Neodamnešnata pres-konferencija so koja oficijalno se najavi pretstojniot golem koncert na Jelena Karleuša vo Skopje, podigna ogromna prašina vo javnosta. Iako najgolemiot del od mediumite nastanot go ispratija preku videointervjua i prilozi, ona što balkanskata pop-diva go kaža pred makedonskite novinari beše premnogu sočno za da ostane samo vo videoformat. Na presot održan na 9 oktomvri, Karleuša se pokaža vo svoeto prepoznatlivo svetlo – isklučitelno ljubezna, ubava, nasmeana, elokventna i do kraj iskrena, otvorajḱi temi koi sè ušte ja branuvaat estradata.
SOMNEŽ ZA MENADŽERSKO „MINIRANJE“: SLUČAJNO LI SE POKLOPUVAAT KARLEUŠA I KALIOPI?
Najinteresnoto estradno i menadžersko prašanje na presot go postavi vnukata na legendarniot makedonski menadžer Velibor Džarovski – Džaro. Taa se osmeli direktno da ja praša Karleuša kako toa po vtorpat vo karierata koncertno se poklopuva so Kaliopi, što vo javnosta silno implicira na somnež deka ovaa situacija voopšto ne e slučajna. Vo svojot transparenten stil, Karleuša pojasni deka koga nejzinata produkcija Event Group go zakupuvala i zakažuvala terminot vo Skopje, na toj datum nemalo nitu eden drug najaven koncert. Taa naglasi deka ja obožava Kaliopi, ja smeta za edna od najdobrite pejački, no i ličnosti na estradata, i deka koga ḱe ja vidi, ḱe mora da otkrie zošto ova im se slučuva povtorno. Sepak, Karleuša direktno posoči deka podocnežnoto zakažuvanje na koncertot na Kaliopi na istiot datum dovolno nagovestuva konkurentsko miniranje od strana na drugite organizatori.
GORČLIVATA LEKCIJA ZA POLITIKATA NO I PODDRŠKATA OD KOLEGITE
Pokraj vojnata na produkciite, Karleuša otvori ušte edna bolna tema. Taa otkri deka izminatata godina se soočila so najgolemiot „hejt“ i strašni opstrukcii vo nejzinata zemja otkako odlučila politički da se izjasni i da ja poddrži opcijata za koja smetala deka e vistinska.
Kako slobodoumna ličnost, taa prizna deka ne očekuvala deka vo edno navidum demokratsko opštestvo, ako si premnogu glasen, izneseniot stav može da te čini tolku mnogu vo karierata. Vo ime na toa, taa isprati jasna poraka vo idnina nikoj od pomladite kolegi da ne se „zaletuva“ kako nea so glasni politički stavovi. Sepak, izrazi ogromna sreḱa i blagodarnost što vo najteškite migovi – koga ì gi rušele socijalnite mreži i ja minirale na sekoj čekor – dobila ogromna poddrška od svoite estradni kolegi.
PRIJATELSTVOTO SO BOKI 13 I DIPLOMATSKITE ODGOVORI ZA LJUBOVTA
Na presot ne izostanaa nitu aktuelnite temi. Karleuša dolgo zboruvaše za poddrškata kon nejziniot blizok prijatel Bojan Jovanovski (Boki 13), falejḱi ja duri i idejata toj da ja pretstavuva Makedonija na Evrovizija so timot na Darko Dimitrov. Dopolnitelno, taa pristigna vo Skopje vo pridružba na Aleksandar Ševo, što predizvika lavina prašanja za nejziniot ljuboven status, na koi taa odgovori vo svojot prepoznatliv, diplomatski stil.
ŠTO NÈ OČEKUVA VO SABOTA?
Po site zadkulisni drami i menadžerski vojni, Skopje na 17 oktomvri ḱe živee vo dve paralelni muzički realnosti.
Spektaklot na Jelena Karleuša ḱe se održi vo Arena „Jane Sandanski“, so početok vo 19:00 časot (vratite se otvoraat vo 18:30 časot).
Vleznicite sè ušte možat da se najdat preku platformataVLEZNICA.mk, a sudejḱi po nejzinata energija na presot, Skopje go očekuva audio-vizuelno šou koe dolgo ḱe se pameti.
Biba KRNČESKA
