Makedonija ušte ednaš dokaža deka e lulka na vonredni muzički talenti koi znaat kako da go osvojat Balkanot. Vo golemoto i vozbudlivo finale na popularnoto regionalno muzičko šou „Nikad nije kasno“, našiot pretstavnik Viktor Dimitrievski (48) od Kumanovo izvojuva veličestvena pobeda.
Toj triumfiraše vo kategorijata za SMS glasovi, kade što publikata so svojot masoven odziv mu ja donese prestižnata titula.
Dimitrievski osvoi vkupno 5.634 glasovi od gledačite širum regionot. So ovaa brojka toj se iskači na samiot vrv, ostavajḱi ja zad sebe vtoroplasiranata Darija Lukiḱ Neškoviḱ.
Vo tekot na celata sezona, Viktor gi vooduševuvaše site so svojot moḱen glas, neverojatna harizma i elegancija. Poradi ovie kvaliteti, javnosta i mediumite brzo mu go dodelija laskaviot prekar „Makedonskiot Zdravko Čoliḱ“.
EMOTIVNI MOMENTI NA SCENTA I PREDAVANJETO NA NAGRADATA:
Kulminacijata na večerta se sluči za vreme na svečenoto dodeluvanje na nagradite. Na scenata izleze poznatata folk zvezda Ana Bekuta, koja mu ja vrači pobedničkata statuetka na našiot pejač, i pritoa, javno go pofali negoviot uspeh so zborovite:”Viktore ovde ubavo pišuva, pobednik na SMS glasanjeto za godinata 2025/2026, i neka ve potsetuva ovoj kip na ovoj moment, vi čestitam od sè srce.“
“GOLEMA BLAGODARNOST DO SOPRUGATA I SEMEJSTVOTO”
Vidno vozbuden, so pobedničkiot pehar vo racete, Viktor Dimitrievski ne ja krieše svojata sreḱa. Toj upati emotivno obraḱanje do site koi bea del od ova negovo patuvanje, prenesuvajḱi gi svoite iskreni čuvstva bez zadrška:
“Pred sè, bi sakal da ì se zablagodaram na Grand Produkcija što voopšto me zemaa na početokot na sezonata, im blagodaram na kolegite za poddrškata vo tekot na celoto natprevaruvanje, a potoa i na orkestarot koj me sledeše i sovetuvaše. Im blagodaram na site koi glasaa za mene i pozdrav do moeto semejstvo, osobeno do mojata sopruga.“
Ovaa pobeda e samo kruna na serijata fenomenalni nastapi koi kumanovecot gi nižeše od krug vo krug. Negovata muzička prikazna vo Grand ja odbeležaa vrvni izvedbi na teški i emotivni kompozicii.
Publikata dolgo ḱe gi pameti negovite verzii na pesnite „Kaži mi draga“ od Dragan Mijalkovski, legendarnata „Lejla“, kako i energičnata „Južnjaci“.
Poseben beleg na negovoto učestvo ostavi i izvedbata na tradicionalnata makedonska pesna „Da znaeš mori Mome“, koja ja ispea vo duet so Milovan Dimitrievski, budejḱi silni emocii kaj site vo studioto.
Na samoto finale, Viktor napravi vistinski presedan so toa što ispea numera koja za prvpat beše izvedena vo istorijata na ova šou, pokažuvajḱi hrabrost koja na krajot mu go donese zlatniot pehar.
So ovoj golem uspeh, Viktor Dimitrievski se zapiša vo listata na makedonski legendi koi ostavile traen pečat vo regionalniot eter i ušte ednaš gi napravi gordi site svoi sogragjani.
Biba KRNČESKA
