“Ej ženo nadež se gasi ko raneta srna vo snegot, očajot ne ti e brat – razbudi go zverot… Ej ženo… gordo ispravi se, nemoj za milost da moliš…“
So ovie silni stihovi započnuva novata emotivna balada na Elena Velevska – pesna so simboličen naslov „Ej ženo“, pesna so moḱna poraka za silata, dostoinstvoto i hrabrosta na ženata, koja pejačkata ja objavi tokmu na Megjunarodniot den na ženata i im ja posveti na site ženi i majki.
Stanuva zbor za moḱna kompozicija so silna poraka za dostoinstvoto, hrabrosta i silata što sekoja žena ja nosi vo sebe. Baladata zboruva za padovite, razočaruvanjata i borbite so koi se soočuva sekoja žena niz životot, no i za silata povtorno da se ispravi, so krenata glava i so verba vo sebe.
„Ej ženo, hrabro srce vo gradive nosiš ženo… nemoj da dozvoliš denes da ne ti e denot…“ Tokmu taa emocija i iskrenost Elena maestralno ja prenesuva vo interpretacijata, pretstavuvajḱi se vo edno poinakvo, podlaboko i posenzitivno muzičko svetlo. Novata pesna nosi edna nova, zrela i silna Elena, so energija što možebi navestuva i nov pravec vo nejzinata muzička kariera. Interesna e i samata prikaznata okolu sozdavanjeto na pesnata. Tekstot, čij avtor e Ljupče Vasilev, e napišan pred okolu pet godini. Pred tri godini toj ì go pokažal na Elena, a nejzinata reakcija bila kratka i jasna – „Čuvaj mi go“. Pesnata trpelivo go čekala svojot moment, sè do neodamna koga Vasilev povtorno ja potsetil deka stihovite sè ušte ja čekaat. I kako što se veli „koga nešto treba da se sluči, ednostavno se slučuva“, taka i ovaa emotivna balada konečno go dobi svojot vistinski moment. Muzikata, aranžmanot i celokupnata produkcija se delo na Dejan Momiroski, dodeka videoto e realizirano vo sorabotka so Tomato produkcija.
„Ova e edna od najposebnite pesni vo mojata dosegašna kariera. Dolgo go čekaše svojot moment i ete se sluči. Mnogu e porazlična od ona što dosega sum go rabotela, no se pronajdov vo nea. Kako da e pišuvana tokmu za mene“, veli Velevska, ne kriejḱi go zadovolstvoto od finalniot proizvod i priznavajḱi oti silno veruva vo pesnata.
So „Ej ženo“ Elena ispraḱa poraka do site ženi – da bidat hrabri, gordi i nikogaš da ne dozvolat životot da im ja odzeme silata. A stihovite – „Ej ženo ljubovta umre, no nova pak ḱe se rodi, životot eden e – ne davaj da te boli…“ se samo nežen, no silen potsetnik deka sekoja žena, bez ogled na iskušenijata, vo sebe nosi sila povtorno da se ispravi i da prodolži napred.
„Ej ženo“ e veḱe dostapna na site digitalni platformi, a videoto može da se pogledne na oficijalniot YouTube kanal na Elena Velevska.
Biba KRNČESKA
