Postojat koncerti koi se samo redenje na repertoar, i koncerti koi funkcioniraat kako emotiven presek na eden život. Jubilejot na Borče Naumovski – Ministerot vo antičkiot amfiteatar “Herakleja”, pripagjaše na vtorata kategorija. Drevnite kameni zidovi, koi so vekovi pametat prikazni, ovojpat bea kulisa za edna lična i profesionalna evolucija – od prvite čekori so harmonikata na osumgodišna vozrast, preku učilišnite klupi vo bitolskoto muzičko učilište, pa sè do četirite studiski albumi. Amfiteatarot beše ispolnet so publika koja ne dojde samo za zabava, tuku da mu oddade počit na svojot sogragjanin.
Borče na scenata donese retka, konzulska sofisticiranost. Negovata pojava, prepoznatlivata elegancija i dostoinstvenoto gospodsko drženje evociraa spomeni za starata, ubava Bitola. Namesto monotonija, toj ponudi dinamičen muzički mozaik. Festivalskite folk kompozicii prirodno se prelevaa so svetski zvuci, a najvpečatliv dokaz za negovata umetnička širina beše momentot koga megju dve makedonski pesni, so sovršena vokalna kontrola, zazvuči italijanskata kancona na Eros Ramacoti. Toa beše suptilen most megju rodnoto Sidnej, mediteranskiot duh i makedonskiot koren.
Muzičkata poddrška na scenata beše besprekorna. Živiot orkestar od okolu 15 vrvni profesionalci, pod preciznata dirigenska palka na maestro Kiril Stojčevski, dišeše zaedno so pejačot vo sekoj takt, dodeka Borče so ogromna ljubov i lesnotija komuniciraše so publikata. Nastanot beše konstruiran niz pametni estetski kontrasti, kade sekoj gostin donese svoj beleg:
VOKALNA KOHEZIJA SO KOLEGITE:
Dodeka Mile Kuzmanovski i Marjan Kocev so svoite izvedbi pokažaa suverena kolegijalna poddrška, vistinski emotiven vrv beše duet-izvedbata so koleškata Kate od grupata „Sonata“. Nivnite glasovi se spoija vo sovršena harmonija, nosejḱi lirska ubavina na scenata, nadopolneta so besprekorniot zvuk na Trajče kako pridružen vokal.
GLAMUR I SCENSKA ATRAKTIVNOST:
Kako vizuelen kontrast na tradicijata, pojavata na Daniela Temelkovska donese vistinski estraden glamur vo antičkiot amfiteatar. Oblečena vo hrabra i isklučitelno stilska mini-kreacija, taa so svojata sovršena pojava i voočliv seksapil privleče ogromno vnimanie. Nejziniot nastap beše tolku atraktiven što meǵju novinarite na šega se komentiraše deka vo blizina na Herakleja treba da dežura Brza pomoš za poosetlivite vo publikata.
TATNEŽ NA TRADICIJATA:
Scenskata vizuelnost ja zaokružija fantastičnite igraorci od KUD “ILINDEN”, koi vnesoa kolorit i mladost, a zvučnata kulminacija nastana koga na scenata moḱno zagrmea triesette tapandžii, čie eho ečeše kako simbol na trite decenii kariera.
Ovoj koncert beše i čin na blagodarnost. Izveduvajḱi gi svoite pesni, Borče nekolku pati emotivno potseti na svojata odluka da ja napušti Avstralija i da se vrati vo Makedonija, naglasuvajḱi deka ednostavno ne može bez svojata zemja.
Kako umetnik koj ja počituva rabotata na mediumite i ja vrednuva „sedmata sila“, domaḱinot napravi isklučitelen gospodstven gest, obezbeduvajḱi profesionalen prestoj za novinarite vo Bitola, koi prenokija vo konzulskiot grad.
Krajot na oficijalniot del beše samo voved vo vistinska euforija. Publikata so ovacii go povika Ministerot na bis, a koncertot završi so povtoruvanje na negoviot golem hit „Merak mi e“.
Vo momentot koga neboto nad Herakleja beše osvetleno od bogatiot rodendenski ognomet, iljadnici posetiteli peeja vo eden glas i ednostavno odbivaa da si zaminat, sakajḱi da go prolongiraat momentot.
Magijata na večerta se prenese i po gasnenjeto na reflektorite. Za prisutnite gosti i sorabotnici beše organiziran koktel, kade vo relaksirana i vesela atmosfera, so čaša vo raka se slaveše uspehot na ovoj nezaboraven estraden triumf.
Borče Naumovski, ispolnet so sreḱa, ušte ednaš dokaža deka ova ne beše samo odbeležuvanje na eden jubilej, tuku proslava na muzikata koja gi nadminuva granicite i sozdava trajni vrednosti.
Biba KRNČESKA
