So koncertot na Karolina Gočeva oficijalno vo nedelata večer beše otvorena manifestacijata „Kriva Palanka – Grad na kulturata”. Publikata što ja ispolni salata na Nacionalnata ustanova Centar za kultura – Kriva Palanka, vo eden glas peeše so popularnata makedonska pop diva, Karolina Gočeva koja so svojot solistički koncert i oficijalno ja predstavi „Kriva Palanka, kako – Grad na kulturata” za 2024ta godina.
-„Silni impresii na publikata od izvonredniot nastap na makedonskata muzička diva, nepovtorlivata, edna i edinstvena, Karolina Gočeva. Salata vo NU Centar za kultura ečeše, vo eden glas se peeja pesnite od albumite “Makedonsko devojče” i “Izvor” na kompozitorot i producent Nikola Micevski, koj so svojot bend ja pridružuvaše Karolina. Site generacii uživaa vo interpretacijata na: “Sakam da ne te sakam”, “Ako zgrešam neka izgoram”, “Dve zlatni liri”, “Prolet, leto, esen, zima”, “Zvona”, “Beli cvetovi”, “Da e son” i mnogu drugi. Koncertot e vistinski muzički podarok i poln pogodok za oficijalno otvoranje na manifestacijata „Kriva Palanka – Grad na kulturata”– napiša ušte isatata večer gradonačalnikot na Kriva Palanka, Saško Mitovski na svojot Fejsbuk profil.
Gočeva pak naglasi deka prv pat se predstavuva pred krivopalančani, a iskustvoto i reakcijata na publikata gi oceni kako odlični:
-„Večerva si pominavme mnogu ubavo. Mislam deka posle ovaa večer ḱe začestat našite sredbi. Mislam i deka ubavo go pretstavivme proektot “Makedonsko devojče”, iako e proekt koj veḱe trae dolgo vreme. Sme go svirele i vo mnogu gradovi, no eve duri sega mu beše momentot da dojde vo Kriva Palanka i mislam deka site pominavme ubavo, i publikata i nie, so sigurnost uživavme” – izjavi Gočeva.
Taa i čestitaše na Kriva Palanka što e nositel na titulata “Grad na kulturata za 2024”, istaknuvajḱi deka kulturata ja pravat lugjeto, nivnata želba da vidat nešto ubavo, da slušnat dobra muzika, da vidat dobra pretstava, taka što, reče, goleminata na gradot nema apsolutno nikakva vrska so toa dali toj treba da bide Grad na kultura.
-„Jas veruvam deka Kriva Palanka go zaslužuva i deka ḱe se obide i ponataka da go zaslužuva toj epitet. Se nadevam deka i kampanjata za kupuvanje koncerten klavir za gradot brzo i uspešno ќe bide završena i deka ḱe se soberat sredstvata koi što se potrebni za da se nabavi toj instrument. Znam i deka sredstvata od našiot koncert bea nameneti za kupuvanje na toj koncerten klavir, taka što se nadevam što poskoro da se realizira idejata”– reče taa.
Kompozitorot i producentot pak Nikola Micevski reče deka bukvalno site pesni si go najdoa patot do publikata.
-„Toa za mene kako avtor i za Karolina kako izveduvač, no i za celiot ovoj tim e najgolema nagrada. Reakcijata na publikata na ovoj materijal, koj dosega e pretstaven na preku 100-tina koncerti vo izminative godini e fantastična. I ovaa poddrška pokaža deka materijalot sè ušte živee. Večerva imavme super reakcija na publikata, sreḱni sme i se nadevam deka i vo idnina možebi nešto vakvo ḱe napravime. Gradot kako grad na kulturata gi obvrzuva site gragjani sto poveќe da se grižat za kulturata, da imame što poveḱe kulturni manifestacii, mnogu makedonska muzika, zatoa što sepak toa si e naše i treba da si go neguvame, bilo da e toa tradicionalna, bilo da e pop muzika ili kakov bilo žanr, makedonsko si e makedonsko, sekomu treba da mu e na prvo mesto makedonskata muzika” – naglasi Micevski.
Programata „Kriva Palanka – Grad na kulturata” ja zaokruži tradicionalna manifestacija „Nevestinsko poklonenie na sveti Teodor Tiron” što se održa vo seloto Konopnica.
Biba KRNČESKA
