Poznatata makedonska vokalna umetnica Julija Macievska započnuva novo i značajno poglavje vo svojata muzička kariera. Po pokana na pretsedatelkata Lenče Čolakovska, a so ednoglasna odluka na Sovetot i site členovi, Macievska oficijalno ja prifati ulogata na dirigent i solist vo eden od najrenomiranite makedonski ansambli – „Vanja Lazarova“.
Ovaa ekskluzivna vest beše oficijalno promovirana za vreme na nivnoto zaedničko gostuvanje vo utrinskata emisija „Kačamak“ na televizija Sitel. Vo ramkite na emisijata, Macievska za prvpat se pretstavi vo ulogata na dirigent, a publikata imaše možnost premierno vo živo da ja slušne i bezvremenskata „Koga padna na Pirina“, vo nejzina solistička izvedba.
Macievska ne gi krieše emociite po povod ovoj golem profesionalen čekor, istaknuvajḱi deka počitta i doverbata što ì bile ukažani od celiot ansambl bile presudni za prifaḱanje na funkcijata.
“Mi se obratija so tolku golema počit i vnimanie, što me trognaa do solzi. Ednostavno ne beše vozmožno da se odbie vakva ponuda koga tolku mnogu lugje imaat doverba vo vas, koga go cenat vašiot minat trud vo muzikata, pridonesot vo umetnosta i pred sè, vas kako čovek. Za mene ova pretstavuva ogromna odgovornost, koja ja prezemam so golema radost i posvetenost“, izjavi Macievska,
Sorabotkata veḱe dava konkretni rezultati, a umetnicata aktivno raboti na zbogatuvanje na repertoarot na ansamblot so novi pesni i sveži aranžmani.
„Rabotime vo prijatelska i harmonična atmosfera, kakva što im prilega na profesionalci koi so godini opstojuvaat na makedonskata muzička scena. Se nadopolnuvame, se konsultirame i zaedno se raduvame na krajniot proizvod. Vo idnina sleduvaat ušte mnogu interesni obrabotki, pesni i nastapi vo čest na našata zemja, čij muzički ambasador e tokmu ansamblot ’Vanja Lazarova‘“, dodava taa.
Biba KRNČESKA
