Bitolskata scena no i makedonskata estrada ostanaa bez ušte eden svoj vistinski muzički biser. Po dolgo i teško boleduvanje, na 63-godišna vozrast počina Stojan Zdravevski – Stole, dolgogodišniot vokalist, klarinetist i eden od osnovačite na kultnata bitolska grupa „Boemi“. Vesta za negovoto zaminuvanje so neizmerna taga ja soopštija negovite kolegi od sostavot, koi naglasija deka izgubile del od svoeto semejstvo, soosnovač i pred sè – nezamenliv prijatel.
Za bitolčani i za ljubitelite na makedonskiot merak, prezimeto ne beše ni potrebno. Dovolno beše da se kaže Stole. Toj beše sinonim za skromnost, dostoinstvo i večna, dobronamerna nasmevka po koja cela čaršija ḱe go pameti.
OD MANDOLINSKI ORKESTAR DO TRI DECENII MUZIČKA ISTORIJA
Patot na Stole vo muzikata započnuva vo ranata mladost. Prvite profesionalni čekori gi pravi vo grupata „Bockin“, no negovata sudbina cvrsto se vrzuva za prikaznata koja započna od mandolinskiot orkestar pod dirigentstvo na Živko Parmakovski. Tokmu toa druženje kaj nego doma i kaj negovite kolegi, vo 1989 godina prerasna vo formiranje na grupata „Boemi“ – zaedno so Toni, Panskiot, Gjeršano i Stevo.
Poveḱe od tri decenii, „Boemi“ so nesebičen trud ja neguvaa makedonskata starogradska, narodna i zabavna muzika. Negoviot mek, topol vokal i zvukot na negoviot klarinet stanaa zaštiten znak na bezbroj maturi, svadbi, festivali i semejni veselbi niz Makedonija, no i megju makedonskata dijaspora. Nivnata avtorska kompozicija „Boemska“ stana lična karta na bendot, a Stole ostana negov zaštiten znak do posledniot zdiv – bidejḱi i vo najteškite denovi, za nego pesnata beše sila i nadež.
EVOCIRANJE NA MERAKOT: VREMINJA KOI NEMA DA SE POVTORAT
Zad suvite biografski podatoci, sepak, se krie ona najvrednoto – emotivniot beleg što Stole i „Boemite“ go ostavija kaj celi generacii. Za mnogumina, tie bea i ostanaa sinonim za najubavite denovi od mladosta. Nivnite svirki predizvikuvaa čista radost kade i da se pojavea, a lugjeto peeja so niv do deri-grlo, pregrnati vo iskren boemski zanes.
Posebno poglavje na ovoj merak bea legendarnite post-valandovski sedenki vo kultniot restoran “Fuk-Tak” vo Dojran. Taa nezaboravna družina, predvodena od Stole i „Boemite“, zaedno so šarmerot Nino Veličkovski i moḱniot Naum Petreski, sozdavaše noḱi koi vlegoa vo istorijata. Vo “Fuk-Tak” nasproti ezeroto se lumpuvaše do ranite utrinski časovi. Dodeka sonceto izgrevaše nad Dojran, nivnata pesna sè ušte ečeše. Tie nezaboravni momenti napravija od ovoj restoran kultno meraklisko svetilište – spomeni za koi denes site sme svesni deka teško možat da se povtorat, no ostanuvaat kako besceneto bogatstvo vo kolektivnata memorija.
POSLEDNO ISPRAḰANJE NA BITOLSKATA LEGENDA
I pokraj bolesta, bitolčani do posleden moment so simpatija go gledaa Stole kako šeta niz Širok Sokak, sekogaš vo društvo na negovite sakani vnuki i so prepoznatlivata nasmevka na liceto. Zad sebe ostavi neutešno semejstvo – sopruga, deca, vnuci i brojni prijateli i kolegi.
Čovekot zamina, no negoviot glas i delo ostanuvaat zasekogaš vrežani vo dušata na Bitola i vo temelite na makedonskata muzika.
Za site onie koi sakaat da mu oddadat posledna počit na ovoj golem umetnik i čovek, posmrtnite ostanki ḱe bidat izloženi utre, vo sabota (1 avgust) vo hramot „Sv. Dimitrij“ vo Bitola od 11:00 do 13:00 časot.
Pogrebnata ceremonija ḱe se izvrši na starite Svetonedelski grobišta vo 13:00 časot.
Večna mu slava i svetol pat kon večnosta…
Biba KRNČESKA
