Koncertite pod mototo „Od Makedonija vo tugjina“ gi obedinija Makedoncite od tatkovinata i dijasporata preku bezvremenskoto sekavanje na edinstvenata Vaska Ilieva, makedonski simbol na narodnata pesna.
Antičkiot teatar vo Ohrid i Oficerskiot dom vo Bitola stanaa epicentri na makedonskata tradicija i emocija, kade vokalnata umetnica Elena Andonovska priredi nezaboravni večeri posveteni na glasot – simbol na Makedonija – legendarnata Vaska Ilieva.
Vo čest na doajenot na makedonskata narodna pesna, prepolnite amfiteatri odeknuvaa so melodiite što so decenii ja raskažuvaat prikaznata, za našata tatkovina, za ljubovta, tugjinata i večniot kopnež po doma.
Koncertot vo Ohrid pomina vo znak na rekordna posetenost. Drevniot Antički teatar beše ispolnet do poslednoto mesto od iljadnici vljubenici vo makedonskiot melos, megju koi imaše i golem broj na iselenici od dijasporata koi namenski dopatuvaa vo Ohrid.
Publikata reagiraše so ogromen zanos, pridružuvajḱi ja ubavata Elena vo sekoj stih so stoečki ovacii, euforični aplauzi i iskreni emocii koi sozdadoa nepovtorliva sinergija na scenata.
Andonovska, vo pridružba na golem orkestar sostaven od vrvni makedonski instrumentalisti, so dostoinstvo i silna emocija go oživea muzičkoto nasledstvo što ne poznava vreme i prodolžuva da živee niz generacii. Na scenata kako specijalen gostin se pojavi i estradniot kolega, avtorot Zlatko Miladinovski, koj zaedno so Golemiot Naroden Orkestar, dopolnitelno ja zbogati svečenata program ana samata koncertna večer.
Izvedbata na Andonovska potvrdi deka taa e eden od onie glasovi što makedonskata pesna ne ja nosat samo na scena kako relikvija, tuku i niz celiot svet, I na toj način ja promovira nejzinata unikatnost, senzibilitet i večna ubavina.
Poseben beleg na spomenatata turneja beše i nastapot na 56. izdanie na renomiraniot festival „Ilindenski denovi“ vo Bitola, kade publikata isto taka imaše prilika da ì oddade počit na ženata koja zasekogaš go ovenča zvukot na makedonskata narodna pesna, Vaska Ilieva, ovoj pat preku interpretacijata na Elena Andonovska.
Po veličestveniot koncert pod ohridskoto nebo, vidno emotivnata Elena Andonovska gi spodeli svoite silni impresii so mnogubrojnite fanovi niy celiot svet:
“Antičkiot teatar vo Ohrid krie drevna istorija, a jas imav čest niz pesna da vi ja raskažam istorijata na Makedonija. Od srce vi blagodaram, … Vi blagodaram što peevte so mene, što sekoj stih go isprativte so silen aplauz i što vašite srca čukaa vo ritamot na Makedonija. Zaedno go oživeavme spomenot na legendarnata Vaska Ilieva i ušte ednaš pokažavme deka makedonskata pesna živee, deka makedonskiot duh e večen i deka makedonskiot koren e silen, bez razlika kade se naogjame. Ovaa večer zasekogaš ḱe ostane vrežana vo moeto srce.“
Tradicijata ne poznava granici, a dobrata pesna ušte pomalku. Preku ovie interpretacii, Elena Andonovska ušte ednaš dokaža deka e čuvar na makedonskiot muzički identitet, ostavajḱi pečat koj dolgo ḱe se pameti.
Biba KRNČSKA
