Godina dena pred golemiot 40-godišen jubilej, „Folk fest Valandovo“ go najavi svoeto novo, 39. izdanie, koe beše pretstaveno vo petokot napladne vo „Porta Makedonija“, so oficijalna pres-konferencija na koja prisustvuvaa čelnicite na festivalot, predvodeni od prviot čovek na Valandovo, gradonačalnikot Gjoko Kamčev, koj praktično za prvpat ostvari sredba so novinarite što vo kontinuitet go sledat „Folk fest Valandovo“ i koi na ovaa oficijalna sredba od prva raka bea zapoznaeni so novitetite što festivalot gi najavuva godinava. Imeno, novoto rakovodstvo, predvodeno od umetničkiot direktor, profesor-doktor Ilčo Jovanov, kako i izvršniot direktor Gorjan Stojanovski, zaedno so tehničkiot direktor Gjoko Pavlov, odlučija festivalot da se vrati na korenite i trajnite vrednosti po koi e prepoznatliv. Akcentot e staven na kvalitetot na interpretatorite, avtorite i pesnite, kako i na produkcijata, orkestarot i, sekako, tehničkiot prenos. Vo kontekst na tie nameri e i kambekot na voditelskiot par, pa taka na scenata vo Valandovo povtorno ḱe gi vidime Eli Tanaskovska i Zoran Gjeorgiev, koi i na samata pres-konferencija se pogrižija atmosferata da dobie spontanost i izrazena interaktivnost.
Fakt e deka „Folk fest Valandovo“ za site nas e, pred sè, istorija, nacionalna simbolika i mnogu, mnogu emocii. Site sme slabi na sè što e povrzano so ovoj festival, zatoa što nekako site srasnavme so negovoto bitisuvanje i sekogaš koga se slučuva najavata za nego, so netrpenie čekame da slušneme što novo nè očekuva. No, ovojpat moram da priznaam deka bev mnogu prijatno iznenadena od novata ekipiranost na festivalot i ambiciozniot gradonačalnik, koj apsolutno imaše razbiranje i za ideite, no i za reakciite na novinarite, kako i za nivnite vizii i pogledi za festivalot. Pokraj sluhot i glasnata razmena na idei so novinarite, site ja pofalija i brzata organizaciska uigranost na noviot rakovoden tim na festivalot, koj zaedno so gradonačalnikot Kamčev uspea da go zapazi rokot i pokraj kratkiot postizboren period, navremeno isporačuvajḱi go 39. festivalsko izdanie, koe ḱe bide finalizirano na 26 i 27 maj. Godinava festivalot e zamislen da trae dve večeri, pri što prvata, predfestivalska večer na 26 maj, ḱe se održi na valandovskiot ploštad, kade ḱe bidat izvedeni najgolemite valandovski hitovi niz godinite.
Šou-programata e doverena na muzičkata elita, predvodena od Blaga Petreska, Elena Veleska, Kate i Sonata, valandovčanecot Hristijan, Kiko Bolero, Miško Krstevski i Marjan Kocev, dodeka specijalen mini-koncert ḱe održi Vlatko Miladinovski, pridružuvan od orkestarot na Zlatko Miladinovski, kako naši folk-reprezenti i edni od najuspešnite interpretatori vo izminatata godina, koi održaa gala-solistički koncert vo sportskiot centar “Boris Trajkovski”.
Oficijalnoto valandovsko finale ḱe se sluči na 27 maj, a istata večer publikata ḱe uživa vo novite 20 kompozicii, koi, kako što kaža umetničkiot direktor Jovanov, se izbrani od pedesetinata prijaveni na konkursot, pri što strogo bile zapazeni kriteriumite što podrazbiraat kvalitet, renomirani interpretatori, no i mladi debitanti i zvezdi što se istaknale so svoite glasovni i scenski potencijali.
Megju interpretatorite ḱe gi vidime i slušneme valandovčankata Blagica Kaleva, Nino Veličkovski, Kristijan Božinov, Ivana Serafimovska, Dejan Nikoloski – Čule, Miško Krstevski, Blagoja Grujovski, Dace Nikolovski, Leni Partikova, Goran Todorovski, Raspeani Valandovčani i mnogu drugi, pridružuvani od golemiot festivalski orkestar predvoden od Darko Ilevski, a publikata ḱe ima možnost direktno da go sledi festivalot preku Makedonska radio televizija.
Godinava, za prvpat, festivalot ḱe se održi vo rabotni denovi, a ne za vikend kako dosega, a Valandovčani se nadevaat deka vakviot poteg ḱe bide poprifatliv za gradot, zatoa što vikendite na mnogu lugje im se rezervirani za drugi aktivnosti i prošetki. Umetničkiot direktor Jovanov napomena deka nema da ima nitu klasična ždrepka za redosledot na izveduvačite, kako dosega, tuku rakovodstvoto na festivalot zaedno so nego ḱe napravi gradacija na pesnite i izveduvačite, zapazuvajḱi ja dinamikata i televiziskata struktura na festivalskata forma, koja ima cel da go vovede gledačot i slušatelot vo natprevaruvačkata kulminacija na pesnite. Toj napomena deka takvo iskustvo imal so festivalot “Cvetnici” i deka na toj način se dobivala pokompletna festivalska slika.
Isto taka, gradonačalnikot Kamčev naglasi deka razmisluvaat za posebno digitaliziranje na dosegašniot bogat valandovski repertoar preku specijalna aplikacija ili platforma, na koja ḱe bidat dostapni site hitovi od „Folk fest Valandovo“, a voedno napomena deka naskoro Valandovo ḱe dobie i festivalska muzejska postavka. Site ovie noviteti samo naglasuvaat deka Valandovčani ne samo što se dobri domaḱini, tuku se i mnogu posveteni, no i kreativni koga e vo prašanje valandovskiot festival, koj rečisi četiri decenii e olicetvorenie na našata samobitnost i potvrda na nacionalniot identitet.
Sepak, kako najvpečatliva vest na pres-konferencijata beše odlukata nagradata za životno delo da ì bide dodelena na legendarnata Blaga Petreska, koja tokmu na ovoj festival gi ispeala svoite najgolemi hitovi što veḱe se obnarodeni, a so ova priznanie samiot festival ì oddava dlaboka počit na ženata koja so svojot nepovtorliv glas, iskrena emocija i bezvremenski pesni ostavi neizbrišliva traga vo makedonskata narodna muzika.
Na krajot da napomeneme deka organizator na „Folk fest Valandovo 2026“ e Opština Valandovo, a svoja poddrška dade i Ministerstvo za kultura.
Ovoj naš festival, osven četirideceniskata tradicija, ima ostaveno i bogata muzička fonoteka koja broi nad 1000 novosozdadeni pesni, a neizbrišlivo vrežani vo kolektivnata memorija ostanuvaat bezvremenskite hitovi kako „Biser balkanski“, „Lihnida kajče veslaše“, „Ima li pesna“, „Dojdi mi Leno na perniče belo“, „Lična valandovčanka“, „Ako zgrešam“, „Očite mi plačat za sakanje“, „Edno srce imam“, „Stariot Džumbušlija“, „Zaigraj so mene ti“, „Majstore, majstore“, „Peam da ne zaplačam“, „Vo crno vino uteha nema“, „Babino devojče“ i mnogu drugi…
Biba KRNČESKA
