Makedonskata opera i balet (MOB) utre, na 13 oktomvri, ḱe bide epicentar na vrvno muzičko doživuvanje. Kultnoto duo„Silvi Bend“ ḱe održi ekskluziven jubileen koncert so golem orkestar, proekt koj so pravo e proglasen za proekt od nacionalen interes za 2026 godina od strana na Ministerstvoto za kultura. Pokraj bezvremenskite hitovi kako „Angeli me nosat“, „Me poluduvaš“ i „1762 leto“, publikata ḱe uživa vo delovi od „Mitke“, najpoznatata „Koštana“ na Balkanot, romansi i brojni iznenaduvanja koi gi spojuvaat tradicijata i sovremeniot scenski izraz.
EKSKLUZIVNO VO „AJKON ŠOU“: HRABAR RAZGOVOR ZA LJUBOVTA, POTEKLOTO I TABUATA
Vo presret na golemiot koncert, Silvana Mučiḱ – Plevneš i nejziniot soprug Vlatko gostuvaa vo podkastot „Ajkon šou“ kaj David Davidovski. Vo dosega najotvorenoto intervju, voditelot hrabro ja otvori temata koja so godini vešto se izbegnuvaše vo javnosta — nivniot različen nacionalen spoj.
Na direktnoto prašanje za nejzinata nacionalnost, Silvana gordo i bez dvoumenje odgovori:
„Jas sum čistokrvna Romka od Niš, so pravoslavna veroispoved.“
Na ova, nejziniot soprug Vlatko emotivno se nadovrza, ispraḱajḱi moḱna poraka do celata javnost:
„Što ima vrska toa? Da beše muslimanka, ušte poveḱe ḱe ja sakav! Ljubovta ne poznava različnosti, tuku samo emocii.“ Deka muzikata go briše sekoj jaz, dokažaa i vo samoto studio, kade Silvi otpea del od svojot bogat repertoar na romski pesni, krevajḱi gi na noze voditelot i celata ekipa.
OD NEPRAVEDNO NEPRIFAḰANJE DO NERASKINLIVA BLISKOS
Patot do denešniot status na eden od najstabilnite bračni i estradni parovi ne bil lesen. Silvana vo podkastot za prvpat otkri deka na početokot od nivniot zaednički život, roditelite na Vlatko ne ja prifaḱale. Dodeka mladata dvojka gradela život vo Skopje, semejstvoto Plevneš živeelo vo Ohrid, a nevidlivata bariera bila tokmu nejzinata nacionalnost.
„Bev navredena što ne me prifaḱaa poradi moeto poteklo“, iskrena e Silvi.
Sepak, so tekot na vremeto, negovite roditeli sfatile deka zgrešile. Gledajḱi kakva kvalitetna ličnost e taa, predrasudite isčeznale i tie samite pobarale da se zbližat.
Denes, Silvana i roditelite na Vlatko imaat izvonredno blizok odnos. Za razlika od niv, semejstvoto na Silvana od prviot den go prifatilo Vlatko so rašireni race.
LEKCIJA PO HUMANOST: GLEDAJTE GO ČOVEKOT, A NE BOJATA NA KOŽATA
Sumirajḱi ja nivnata tri decenii dolga ljubovna i profesionalna prikazna, Silvi isprati silna pouka za site:
„Sekoj od nas treba da pogledne kakov e nekoj kako čovek, a ne kakva mu e bojata na kožata ili na koja nacija ì pripagja.“ Nivnata prikazna e živ dokaz deka vistinskite vrednosti ne se merat so nacionalni determinanti.
Utrevečer vo MOB, Silvi i Vlatko ušte ednaš ḱe dokažat deka so ljubov, počit i vrvna muzika — site granici pagjaat.
Biba KRNČESKA
