Od kolumna što gi raznežni čitatelite do holivudska prikazna: Životnata prikazna na prof. d-r Jove Kekenovski, negoviot tatko Milan i nivnata harmonika ḱe se ekranizira vo golema amerikansko-makedonsko-srpska koprodukcija.
SKOPJE/NIŠ – Ona što započna kako iskrena, intimna kolumna na socijalnite mreži i mediumite, kade univerzitetskiot profesor i politički analitičar prof. d-r Jove Kekenovski ja otvori dušata za svojot pokoen tatko, se pretvora vo filmska senzacija. Vesta e ekskluzivna: emotivniot tekst za tatkoto, sinot i harmonikata veḱe go pomina patot od mediumski prostor do filmsko scenario vo podgotovka. Proektot zad koj zastanuvaat filmski profesionalci ḱe se realizira kako golema megjunarodna koprodukcija pomegju Amerika, Makedonija i Srbija.
Jadroto na ovoj iden dolgometražen igran film e avtobiografskiot tekst na Kekenovski. Vo nego, toj pišuva za vetuvanjeto dadeno na svojot tatko Milan – sudija koj i samiot svirel harmonika, no cvrsto baral od sinot prvo da go završi Pravniot fakultet. Po tri decenii pauza vo koi harmonikata bila zameneta so nauka, knigi i politika, profesorot po 27 godini povtorno go zema instrumentot vo race. Toj stanuva svetski prvak vo Francija vo kategorijata 60+, za konečno, triumfalno da se vrati na kultnata scena „Vrelo“ vo Sokobanja – mestoto kade kako mlad natprevaruvač tripati bil vtor, a sega se vraḱa kako počituvan člen na žirito i zrel umetnik.
Tokmu ovaa silna dramatična linija ja zapalila iskrata kaj poznat scenarist i producent od Niš M.M. (živee i raboti na relacija USA – SRBIJA), koj po čitanjeto na tekstot vednaš stapil vo kontakt so profesorot.
„Jove, go pročitav tvojot tekst nekolku pati. Prviot pat emotivno, i priznavam, mi pokrena lavina solzi. Vtoriot pat go pročitav kako scenarist i producent. I togaš sfativ deka si napišal nešto mnogu pogolemo od kolumna. Vo ovoj tekst postoi jadro na fenomenalen igran film“, stoi vo del od ekskluzivnata prepiska so avtorot.
Kako što doznavame, filmskiot profesionalec gi batalil site svoi tekovni obvrski za da ja dekonstruira kolumnata niz kultniot holivudski metod „Patuvanjeto na herojot“ (Hero’s Journey). Analizata pokažala deka realniot život na Kekenovski veḱe gi sodrži site 12 klučni presvrtni točki (Turning Points) potrebni za vrvna filmska drama.
Prikaznata ima sè: strog no praveden tatko vo uloga na mentor, mladeška tvrdoglavost, svesno napuštanje na sopstveniot talent, a potoa emotiven povik i katarza – moment koga sinot pred grobot na roditelite konečno ja razbira suštinata na tatkovata poraka: deka celta nikogaš ne bile medali i pehari, tuku borbata da go dadeš svojot maksimum vo životot.
PRODUKCIJA NA TRI DRŽAVI I MUZIKA KAKO GLAVEN LIK
Filmot, koj veḱe predizvikuva seriozen interes, ḱe se snima na avtentični lokacii vo Makedonija i Srbija, so amerikanska logistika i produkciska poddrška što garantira svetski standard. Eden od glavnite aduti na filmot ḱe bide i muzikata – moḱniot balkanski melos koj ḱe go sledi patuvanjeto na protagonistot od ranata mladost do svetskiot tron.
Ova nema da bide samo film za eden muzičar ili profesor. Ova e univerzalna prikazna za site sinovi i ḱerki koi veruvaat deka sekogaš ḱe imaat „ušte malku vreme“ da im kažat nešto na svoite roditeli pred vremeto da isteče. Ova e prikazna za aplauzot koj site go barame cel život – aplauzot od sopstveniot tatko. Podgotovkite se započnati, a javnosta so netrpenie go očekuva razvojot na ovaa filmska realnost.
Biba KRNČESKA
