Rano utrinava, vrz semejnata kuḱa na poznatiot balkanski pejač Zdravko Čoliḱ vo belgradskata naselba Dedinje bila frlena eksplozivna naprava, javuvaat srpskite mediumi.
Incidentot predizvika voznemirenost vo javnosta, a spored prvičnite, neoficijalni informacii, vo napadot nema povredeni, no e pričineta značitelna materijalna šteta.
Vo momentot na eksplozijata, Zdravko Čoliḱ ne se naogjal vo Srbija, tuku prestojuval vo glavniot grad na Hrvatska – Zagreb. Kako što se naveduva, vo semejniot dom togaš bila prisutna samo edna od negovite ḱerki. Informaciite za incidentot za srpskiot vesnik „Kurir“ gi potvrdil estradniot menadžer Adis Gojak, koj e prv sosed na Čoliḱ i eden od prvite što pristignale na mestoto na nastanot.
-„Go vidov toa što se sluči i navistina mi e mnogu žal. Zdravko e vo Zagreb i naskoro treba da se vrati. Što točno bilo – nikoj ne znae. Ova e navistina neprijatna i voznemiruvačka situacija“, izjavil Gojak. Toj objasnil deka detonacijata ja slušnal vo ranite utrinski časovi, okolu pet časot, no vo prviot moment ne pomislil deka stanuva zbor za napad. –„Slušnav deka nešto se slučuva, no vo ovoj kraj postojano ima gradežni raboti, pa pomisliv deka e povrzano so toa. Nikogaš ne bi možel da pomislam deka nekoj bi frlil bomba na nečija kuḱa. Toa e nedozvolivo“, rekol Gojak, dodavajḱi deka, za žal, sekogaš ima lugje vodeni od ljubomora i loši nameri. Gojak bil prisuten zaedno so policijata za vreme na uvidot, dodeka nadležnite službi vršele detalen pregled na terenot i pribirale dokazi so cel da se rasvetli slučajot. -„Veruvam deka istragata ḱe gi pokaže site detali. Nadležnite organi profesionalno ja vršat svojata rabota i siguren sum deka vistinata ḱe izleze na videlina“, istaknal toj.
Vo javnosta brzo se pojavile i špekulacii deka napadot možebi e povrzan so navodni dolgovi ili delovni nesoglasuvanja, no Gojak ostro gi demantiral takvite tvrdenja. -„Porano rabotev so Čola, sega rabotam so Goran Bregoviḱ. Čola i jas sme prvi sosedi, kuḱa do kuḱa, i možam odgovorno da kažam deka toa se čisti gluposti“, izjavil toj, otfrlajḱi kakva bilo povrzanost na incidentot so delovni odnosi.
Dopolnitelni informacii vo mediumite sugeriraa deka vistinskata cel možebi bila kuḱata na Adis Gojak, no toj i ovaa informacija ja demantiral.
Policijata i obvinitel od Višoto javno obvinitelstvo vo Belgrad izvršile uvid na mestoto na nastanot, a istragata e vo tek. Poveḱe detali se očekuvaat otkako nadležnite institucii ḱe ja završat postapkata.
Zdravko Čoliḱ, koj važi za eden od najomilenite i najcenetite pejači na Balkanot, živee vo luksuzna vila na Dedinje so soprugata Aleksandra i ḱerkite Una i Lara. Toj vo javnosta e poznat kako ličnost bez aferi i problemi so zakonot, poradi što ovoj incident dopolnitelno ja voznemiri javnosta.
Biba KRNČESKA
