Vo vreme koga muzičkata scena čestopati e preplavena so instant-hitovi, retki se umetnicite koi uspevaat da gi spojat vrvniot vokalen kvalitet, iskrenata emocija i besprekornata scenska pojava. Eden od niv bez somnenie e Neno Muriḱ – pejačot čie ime vo Bosna i Hercegovina i Crna Gora e sinonim za kvalitetna pop-muzika i nezaboravna atmosfera, no koj kaj makedonskata publika sè ušte čeka da go dobie zasluženoto vnimanie.

Roden vo Rožaje – (Crna Gora), a so decenii žitel na Saraevo -(Bosna i Hercegovina), Neno ušte od detstvoto pokažuval vonseriski muzički talent, a paralelno so ljubovta kon muzikata se steknal i so akademskata titula magister po istorija.
Profesionalniot probiv na golemata scena go napravi vo 2005 godina na festivalot „Sunčane skale“ so bezvremenskata balada „Stope da ti ljubim“, sozdadena vo sorabotka so Hari Varešanoviḱ.

Niz svojata bogata kariera so dva studiski albumi zad sebe, toj osvoi brojni nagradi na megjunarodni festivali vo Bugarija i Turcija, a makedonskata festivalska publika imaše možnost da go zapoznae i preku negovite nagraduvani nastapi na „Ohrid fest“, kade što ostvari i plodna sorabotka so vrvni makedonski avtori, megju koi Grigor Koprov, Ognen Nedelkovski, Borče Dimitrov i Orce Zafirovski.

Rečisi i da nema Makedonec koj prisustvuval na nastap na Neno vo Bosna, a da ne se vratil vooduševen. Negovata pitka muzikalnost i posebniot senzibilitet so koj gi bira i gi izveduva pesnite nosat nesekojdnevna emotivnost koja dopira direktno do srceto. A koga ḱe izleze na scena, negovite nastapi se pretvoraat vo vistinska eksplozija od pozitivna energija na koja bukvalno se spojuvaat site generacii vo zaedničko muzičko ludilo, peejḱi i tancuvajḱi vo eden glas. Pritoa, toj zrači so vistinska gospodstvenost koja se zabeležuva i preku negoviot avtentičen imidž, stiliziran do perfekcija i so maniri na džentlmen od nekoi poubavi vreminja.

Sepak, ona što najmnogu gi osvojuva lugjeto e negovata čovečka golemina, humanost i neposrednost. Neno e redoven učesnik na brojni humanitarni nastani i akcii, a potvrda za negovata posvetenost na vistinskite vrednosti stigna denovive od Novi Sad, kade što mu beše vračeno prestižnoto priznanie „Vitez na tolerancijata“ za širenje ljubov, dobrina i humanost vo regionot.
Nadvor od reflektorite, toj ne e zvezda što se drži na distanca; naprotiv, so golema radost održuva prijatelski kontakti so mnogu Makedonci so koi slučajno se zapoznal, gradejḱi srdečni i trajni vrski. Negovata ljubov kon našata zemja se čuvstvuva i na scenata, kade što često i so ogromna počit znae da zapee makedonski pesni.
Tokmu taa negova toplina i umetnička harizma se dovolna pričina nekoja od domašnite produkciski kuḱi konečno da bide inspirirana i go donese koncertno pred makedonskata publika.
Najdobra potvrda deka vrskata megju Neno i Makedonija stanuva sè posilna e i negoviot najnov muzički proekt, sozdaden so celosno makedonski avtorski pečat. Stanuva zbor za moderna i sveža pesna so energičen ritam vo stilot na Bruno Mars, zad čija muzika i produkcija stoi našiot renomiran kompozitor Darko Dimitrov, dodeka tekstot go napiša Makedonka so belgradska adresa, Violeta Mihajlovska Miliḱ.

Ovaa numera, čija oficijalna promocija se očekuva naskoro, vetuva deka ḱe bide vistinski muzički most koj ḱe go donese Neno ušte poblisku do makedonskata publika i eter.
Vo megjuvreme, negoviot kalendar e ispolnet do posledno mesto. Toj veḱe najavi deka dočekot na 2027 godina ḱe go pomine na scena, kako glavna zvezda na novogodišnata noḱ vo prestižniot „Hotel Evropa“ vo Saraevo, a veke na 01.01.2027 godina, nastapuva vo Budva, potočno na Sveti Stefan vo restoranot “Galija”. Ova e ušte eden dokaz deka stanuva zbor za umetnik čija energija i glas se garancija za posebni večeri što dolgo se pametat…
Biba KRNČESKA















