ŠOUTO ŠTO NE SMEE DA ZAPRE: „BIORITAM“ SE VRAḰA NA SCENATA VO STAR SOSTAV I SO NOV PROEKT. RESTARТ NAMESTO KRAJ

Onie što dobro se seќavaat na zabavata od docnite devedesetti i početokot na noviot milenium, bez dvoumenje ḱe gi izdvojat momcite so nacrtani simboli na licata prepoznatlivi kako grupa “Bioritam” i nivnata nezapirliva dinamika, koja pokažaa kako moderno, urbano no i komercijalno može da se spakuva tradicijata.

Za žal, kako što neretko biva na ovie prostori, po godinite na apsolutna dominacija, prikaznata na grupata „Bioritam“ nekako tivko stagniraše, pretvorajḱi se vo nostalgičen estraden spomenik.

Sepak…

Dobrite vesti što gi doznava našiot portal Svet-Australia, velat deka kultniot sostav “Bioritam” reši da ja restartira svojata glavna maška postava, i toa onaa najreprezentativnata.

Povtorno ḱe go vidime jadroto na ovoj šou-brend, odnosno, Toni Ivanovski, Igor Hristov, Cane Petrov, Nikola Jovanov, i.t.n. Zad kulisite veḱe intenzivno se raboti, studiskite mašini se vo poln ek, a vo tek e snimanjeto na nivniot najnov proekt so koj grupata ќe go započne svojot kambek.

Inaku kolku za potestuvanje na pomladata populacija bi kažale deka patot na „Bioritam“ beše sè, samo ne običen.

Ovoj sostav praktično se rodi od jadroto na kultnite „Akademci“ vo sredinata na 90-tite godini, koga ovie muzičari odlučija radikalno da gi promenat togašnite, vkočaneti i statični estradni prestavuvanja na bendovite. Nivniot nastap stana performans.

Vo taa zlatna era, so svojot vokalen pečat se izdvoi Novica Vasilevski, koj do den denešen e prepoznatliv po svojot šarm no i po čistiot i emotiven vokal, so koj mošne avtentično umeeše da go donese karakterističniot melos na grupata. Zaedno so ostanatite členovi, toj gi otpea nekoi od najprepoznatlivite refreni na grupata.

Od druga strana, Toni Ivanovski, vo javnosta poznat kako „Toni Bioritam“ ili Titiot, beše definicijata za scenski temperament. Toni ne beše samo pejač, toj beše harizma vo pokret, najdinamičniot estraden animator na scenata. So mikrofonot vo raka, toj bukvalno „goreše“ pod reflektorite – ne znaeše da zastane vo mesto, voveduvaše koreografii kade što celiot bend se dvižeše vo ist ritam, a negovata neskrotliv šarm praveše publikata da se kačuva na masi ušte od prviot takt. Tokmu Toni ja diktiraše taa urbana folku-energija što gi natera duri i onie koi ne slušaa narodna muzika, da stanat nivni verni obožavateli.

Kulminacijata na nivnata energija beše zapečatena so pojavuvanjeto na togašnite prestižni festivali.

Nivnata pobeda vo devedestite godini na festivalot „Ohridski trubaduri“ (Ohrid Fest) so bezvremenskata kompozicija  „Sadilo“ – koja go noseše kultniot čalgiski i starogradski gen – beše samo potvrda i oficijalen triumf na grupata.

Moḱnata energija momcite od “Bioritam” brzo ja prenesoa i preku granicite, taka što stanaa edni od najgolemite, togašni, naši, muzički ambasadori meǵju našincite vo dijasporata. Nivnite turnei niz Evropa, Kanada, Amerika, i osobeno Avstralija, bea edni od najposetenite. Našite iselenici vo nivnite nastapi ne naogjaa samo zabava, tuku i vistinsko lekuvanje na nostalgijata preku temperamentot i veselata energija.

No, balansot vo ovaa sovršena muzička mašina se naruši koga od ravenkata izlegoa nejzinite klučni katalizatori. Prvo, zaminuvanjeto na Novica Vasilevski vo solo vodi, a potoa i razdelbata so temperamentniot Toni Ivanovski ja ostavi grupata bez svojot priroden, prepoznatliv motor.

Iako „Bioritam“ opstana na teren niz deceniite, čestite kadrovski smeni na vokalnata pozicija, neminovno ja razvodnija suštinata. So gubenjeto na originalnite stolbovi, bendot ja izgubi onaa specifična, sirova scenska energija po koja se razlikuvaše od konkurencijata. Grupata postepeno se povlekuvaše od golemite televiziski ekrani i festivalski sceni, fokusirajḱi se glavno na zatvoreni privatni zabavi. Nivnoto mediumsko vlijanie stagniraše, a estradniot tron na avtentičniot šou-koncept ostana prazen, prepušten na novi, no čestopati samo bledi kopii na ona što „Bioritam“ nekogaš go praveše so lesnotija.

Tokmu zatoa, ovaa ekskluzivna vest što nasiot portal ja najavuva, ne e samo obična estradna crtička, tuku najava za vraḱanje na izgubeniot standard.

Proektot na koj veḱe seriozno se raboti vo studio naskoro ḱe doživee svoja promocija, pa taka za mnogu kratko vreme ḱe imame prilika povtorno “Bioritam” da go vidime na mediumite. Ovaa najava za golemoto estradno vraḱanje nesomneno ḱe donese ogromno zadovolstvo kaj nivnite mnogubrojni obožavateli, a osobeno kaj vernite obožavatelki koi so godini gi sledea na nivnite nastapi so posebno vnimanie.

Publikata koja preferira urban folk, so doza na šarm, vrvna instrumentalna svirka i pred sè žestoka energija, konečno go dobiva toa što go čekaše. „Bioritam“, se vraќa vo poln sjaj da go prodolži šouto što ne smee da zapre…

Biba KRNČESKA