Postojat denovi vo godinata koi nosat posebna svetlina, a za nas, timot naSvet-Australia.com, 21-vi Septemvri e dvojna blagodet. Na golemiot hristijanski praznik Mala Bogorodica, koga se slavi ragjanjeto i novite početoci, našiot mediumski dom go odbeležuva svojot 8-mi rodenden.
Velat deka brojkata osum, koga ḱe se postavi horizontalno, go pretstavuva simbolot na beskonečnosta. Za nas, našite osum godini so portalot Svet-Australia.com se tokmu toa — beskonečna vernost kon vistinata, novinarski dignitet, profesionalnost, kolegijalnost i informaciska meridijalnost koja ne poznava granici.
Ona što započna vo 2018 godina kako vizionerska ideja, denes e relevanten estraden meridijan.
Našata najgolema ocena ne se brojkite, tuku doverbata — vo tekot na ovie 2800+ denovi, našeto portfolio ostana čisto, bez nitu edna dezinformacija ili potreba od demant. Toa e standard so koj retko koj digitalen medium denes može da se gordee.
Zad ovoj kontinuitet stoi cvrsta timska sinergija.
Stolbot i ideen tvorec na ovaa avstralisko-balkanska prikazna e glavniot urednik Rade Berak. Negoviot nepogrešliv profesionalen sens, čovečkata fleksibilnost i visprenost vo menadžiranjeto se glavniot motor na portalot.
Vednaš do nego, so ogromna posvetenost i tehnička preciznost, raboti zamenik-urednikot Goran Đuriḱ, koj se griži sekoj segment od ovoj kompleksen elektronski medium da funkcionira besprekorno.
Kako urednik koj doagja od Makedonija, čuvstvuvam ogromna čest i privilegija što imam apsolutna sloboda da ja kreiram ureduvačkata politika so fokus na našata domašna estrada. „Svet Australia“ bez kalkulacii stana eden od najgolemite ambasadori na makedonskata muzika, kultura i umetnici, so gordost afirmirajḱi gi nivnite uspesi pred svetot.
Sepak, našata geografska širina e mnogu pogolema. Blagodarenie na isklučitelnata Slavica Momakoviḱ, koja kako dokažana estradna zvezda gi ureduva sodržinite od Srbija, SAD i Kanada, našite čitateli redovno dobivaat ekskluzivni i avtentični prikazni od regionalnata scena.
Od druga strana, našiot tim stana pobogat i podinamičen so doagjanjeto na fantastičnata Slađana Bojoviḱ. Nejziniot izvonreden novinarski talent i ažurnost ni donesoa niza klučni intervjua so golemi muzički iminja, pokrivajḱi gi site važni estradni slučuvanja vo Zapadna Evropa i Skandinavija.
Taka, sozdadovme medium koj gi obedinuva našincite od Avstralija, preku Amerika, pa sè do Balkanot.
Ona što nè pravi poinakvi e i otvorenosta za sorabotka.
Gordi sme što izgradivme kolegijalni mostovi so drugi redakcii, kade što često razmenuvame sodržini, a posebna blagodarnost za vzaemnata počit upatuvame do kolegata Ivan Josimovski, urednik na portalot Muzika24.
Pred simbolično da gi zgasneme osumte sveḱički na našata rodendenska torta, sakame da ispratime edno golemo „BLAGODARAM“ do site balkanski i svetski umetnici koi nè prifatija kako svoi sorabotnici. I sekako, najvažnite — našite verni čitateli. Vie ste našiot najsilen veter vo grbot veḱe osum godini.
Čestit praznik Mala Bogorodica i sreḱen 8-mi rodenden na „Svet Australia“!
Prodolžuvame da go boime svetot so pesna i ubavi vesti!
Biba KRNČESKA
