvaat preku pesni, ora i izvedbi vo živo. Programata vklučuva i dva kratki filma vo vremetraenje od po deset minuti, kako i predavanje na tema „Harmonikata vo makedonskata muzika“.
Repertoarot ḱe gi opfati najpoznatite makedonski pesni i ora, kako i muzika od najnovoto CD-izdanie i knigata na Goran Alački. Sekoj učesnik ḱe dobie po edna kniga i dvoen CD, a tridnevnata sredba ḱe završi so koncert na Alački i zaednička večera.
Predvidena e i poseta na Muzejot na harmonikata vo Kastelfidardo, što ḱe bide možnost učesnicite odblizu da ja zapoznaat istorijata na instrumentot okolu koj se obedinuvaat.
OGRANIČEN BROJ UČESNICI I ROK ZA PRIJAVUVANJE
Za učestvo na nastanot e predvidena kotizacija od 600 evra po harmonikaš, a maksimalniot broj učesnici e ograničen na 15.
Za odredeni učesnici ḱe bidat dostapni i individualni časovi, po cena od 80 evra za čas, kako dopolnitelna usluga. Trošocite za patuvanje i smestuvanje ne se vklučeni vo kotizacijata.
Informacii za smestuvački kapaciteti vo blizina na lokacijata može da se dobijat na baranje.
Krajniot rok za prijavuvanje e 15 dekemvri 2026 godina.
Za informacii i registracija, zainteresiranite možat da ja kontaktiraat organizatorkata Elke Arenholc na e-poštata ehrenholz@me.com, telefonskiot broj +39 329 0578757 ili faksot +39 071 7822593.
Vo najavata e naveden i kontaktot na „Macedonian Pearl Folk-Seminar“, megjunarodnoto učilište za makedonska tradicionalna narodna muzika vo Skopje: g_alacki@yahoo.com.
„MAKEDONSKATA MUZIKA MI PODARI SÈ ŠTO IMAM VO ŽIVOTOT“
Za Goran Alački, makedonskata narodna muzika ne e samo profesionalen izbor, tuku životna opredelba. Negovata posvetenost na folklorot i na harmonikata se prepoznava i vo negoviot posleden muzički proekt, preku koj nastojuva da go začuva avtentičniot zvuk na instrumentalnata narodna muzika.
Vo svoeto obraḱanje za muzikata i tvoreštvoto, Alački naglasuva deka narodnata muzika ne može vistinski da se nauči samo od kniga. Taa mora da se slušne i da se počuvstvuva preku avtentičnata izvedba na narodniot avtor, pejač ili instrumentalist. Spored nego, tokmu vo neposredniot kontakt so muzikata se otkrivaat nejzinata moḱ, vrednost i energija, dodeka nejzinata najdlaboka tajna leži vo ednostavnosta.
Želbata da sozdade izdanie posveteno na instrumentalnata narodna muzika proizlegla i od potrebata da se potseti na vremeto koga vakvite melodii redovno se slušale na radio, osobeno vo utrinskite programi.
Vo izdanieto se vklučeni 26 kompozicii sozdadeni vo periodot od 1984 do 2011 godina, so karakteristični makedonski ritmi, živi instrumenti i harmonika što ja nosi glavnata muzička prikazna.
Sekoja kompozicija ima svoja posveta – na negovite deca, soprugata, sorabotnicite i na lugjeto i nastanite što go odbeležale negoviot život. Vo niv se prepoznava dlabokata povrzanost so makedonskiot folklor, koj, kako što samiot istaknuva, e prisuten vo celiot negov životen pat.
Alački svedoči deka tokmu makedonskata muzika mu ovozmožila da patuva niz svetot, da posetuva univerziteti i učilišta i da zapoznava orkestri, tancovi grupi i poedinci što ja neguvaat našata muzička tradicija. Megju zemjite vo koi ja pretstavuval ili ja sretnal makedonskata muzika gi naveduva Japonija, Avstralija, skandinavskite zemji, Švajcarija, SAD, Kanada i Brazil.
Negovata nadež e deka posledniot proekt ḱe ostavi trajna traga megju idnite generacii muzičari i ḱe potseti deka makedonskata instrumentalna narodna muzika e bezvremenska. Taa se prenesuva od tatko na sin, od generacija na generacija, nosejḱi go so sebe i seḱavanjeto na vekovnata borba na Makedoncite za nezavisnost i sloboda.
„Makedonskata muzika mi podari sè što imam vo životot“, veli Alački, opišuvajḱi ja vrskata so muzikata na koja ì go posvetil celiot svoj život. Negovata poraka na krajot ja otkriva i suštinata na ovaa posvetenost: „Tokmu preku taa muzika, ednostavno dokažuvame deka postoime.“ I tokmu taa misla mu dava posebna težina na pretstojniot nastan vo Italija.
Zašto koga makedonskata muzika ḱe se slušne daleku od svojata tatkovina, taa ne gi nosi samo melodiite i ritmite na narodot, tuku i negovoto kulturno pametenje, negovata tradicija i negovoto traenje.
Biba KRNČESKA
