Štip povtorno se podgotvuva da stane letna festivalska scena. Vo prirodniot ambient pokraj Bregalnica, vo prostorot na „D Kamp“, se održa pres-konferencija za 16. izdanie na „D Festival“, kade bea najaveni site klučni nasoki na ovogodinešnoto izdanie – od programata, do konceptot i novitetite što go pravat festivalot eden od najprepoznatlivite vo regionot.
Festivalot, koj po vtorpat se održuva vo Štip, vo periodot od 26 do 28 juni i ḱe ponudi tri dena ispolneti so muzika, umetnost i kamp-život, rasporedeni na pet sceni i so poveḱe od 80 izveduvači.
Gradonačalnikot Ivan Jordanov istakna deka „D Festival“ veḱe se etablira kako značaen kulturen nastan za gradot, koj nosi nova energija, posetiteli i ekonomski pridobivki vo tekot na letniot period. Spored nego, vakvite nastani ja zacvrstuvaat pozicijata na Štip kako grad vo koj kulturata i muzikata imaat sè pogolema uloga vo javniot život.
FESTIVALSKI KONCEPT ŠTO ŽIVEE NADVOR OD SCENATA
Od produkcija „Pasvord“, Ognen Stojanoski naglasi deka suštinata na festivalot ne e samo vo koncertite, tuku vo celokupnoto iskustvo – od kampot, do dnevnite aktivnosti i neformalnata atmosfera što se sozdava megju posetitelite. Toj posoči deka konceptot e inspiriran od golemite evropski festivali kako Glastonbury Festival, Pohoda Festival i Sziget Festival, kade muzikata e samo eden del od poširoko kulturno iskustvo.
Edna od najznačajnite najavi ovaa godina e deka vlezot za site muzički i dnevni sodržini ḱe bide besplaten. Posetitelite ḱe imaat celosen pristap do programata bez bilet, dodeka edinstveno ḱe se naplaḱa kamp-zonata za onie što ḱe odlučat da ostanat vo šatorskiot del. Organizatorite potvrdija i deka site prethodno kupeni bileti ḱe bidat celosno refundirani preku „MK Tikets“.
Ovogodinešnoto izdanie nosi silna i raznovidna lista na izveduvači, rasporedeni na pet sceni, megju koi i specijalnata „Shorty P Stage“, posvetena na Vladimir Blažev – Pančo.
Na listata se naogjaat golemi svetski iminja kako Boris Brejcha, Idles i Destruction.
Regionalnata scena e pretstavena so Jura Stubliḱ, grupata „Film“, Konstrakta i didžejot Marko Nastiḱ, dodeka domašnata scena ja nosat Duper, Telemama, Conspiracy, Fiction, Hajka, Kem i Nikart.
Poseben interes predizvikuva otvoranjeto na festivalot so hip-hop večer vo koja nastapuva Goce SAF, zaedno so Strajk, koj premierno ḱe go pretstavi svojot nov album vo živo.
Vednaš po niv, scenata ja prezema svetskata legenda DJ Premier, što se najavuva kako eden od najsilnite muzički momenti na festivalot.
Pokraj muzikata, organizatorite naglasuvaat deka „D Festival“ ima i poširoka cel – da pottikne kulturen razvoj, zaedništvo i svest za životnata sredina.
Kako del od dopolnitelnata programa, vo kampot ḱe bidat postaveni golemi ekrani za zaedničko sledenje na natprevarite od Svetskoto prvenstvo vo fudbal, što dopolnitelno ja proširuva festivalskata ponuda.
Znači isplanirajre od 26 do 28 juni da bidete vo Štip, na orginalnata muzička dešavka “D Festival”, na lokacijata Gradski stadion, pomošnite igrališta i kamp prostorot. Vlezot za muzičkata i dnevnata programa e celosno besplaten, dodeka kampiranjeto e edinstvenata platena opcija za posetitelite što ḱe ostanat vo zonata za šatori.
Celosnata programa e dostapna na oficijalnata veb-stranica na festivalot.
Biba KRNČESKA
