Po podolga pauza, pejačkata i televiziska voditelka Julija Macievska povtorno mu se vraḱa na muzičkiot svet, ovojpat so nova duetska pesna naslovena „Do kraj so tebe“, koja ja realiziraše zaedno so muzičarot i avtor Toni Šou.
Stanuva zbor za ljubovna numera so vedar i lesno prepoznatliv muzički izraz, pesna što ušte na prvo slušanje ostava vpečatok so svojata melodičnost i iskrena emocija.
Avtor na muzikata i tekstot e Toni Šou, dodeka vo sozdavanjeto na finalnata verzija svoj pridones dade i samata Julija Macievska, koja inspirirana od pesnata go napišala tekstot za vtorata strofa.
Aranžmanot i produkcijata se realizirani vo sorabotka so Dragan Ristovski vo studioto D_R_D Media.
Prikaznata zad ovaa muzička sorabotka započnala ušte pred dve godini, za vreme na gostuvanjeto na Toni Šou vo emisijata „Budenje so Julija“ na TV Sonce. Togaš, kako što otkriva Macievska, Toni izrazil želba da ì podari pesna koja ḱe ja motivira povtorno poaktivno da se vrati na muzikata.
„Julija, ti si idol na mnogu generacii i imaš ušte mnogu što da dadeš na makedonskata muzička scena“, bile zborovite što, kako što veli taa, ostavile silen vpečatok i bile početok na edna iskrena i nesebična muzička prikazna.
Koga pristignalo prvoto demo, Julija vednaš ja prepoznala potencijalnata ubavina na pesnata. Namesto da ostane samo izveduvač, taa se vklučila i kreativno vo procesot, dopolnuvajḱi ja prikaznata so svoj avtorski pečat. Rezultatot e pesna koja zboruva za ljubovta što ostanuva cvrsta i togaš koga životot nosi razdelbi, predizvici i dalečini.
Stihovite „Ušte den da živeam, so tebe ḱe go spodelam“ i „Što i da e, neka e, odam do kraj so tebe“ ja nosat glavnata poraka na kompozicijata – bezuslovna privrzanost i vernost kon ličnosta što ja sakame.
Pokraj audio izdanieto, pesnata dobi i videospot koj dopolnitelno ja zaokružuva nejzinata romantična atmosfera. Snimen na nekolku lokacii so kamera i dron, spotot gi sledi dvata glavni lika koi po povtornata sredba ja prodolžuvaat svojata ljubovna prikazna. Vo videoto, tokmu Julija i Toni Šou se pojavuvaat kako nositeli na ovaa vizuelna romansa, sozdavajḱi prirodna i uverliva ekranska hemija.
Za realizacijata na videoto povtorno se pogrižil Toni Šou, koj gi potpišuva režijata, snimanjeto i montažata preku sopstvenata produkcija Tony Show MK Music Production.
Interesno e što završuvanjeto na proektot se sovpadnalo so golema životna promena za Toni Šou. Po preselbata so semejstvoto vo amerikanskata država Mičigen, tokmu videospotot za „Do kraj so tebe“ stanuva negov muzički pozdrav i podarok za Julija, ostavajḱi ì ja možnosta pesnata da go pronajde svojot pat do publikata.
So svojata lesnotija, romantična atmosfera i sovremen vizuelen pristap, „Do kraj so tebe“ nosi osvežuvanje na domašnata scena i potsetuva deka ednostavnite ljubovni prikazni, koga se raskažani iskreno, sekogaš uspevaat da doprat do publikata. Toa e pesna sozdadena bez golemi pretenzii, no so mnogu srce, a tokmu zatoa ima potencijal da ja pronajde svojata publika megju različni generacii slušateli.
Biba KRNČESKA
