Filmot „Ohridski ludorii“ ne samo što go započna svoeto filmsko patešestvie, tuku veḱe so prvite premierni prikažuvanja se istakna kako delo koe ja osvojuva publikata – toplo, iskreno i bez zadrška.
Vo prijatnata atmosfera na kongresnata sala vo Hotel Montana, nedelnoto popladne vo Kruševo dobi vistinski estraden puls. Prisutnite posetiteli spontano uživaa vo filmskata magija, prepuštajḱi se na zarazniot ritam na pesnata, smeata i muzikata, za na krajot filmot da go nagradat so gromoglasni aplauzi.
Premiernoto prikažuvanje na „Ohridski ludorii“ vo Kruševo privleče brojna publika od site generacii, koja so ljubopitnost i vozbuda ja ispolni salata, pretvorajḱi ja proekcijata vo vistinski kulturen nastan.
Vo ovaa prva muzički ekranizirana estradna prikazna, vo glavnite ulogi se pojavuvaat pejačite Blagojče Stojanovski Tuše i Zorica Dončev, a zaedno so niv svoeto aktersko debi go realiziraat i drugi prepoznatlivi iminja od makedonskata estrada: Dani Daniela, Gordana Kostoska, Taško Karanfilovski, Marjan Kocev, Oliver Lozanoski, Zoran Dalčeski, Daniela Ǵorǵieva Dončeska, Angela Vlintovska, Boban Aleksoski, Žanko Golaboski i drugi.
Tokmu vakvata raznolikost i avtentičnost na likovite ì davaat na prikaznata poseben šarm – spoj na humor, emocija i muzika što lesno dopira do publikata.
Kruševskata premiera ja otvorija menadžerot Blagojče Stojanovski Piksi i scenaristot i režiser Aleksandar Tasevski – Ace Maestral, koi ja pozdravija publikata i najavija film koj ne težnee da optovari, tuku da oslobodi – da ponudi migovi na smea, relaksacija i uživanje vo ubavinite na makedonskata pesna, priroda i tradicija. I tokmu taka i beše – filmskata magija se prelea vo salata, a gledačite ja prifatija so otvoreno srce.
Po završuvanjeto na proekcijata, aplauzite ne stivnuvaa. Del od učesnicite se poklonija pred publikata, zaedno so kruševskiot soorganizator Igor Blažeski, koj osobeno se založil kruševčani da bidat meǵju prvite što ḱe go poglednat filmot na golemoto platno.
Sredbata meǵju publikata i del od ekipata se pretvori vo moment na vistinska bliskost – so nasmevki, spodelena radost i fotografii za spomen, kako potvrda deka filmot ja postigna svojata cel i gi obedini umetnicite so publikata.
No, prikaznata za „Ohridski ludorii“ ne završuva tuka. Po uspešnite premieri niz Makedonija, filmot go prodolžuva svojot pat I vo dijasporata, kade što veḱe budi golem interes.
Na 2 maj ḱe bide prikažan vo Ilinden Rockdale vo Sydney, a na 7 juni publikata vo Echallens ḱe ima možnost da uživa vo ovaa filmska prikazna ispolneta so humor i pesna, vo prisustvo na del od akterskata ekipa.
Vakviot priem i vakvata energija poveḱe od jasno govorat deka „Ohridski ludorii“ ḱe prodolži da ja širi svojata pozitivna misija i nadvor od granicite na Makedonija.
Sleduvaat novi proekcii, novi sredbi i novi aplauzi – zatoa što koga edna prikazna e raskažana so srce, taa sekogaš go pronaoǵja patot do publikata.
Biba KRNČESKA
