So denovi nanazad se najavuvaše promocijata na novata pesna na sestrite na našata mladost, Marijana i Rosana, koi vo duet so Dac i Mitevski nè vratija vo zlatnoto doba, predizvikuvajḱi ni lavina od emocii i nostalgična amplituda so koja se zapečati sredata kako posebno sreḱna večer. Deka spomenite možat da vi izmamat nasmevki e jasno, no deka vremeto može da bide tolku živo spakuvano vo nova pesna nè uverija samite „protagonisti“, koi so pesnata „Zasekogaš mladi“, hitovski se ovenčaa za navek.
Pesnta uspea da zaživee ušte pred da go započne svojot mediumski prodor, što dovolno zboruva kolku publikata bila želna za kambekot na sestrite, no i generalno za ovoj unikaten spoj na dve dami i dvajca gospoda koi so sebe go nosat ona dostoinstveno i sreḱno vreme – vreme vo koe luǵjeto se ljubea, počituvaa i uvažuvaa…
Ovaa pesna e svoevidno parče duša što ḱe ve razgali, a voedno i kako kompleten proekt e fantastičen zatoa što perfektno e vklopena video estetikata so energijata na pesnata i tekstot. Osobeno osvojuva stajlingot na sestrite so cveḱinjata na garderobata, koi se svoeviden vizuelen most so nivnite početoci vo 80-tite i 90-tite godini, koga Marijana i Rosana bea sinonim za sofisticiranost i unikatna ženska energija vo makedonskata zabavna muzika. Cveḱinjata ja simboliziraat taa bezvremenska ubavina i procutot na edno pomirno vreme.
No ništo pomalku ne nè raznežija loknite na Dac od negovite mladi godini na starite snimki, kako i belata kosa na večno nasmeaniot Ǵjorǵji Todorovski – Trupče, poznat akter, a ušte popoznat kako soprug na Rosana, ovoj pat vo uloga na prodavač na šeḱerna volna. Ovie detali ne samo što nostalgično nè potsetuvaat na nekogašnite, mnogu posreḱni vreminja, tuku zboruvaat i za onaa čista radost što so sebe nekogaš ja nosea lugjeto.
Zad ovaa retro-disko prikazna inspirirana od osumdesetite godini stoi hitmejkerot Aleksandar Mitevski, koj ja sozdade muzikata i aranžmanot, a tekstot go sroči vo sorabotka so najslikovitiot tekstopisec Ognen Nedelkovski, dodeka finalniot master e delo na talentiraniot Darko Dimitrov.
Mitevski napomena deka ovoj proekt za nego e svoevidno doživuvanje, bidejḱi kako dete i samiot rastel so muzikata na sestrite, koi magjepsano gi gledal na TV ekranite, pa zatoa napomena deka ne postoi čovek što može da bide imun na vakvata ubavina. Dac, pak, objasni deka pesnata e pretočuvanje na večniot čovečki stremež za mladost vo muzikata.
Inaku ovoj muzički spoj i ovaa sorabotka ima posebno značenje i od aspekt na povrzuvanje so našata dijaspora. Marijana pomina okolu 26.000 kilometri patuvajḱi od Avstralija nazad vo Makedonija za po poveḱe od tri i pol decenii povtorno da zapee so svojata sestra.
“Ova e vraḱanje doma, srceto mi e polno“, izjavi emotivno Marijana. A Rosana, opišuvajḱi go spotot kako son pretvoren vo film, ì upati javna blagodarnost na svojata sestra…
https://youtu.be/Xj46s7hqBRY?is=zDFAXvsehCExIrkH
Kako mnogu vedar lajtmotiv vo spotot se pojavuva i kengurot što taa simbolično go nosi so sebe od Avstralija. Sozdaden so pomoš na AI vizuelni efekti, toj vnesuva humor i razigranost, no istovremeno ja simbolizira neraskinlivata vrska so dijasporata koja Makedonija sekogaš ja nosi dlaboko vo srceto.
Videospotot e poddržan od kompanijata ZEGIN i nivniot brend K-Beauty.
„Zasekogaš mladi“ veḱe e vistinski hit na radio stanicite, a negovata glavna poraka ostanuva vo mislite na site nas: Živej go životot, zašto nema repriza!
Biba KRNČESKA
