Ljubovta dobi svoja „italijanska scena“ – i toa kakva. Vo gradot kade romantikata ne e kliše tuku način na život, Martinjan Kirilovski napravi poteg što ne se zaborava: ja pobara rakata na svojata sakana Lara Denkoviḱ – i toa so pogled što vredi poveḱe od iljada zborovi, kon veličestveniot Koloseum vo Rim.
Predprazničnata magija na krajot od april dobi sosema novo značenje za popularniot kumanovec i zvezda na Grand, koj odluči svojot najvažen čekor da go napravi tokmu vo atmosfera što mirisa na ljubov, istorija i večnost.
„Zaprosuvanjeto se sluči vo Rim, vo edna mnogu ubava i romantična atmosfera vo restoran so pogled kon Koloseum – iskreno, moment za pametenje cel život“, veli Kirilovski. Prikaznata na Martinjan i Lara ne e od onie što se slučuvaat preku noḱ. Rečisi tri i pol godini tie ja gradele svojata vrska – tivko, iskreno i bez višok glasnost, no so silna vnatrešna sigurnost.
„Ušte od prviot den znaev deka taa e vistinskata. Ne beše samo čuvstvo, tuku nešto što so tekot na vremeto samo se potvrduvaše“, iskren e pejačot.
Lara ne go osvoila samo so izgledot, tuku i so suštinata. Apsolvent na Gradežniot fakultet vo Skopje, no pred sè ličnost so vrednosti i toplina što ostavaat vpečatok.
„Toa što ja pravi posebna ne e diplomata, tuku srceto“, dodava Martinjan, potencirajḱi deka tokmu nejzinata vnatrešna ubavina bila presudna.
I tuka prikaznata dobiva ušte poubava nijansa – Lara ima i umetnička strana. Pišuva, ima dva romani zad sebe, a crtanjeto e nejziniot ličen prostor za kreativen izraz.
Nivnoto zapoznavanje bilo sosema spontano – na rodenden kaj nejzina drugarka, kade što toj nastapuval. Bez scenario, bez plan – no so tajming koj očigledno bil „točno kako što treba“. Italija, pak, ne bila slučaen izbor.
„Ima posebna energija, romantika i momenti što ne se povtoruvaat. Sakav da bide nešto što ḱe go pametime cel život“, otkriva pejačot.
So ova „da“, nivnata prikazna ne završuva – tuku duri sega dobiva vistinski ritam. Ljubov, planovi i zaednički soništa – spakuvani vo eden moment što veḱe izgleda kako scena od film, no so realni emocii i ušte porealna idnina.
Biba KRNČESKA
