Koga eden muzički sostav zad sebe ḱe zaokruži 14 godini kontinuirana aktivnost ispolneta so nebroeni svadbeni proslavi, bezbroj propatuvani kilometri, turnei i iljadnici nasmeani lica, togaš zborovite navistina stanuvaat izlišni. Členovite na „Grupa Maestro“ neodamna so samo nekolku skromni rečenici na socijalnite mreži go odbeležaa ovoj golem jubilej. No, dodeka tie se „skržavi“ na zborovi, nivnata realna pozicija na makedonskata estrada zboruva glasno i impozantno. Zad ovaa 14-godišna prikazna stojat neprospieni noḱi, vrvna profesionalnost i pred sè – ogromna, iskrena ljubov kon muzikata.
BEND KOJ SE BARA „SO VRSKI“ I SO MESECI ODNAPRED
„Maestro“ odamna ne e samo običen bend, tuku vistinska institucija za zabava. Vo era koga estradniot pazar e preplaven so instant-proekti, tie uspeaja da izgradat status na sostav koj e rasprodaden so meseci, pa i so godini odnapred. Nivniot kalendar e ispolnet do poslednoto mesto, a nivnoto ime na posterot e apsolutna garancija za uspešna proslava.
Ovaa nivna seprisutnost i energija odamna gi nadmina granicite na Makedonija. „Grupa Maestro“ e megju najbaranite i najangažiranite sostavi vo našata dijaspora. Od Evropa do prekuokeanskite zemji, našincite vo niv gledaat most so tatkovinata, prepoznavajḱi go nivniot kvalitet i sposobnosta sekoja sala da ja pretvorat vo edno golemo, razigrano makedonsko semejstvo.
Publikata bezrezervno i besprekorno gi obožava, a toj status ne se dobiva preku noḱ – toj se zarabotuva so pot i sebe davanje na scenata.
VREME E ZA NOV PRIMAREN FOKUS: KADE E AVTORSKATA MUZIKA?
Sepak, kako odlični educirani muzičari i dokažani virtuozi na svoite instrumenti, „Maestrovci“ vo poslednite godini pokažuvaat edna neočekuvana doza na pasivnost koga e vo prašanje nivnata avtorska kariera. Retko gi gledame na domašnite festivali, a novi avtorski kompozicii izleguvaat premnogu retko za bend so takov ogromen potencijal.
Ako vo site drugi segmenti – od svirka vo živo, preku turnei pa sè do menadžiranje na nastapite – se dokažani kako apsolutni prvenci, vo idnina tokmu avtorskata muzika mora da im stane glaven primaren fokus. Festivalskite sceni i sopstvenite bezvremenski refreni se ona što na eden bend mu nosi večnost. Publikata e žedna da gi slušne nivnite menadžerski i izveduvački sposobnosti pretočeni vo novi, nivni pesni koi ḱe ostanat za generaciite po niv.
„Grupa Maestro“ veḱe dokaža deka znae kako se osvojuva nacijata i dijasporata so ubavi refreni i besprekorna svirka. Sega, na pragot na nivnata 15-ta godina, vreme e da gi zasukaat rakavite vo studioto i da ni go podarat ona što najdobro go znaat – makedonska pesna so niven, originalen „maestralen“ potpis.
Čestit jubilej, dečki! Prodolžete da ni gi polnite srcata, no i da ni ja zbogatuvate riznicata na makedonskata muzika!
Biba KRNČESKA
