Dodeka poveḱeto letni festivali kaj nas igraat na kartata na klasična estrada, kumanovskiot ploštad so decenii tera sopstven inaet. Na 24 avgust, so početok vo 20:00 časot, vo ramkite na Kumanovskoto kulturno leto ḱe se održi 14-to izdanie na „Tumba fest 2026“ – festivalot koj pokaža deka od sekojdnevnite maki i opštestveni zgodi najdobro se lekuva so dobar majtap i narodna pesna.
Zad dolgovečnosta na ovoj nastan stoi združenieto „Etno riznica“, vodeno od pretsedatelot Dragan Jakim. Nivniot koncept da go istakna kumanovskiot dijalekt, no i specificniot humor, go izdvoi ovoj festival, taka što i ova izdanie ќe go potencira šegobijniot karakter, no ne samo preku kumanovskiot mentalitet, tuku generalno preku bogatiot makedonski naroden duh i učestvo na izveduvači i avtori od site kraišta na Makedonija, no i na gosti od sosedstvoto.
OD AKTERI I BOEMI, DO BISERNOTO GRLO NA LENČE KUKIḰ
Ova leto konkurencijata megju avtorite beše seriozna. Zad 15-te novi kompozicii što ḱe gi slušneme na 24-ti Avgust stoi tim od dvaesetina poznati makedonski avtori, megju koi se Cane Petrov, Goran Milošeski, Bobi Petkovski, Slavko Risteski, Tomislav Kocevski – Pepsi, Kiril Stojčevski, Mladen Protiḱ, Ljubiša Jovanovski – Žiška i Slagjan Staniškovski. Nivnata zadača beše ednostavna, no odgovorna – da napišat unikatni, duhoviti tekstovi koi lesno ḱe se prifatat kaj publikata.
Samata izveduvačka ekipa e šarenilo od iskustvo, gluma i čist merak. Na scenata ḱe gi vidime:
Krume Spasovski vo duet so akterot Vlado Dojčinovski
Kumanovskiot zaštiten znak Nino Veličkovski
Katerina Brezeva i grupata „Sonata“
Katerina Nikolovska Micanova,
Bobi Amadeus i Tatjana Jovanovska
Taško Karanfilovski so „Astra bend“
Jovanka Jo, Viktor Dimitrievski i Branimir Stošiḱ – Kace
Borče Naumovski – Ministerot i Miško Mikele Srbinovski
Mateo Švast, Kire Naunovski, Vukica Čelebieva i grupata „Savršen dan“.
Kako specijalen gostin na večerta, ќe se pojavi i ovaa godinava vo šeretlikata i večno nameanata Lenče Kukiḱ, a ovaa godina vo voditelskata uloga se vraka Suzana Apostolova, se čini zasluženo posle minatogodinesniot promašaj so voditelskata dvojka.
Festivalot go zadržuva svojot revijalen no i relativno natprevaruvački karakter preku dodeluvanjeto na tradicionalnite priznanija, nagrada za životno delo i najslušana pesna pomegju dva festivala.
Organizatorite seušte go držat vo tajnost dobitnikot na nagradata za životno delo, a kako što načuvme nagradata za najslušana pesna odi vo racete na Rade Mladenovski za pesnata “Rakija”, što mu ja skroi Risto Samardžiev.
Inaku “Tumba Fest”, tradicionalno se održuva pod pokrovitelstvo na Opština Kumanovo.
Godinava, za humorot da stigne do poširokata javnost, generalen mediumski pokrovitel e Makedonskata radio televizija.
Nacionalniot servis celosno ḱe go snima festivalot, so što „Tumba fest“ ḱe dobie svoe mesto vo redovnata zabavna i praznična programa na MTV za gledačite vo zemjava i dijasporata.
Organizatorite došepnuvaat deka čuvaat i nekolku iznenaduvanja koi ḱe gi otkrijat kako podarok na samata večer. Zatoa, namesto pred ekranite, na 24 avgust vo 20:00 časot vredi da bidete tamu kade što se paradira dobrata pesna, t.e. na “Tumba Fest”.
Biba KRNČESKA
