“Penzijata ne znači kraj, muzikata e sè ušte del od mene“ – izjavi neprikosnovenata Maja Odžaklievska vo edno skoro intervju dadeno za srpskiot “Blic”, kade gi spodeli svoite najiskreni misli za muzičkata kariera, životot vo penzija, no i posebnoto mesto što go ima nejziniot vnuk Luka, koj ima autizam.
„Denes lugjeto prašuvaat kade sum. Pa, kako da vi kažam — koga ḱe otidete vo penzija, veḱe ve nema na rabotnoto mesto. Jas toa go prifativ“, reče Odžaklievska vo emisijata, objasnuvajḱi deka iako ne nastapuva često, sepak se pojavuva na ubavi muzički nastani. Dodade deka ne ì nedostasuvaat nastapite, kolku što ì nedostasuva sozdavanjeto nova muzika.„Mislam deka moeto mesto denes e vo studioto, ne na scenata. Sakam da snimam — i vokali, i svoja muzika — toa bi me napravilo najsreḱna“, istakna pejačkata, dodavajḱi deka studioto i rabotata so aranžerite ja inspirira mnogu poveḱe od javnite nastapi.
Za svojot život vo poslednite godini, Odžaklievska objasni deka ne možela da si dozvoli samoinicijativen studiski angažman, prvenstveno poradi finansiskite trošoci za takvata aktivnost, no i poradi celosnoto posvetuvanje vo poslednite destina godina na svojot vnuk Luka, za koj podocna odgovornosta ja prevzela negovata majka. Toj e dijagnosticiran so autizam, a Maja otkri deka koga javnosta doznala za ovaa prikazna, mnogumina izrazile blagodarnost što taa otvoreno progovorila za predizvicite povrzani so autizmot — potsetuvajḱi deka temata često e stigmatizirana.
„Znaete, mnogu semejstva se pogodeni od takvi dijagnozi. Ne e samo deteto zasegnato — celoto semejstvo e pogodeno“, reče taa.
Maja go opiša i momentot koga ì bilo teško da ja objasni sostojbata: „Koga mojata pomlada ḱerka mi reče ‘Mamo, molam te, nemoj da go ostaviš Konstantin vo racete na Luka’, jas ì rekov: ‘Ne griž se — Luka go obožava Konstantin’“. Spored nea, lugjeto so autizam živeat vo svoj svet koj ne podnesuva agresija ili vikanje — tuku ljubov, mir i smiruvački ton.
Na prašanjeto kako e Luka sega, Maja odgovori deka toj napolnil 16 godini i deka e smesten vo dom kade se grižat za mnogu deca so posebni potrebi. Taa povika na pogolema poddrška — i kadrovska i finansiska — za instituciite koi rabotat so lica so prečki vo razvojot, posočuvajḱi deka resursite čestopati ne odgovaraat na brojot na potrebi.
Biba KRNČESKA
