Poznatiot makedonski virtuoz na harmonika i narodni instrumenti – gajda, kaval i zurla, Aleksandar Icov, izminative nedeli ja nosi makedonskata muzička duša na drugiot kraj od svetot.
Negovata poveḱenedelna koncertna turneja vo Avstralija se odviva vo isklučitelno topla i emotivna atmosfera, vo koja muzikata stanuva zaednički jazik megju tatkovinata i dijasporata.
Dosega se realizirani šest koncerti vo Sidnej, Adelaida, Melburn, Springvejl i Džilong, kade publikata imaše možnost da uživa vo energični i strastveni nastapi.
Harmonikata vo racete na Icov zvučeše kako prodolženie na negovoto srce, a sekoj ton noseše spomeni, nostalgija i gordost. Aplauzite često traeja dolgo po posledniot ton, a interakcijata so publikata ja pretvoraše sekoja večer vo posebna muzička prikazna„Neopislivo e čuvstvoto koga ḱe vidiš deka trudot što si go vložil se ceni i ti se vraḱa so ljubov“, veli Icov.
Na turnejata vo Avstralija, zaedno so Icov nastapuva i Darko Stojanovski, vnuk na makedonskata muzička legenda Vojo Stojanovski.
Nivnata sorabotka se pokaža kako odličen spoj na tradicija, energija i scenska komunikacija, što publikata go prepozna i silno go nagradi. „Prekrasno e čuvstvoto koga našincite so zadovolstvo ḱe ve prečekaat vo nivnata vtora zemja – Avstralija. Sekoj trud što ste go vložile, tie go počituvaat“, istaknuva Icov.
Turnejata vleguva vo svojata završnica so ušte dva koncerta ovoj vikend, a vraḱanjeto doma e zakažano za 24 fevruari. No, spomenite, sredbite i muzičkite momenti što se sozdadoa ḱe ostanat dlaboko vrežani – kako dokaz deka makedonskata muzika nema granici i deka vrskata so tatkovinata e živa i silna, bez razlika na kilometražata.
Poseben vpečatok ostava faktot što Aleksandar Icov so kavalot nastapuva i na renomirani sceni. Toj svoj mini nastap imaše pred Opera Haus vo Sidnej promovirajḱi ja makedonskata tradicionalna muzika vo sovremen i dostoinstven kontekst.
Toa e ušte edna potvrda deka izvorniot zvuk može da stoi ramo do ramo so svetskite muzički standardi.
Po vraḱanjeto vo Makedonija, Icov nosi sveža energija i golemi novini. Vo fokusot e promocijata na negoviot vtor studiski album, proekt što ja zaokružuva edna značajna kreativna faza i najavuva novo poglavje vo negovata kariera. Paralelno, sleduvaat novi pesni, sorabotki i nastapi, koi vetuvaat dinamična i vozbudliva sezona na domašnata scena.
So iskustvoto steknato nadvor od zemjata i so jasna vizija za idninata, Aleksandar Icov se vraḱa podgotven da ponudi zvuk, emocija i prikazna što se čuvstvuva – i se pameti.
Biba KRNČESKA
