Denovive kako bomba preku socijalnite mreži, odekna reakcijata na makedonskiot pejač Zoran Vanev, koj upati javni kritiki do rakovodstvoto i organizatorite na muzičkiot festival „Makfest“. Preku objava na negoviot fb profil Vanev iznese tvrdenja deka najstariot muzički festival vo zemjava gi izgubil svoite prvični vrednosti i deka toj prakticno e kidnapiran od edna grupa na lugje. Vo svojata reakcija toj tvrdi deka festivalot se koristi za privatni biznis interesi i povika na, kako što veli, spas na javnite pari.
Eve ja negovata objava vo celost –
SKANDAL OD MAKFEST DO PASTRMAJLIJADA:
Kako narodnite pari od Štip završuvaat vo džebovite na istiot muzički klan?!
Predmet: Javno razotkrivanje na skandalozni manipulacii, finansiski malverzacii i celosna privatizacija na festivalot „MAKFEST“ od strana na odredeni poedinci.
Počituvani pretstavnici na mediumite, istražni novinari i nadležni institucii.
Preku ova otvoreno pismo, kako del od makedonskata muzička fela i zaštitnik na javniot interes, sakam da ja alarmiram celata makedonska javnost, Opština Štip, Državniot zavod za revizija (DZR) i Osnovnoto javno obvinitelstvo (OJO) za gruba zloupotreba na javni sredstva, nepotizam i uništuvanje na najstariot i najprestižniot makedonski muzički festival „Makfest“.
So godini nanazad, ovoj festival, koj se finansira od parite na gragjanite preku budžetot na Opština Štip, e kidnapiran i pretvoren vo privatna firma od strana na dobro poznata mreža na lica, predvodena od umetničkiot direktor Robert Sazdov i negoviot sorabotnik od senka, Jovan Jovanov. Nivnoto rakovodenje pretstavuva klasičen primer za izigruvanje na zakonite, za što postojat i pismeni materijalni dokazi. Vo prodolženie gi iznesuvam klučnite fakti koi baraat itna institucionalna i mediumska istraga:
1. Farsata narečena „Javen konkurs za MAKFEST“ i pismeno priznanie za mestenki!!!
Skandalozni zloupotrebi, manipulacii i favoriziranje pri izborot na festivalskite kompozicii.
„Javniot konkurs“ za priem na pesni na „Makfest“ pretstavuva samo praven paravan za legaliziranje na odnapred dogovoreni privatni zdelki.
Kako e vozmožno sekoja godina, redovno i šablonski, samo 10 kompozicii da bidat primeni „preku konkurs“, a site ostanati masovno da se odbivaat so generički izgovori za navodni „trendovski nedostatoci“? Ovaa fiksna brojka od maksimalno 10 pesni e jasen i nedvosmislen znak za sistemska manipulacija.
Koga se raspišuva javen konkurs finansiran od budžetot na Opština Štip i parite na gragjanite, site kompozicii mora da bidat izbrani isklučivo po pat na toj konkurs. Sekoe podmetnuvanje na odnapred rezervirani mesta i paralelni privatni dogovori otvora osnovano somnevanje za seriozen kriminal.
Za ova postoi i direktno pismeno priznanie – e-mail komunikacija od samata organizacija, vo koja na avtorite otvoreno im se soopštuva deka dokolku imaat „popularen pejač“ ili ako se raboti za „zvezdi“, konkursot za niv ednostavno ne važi i mestoto na festivalskata scena im e odnapred zagarantirano!
Ova e grubo i direktno kršenje na site pravila za ednakvost, transparentnost i fer konkurencija pri dodeluvanje na javni sredstva. Nad 70% od pesnite na festivalot se dogovaraat zad zatvoreni vrati i vo četiri oči, dodeka legitimnite avtori koi uredno go počituvaat konkursot služat samo kako običen dekor.
Poradi vakvite manipulativni praktiki i megjusebnata raspredelba na narodnite sredstva vo tesen krug na privilegirani poedinci, najgolemite i najeminentnite makedonski pejački iminja so godini go bojkotiraat festivalot. Ovoj organiziran favoritizam celosno gi uništi kvalitetot i renometo na „Makfest“ – manifestacija koja nekogaš beše gordost na makedonskata zabavna muzika, a denes poleka, no sigurno propagja.
2. Somnitelno minato i razraboten „Modus Operandi“!!!
Licata koi denes upravuvaat so parite na „Makfest“, Robert Sazdov i Jovan Jovanov, imaat dolga istorija na skandali povrzani so državni i javni fondovi:
• Skopje Fest 2014: Istata ovaa mreža beše vo centarot na policiskata akcija na MVR za masovno kupuvanje SIM-kartički i lažiranje na telefonskoto glasanje so cel ispumpuvanje na državnite subvencii za muzika. •
Monopolot vo ZAMP: Godini nanazad, ovaa grupacija go monopoliziraše sistemot za naplata na avtorski prava, eliminirajḱi ja sekoja konkurencija i predizvikuvajḱi istoriski bojkot od strana na makedonskite muzičari.
• Državnite subvencii: Sozdavanje na zatvoreni klanovi za megjusebno delenje na državnite subvencii za muzika, dodeka ostanatite muzičari bea celosno marginalizirani.
Denes, istiot toj princip na rabota e preslikan i vrz opštinskata kasa vo Štip.
3. Degradacija na festivalot i uništuvanje na kvalitetot!!!
Pod prevezot na „modernizacija“, ova rakovodstvo go ukina reviskiot orkestar i živata izvedba, pretvorajḱi go festivalot vo evtina plejbek-manifestacija. Ovoj poteg ne e napraven za spas na festivalot, tuku za kratenje na trošocite za vistinskite muzičari, so cel da ostane pogolem budžet za somnitelni menadžerski provizii i produkcii na instant-izveduvači od nivniot klan. Tokmu zatoa, kvalitetnite makedonski avtori odbivaat da bidat del od ovaa farsa.
JAVEN POVIK DO INSTITUCIITE
Ova ne e prašanje na povredena sueta na odbieni avtori, tuku prašanje na ekonomski kriminal, zloupotreba na službena položba i nenamensko trošenje na parite na gragjanite.
GI POVIKUVAM:
1. Gradonačalnikot na Opština Štip: Itno da gi prezeme site neophodni merki za da go spasi ugledot na Opštinata. Iskreno, sakam da veruvam deka od vaša strana nemalo nikakva loša namera. Verojatno, vo celiot organizaciski proces, ednostavno se nemalo koj blagovremeno da ve predupredi so kakvi „vonseriski muzički talenti“ si imate rabota. Čovečki e da ne se sledi sekoj muzički trend, pa taka, verojatno vo neznaenje, Opštinata dojde do situacija oficijalno da go poddrži Jovan Jovanov kako „glavna dzvezda“ na Štipskata pastrmajlijada. Zatoa, so najdobra namera i prijatelski ton, sakam da vi ukažam na ovoj navidum siten „umetnički previd“. Negovoto angažiranje za ovoj nastan ne e samo običen izbor na izveduvač, tuku čin so koj otvoreno se potvrduva bliskata sorabotka so Opštinata i nasočuvanjeto na opštinskite sredstva kon istite lica.
Ova go istaknuvam so iskrena nadež deka nadležnite institucii navreme ḱe se osvestat i ḱe reagiraat – pred voopšto da se vklučat mikrofonite na Gradskiot stadion!
2. Državniot zavod za revizija (DZR) i Finansiskata policija: Itno da vlezat vo Opština Štip i vo organizacijata na „Makfest“ i da napravat dlabinska revizija na site isplati, dogovori i fakturi vo poslednite nekolku godini.
3. Istražnite novinari: Detalno da go istražat tekot na parite – kolku realno čini organizacijata na festivalot, na koi smetki završuvaat opštinskite sredstva i kako se izbiraat kompoziciite i izveduvačite koi voopšto ne pominale na javniot konkurs i koj odlučuva za toa.
Site pismeni dokazi, vklučitelno i skandaloznata komunikacija so organizacijata vo koja se priznava manipuliranjeto so javniot konkurs, se sočuvani i mu stojat na raspolaganje na sekoj medium i institucija koi ḱe pokažat interes za rasčistuvanje na ovoj skandal.
Vreme e „Makfest“ da im se vrati na gradot Štip, na vistinskite avtori i na publikata, i konečno da se oslobodi od kandžite na profiterite!
So počit, Zoran Vanev
Reakcijata na Vanev dobi javna poddrška i od Stojan Troicki, poranešen direktor i eden od osnovačite na „Makfest“. Troicki se soglasi so stavovite na pejačot i upati seriozni obvinuvanja na smetka na menadžiranjeto na ovaa manifestacija.
“Poveḱe pati davav naznaki za seto toa što go pišuvaš, no Opštinata i državata ubivaat so molčenje. Dobro si gi lociral rabotite. ‘Makfest’ odamna ne e štipski festival, tuku partiski privrzok za perenje pari“, stoi vo pismenata reakcija na Troicki do Vanev.
Poranešniot direktor Troicki vo svojot komentar posoči i na nedostig na sluh od strana na lokalnite vlasti vo Štip za problemite so koi se soočuva festivalot. Toj tvrdi deka vo minatoto se obidel da stapi vo kontakt so gradonačalnikot na Opština Štip za da razgovara na ovaa tema, no deka do takva sredba nikogaš ne došlo.
Do objavuvanjeto na ovoj tekst, organizatorite na „Makfest“ i Opština Štip, kako pokrovitel na festivalot, se ušte nemaat izlezeno so oficijalen stav ili demant vo vrska so obvinuvanjata izneseni od strana na Vanev i Troicki.
Biba KRNČESKA
