PRILEP, 14 avgust 2026 – Starata prilepska čaršija vikendov ḱe pulsira vo ritamot na tradicijata, folklorot i megjunarodnoto prijatelstvo.
Deneska i utre (petok i sabota), gradot pod Markovite Kuli e domaḱin na prvoto izdanie na Megjunarodniot folkloren festival „Itar Pejo“, nova kulturna manifestacija koja ima ambicija da prerasne vo prepoznatliv brend i nova turistička sodržina za Prilep.
Glaven organizator na nastanot e KUD „Mirče Acev“, a festivalot se realizira pod pokrovitelstvo na Opština Prilep i Centarot za kultura „Marko Cepenkov“.
ITAR PEJO – OD NARODEN MUDREC DO FESTIVALSKA INSPIRACIJA
Iako prvičnite najavi kaj del od prilepčani razbudija očekuvanja za festival na stendap komedija, organizatorite otkrivaat edna mnogu podlaboka i poavtentična koncepcija.
Itar Pejo ne e samo simbol za humor, tuku toj e folkloren pretstavnik na našeto podnebje i olicetvorenie na makedonskata narodna mudrost niz vekovite.
Tokmu zatoa, negoviot lik sovršeno se vklopuva vo ovaa folklorna prikazna, a česta da go oživee ovoj kulten lik na scenata ja dobi prilepskiot akter Igor Trpčeski.
Na festivalot ḱe učestvuvaat vkupno sedum ansambli. Pokraj pette domašni igraorni prestavnici od Demirhisar, Kavadarci, Struga, Krivogaštani i domaќinot Prilep, koi ḱe go prezentiraat bogatoto makedonsko kulturno nasledstvo, Prilep so otvoreno srce gi prečekuva i gostite od stranstvo, potočno folklornite ansambli od Polska i Slovačka.
Gradonačalnikot na Opština Prilep, Dejan Prodanoski, istakna deka ova e odlična možnost za kulturna razmena i gradenje novi mostovi na sorabotka.
„Posebnosta na festivalot e možnosta da zapoznaeme novi kulturi i tradicii od različni narodi, da uživame vo šareniloto na nivnite tradicionalni nosii, pesni i igri, a voedno i da ja spodelime našata bogata makedonska tradicija so svetot. So festivalot ‘Itar Pejo’, Prilep stanuva scena na prijatelstvo, umetnost i zaedništvo, što e čekor napred vo gradenjeto na grad so otvoreno srce i živ duh“, porača Prodanoski.
DVODNEVNA ŠARENA PROGRAMA VO SRCETO NA ČARŠIJATA
Centralnata scena e smestena na platoto pred spomenikot na Itar Pejo vo Starata čaršija, lokacija koja sama po sebe mu dava dopolnitelen šarm i avtentičnost na celiot nastan.
Programata za dvata dena e dinamična i gi kani site generacii da bidat del od nea:
Petok (14 avgust) – 19:00 časot:Oficijalno otvoranje pred spomenikot na Itar Pejo, po što sleduva detska kreativna rabotilnica kaj Mogilata na nepobedenite, svečeno defile na site ansambli niz gradot i glavnata folklorna večer na čaršiskoto plato.
Sabota (15 avgust) – 19:00 časot:Vtora festivalska večer so novi defilea i prodolžuvanje na bogatata scenska programa so folklornite grupi vo centarot na gradot.
Prilep vikendov ve kani da bidete del od magijata na folklorot, da uživate vo šareniloto na nosiite i zaedno da go označime početokot na edna nova, ubava festivalska tradicija!
Biba KRNČESKA
