Krunisuvanjeto na 23 godišnata kariera, Bojana Skenderovski go napravi spektakularno, so golemiot solistički koncert koj se održa vo sabotata večer vo Makedonska Filharmonija, a simboličniot naslov “Besmrtna” ja prenese univerzalnata poraka na muzikata koja e besmrtna, no i na ljubovta sprema tatkovinata koja e večna.
Bidejќi Bojana Skenderovski niz site izminati godini izgradi imige na vokalist koj drži do vrednostite, si go ljubi podnebjeto, si ja saka državata, ja neguva tradicijata, i insistira na rodoljubieto, togaš nekako očekuvano beše deka koncertot ќe poprimi takov ambient, arno ama Bojana uspea apsolutno moderno i vo svojot prepoznatliv pop žanr, da ja koncipira programata koja obiluvaše pred se so popularni i hitovski refreni, so mnogu ritam, igra, so odlična koreografija, so atraktivni scenski kostimi, so mladi i ubavi tančeri i sekako so odbrani fantastični muzičari koi ja pridružuvaa na scenata, no i so izbor na fenomenalni specijalni gosti.
Koncertnata magija započna so hitovskata numera “Zborovi lažni” koja ja otvorija mladite balerini razigrano na scenata, a potoa vo crn, svetliv lamiran komplet so resi, se pojavi Bojana, koja dominantno go prevzede primatot na scenata i se do samiot kraj uspea da go driž i ritamot i vokalot vo apsolutna konsolidacija.
Publikata možeše da gi čue site poznati pesni i hitovski refreni od Bojana, koja karierata ja započna kako Atanasovska, vo popularnata “M2 potragata po zvezdi”, a potoa se redea golemite sceni kako “Makfest”, kade ostvaruvaše apsoluten triumf gradejќi go svojot prepoznatliv muzički identitet.
Vo eden glas so publikata Bojana gi otepa “Divi cvetovi”, “Oko moe”, koe za ovaa prilika imaše rege aranžman, potoa Makfestovskata “Nemam odbrana”, no i najnovata “Nema nema”, koja ja izdade den, dva, pred samiot koncert.
Sepak ona što mene lično me oduševi beše izborot na dve pesni od koleškata Maja Odžaklievska, za koja otkri deka i bila omilena pejačka. Tokmu preku pesnite “Samo seќavanja” i “Mnogu solzi”, Bojana ja pokaža svojata superiornost i go istakna svojot dlabok i zrel ženski vokal.
No i pokraj toj segment na ovoj solistički koncert Bojana se prestavi bi rekla vo edno podmladeno, razmrdano izdanie, vo koe preovladuvaa ritmičnite pesni koi taa gi dopolni so sopstvena koreografija, a od baladite ja izvede samo svojata namenski napišana “Kon neboto”, koja ja posveti na site koi zaminaa na neboto, a ni bea dragi…
Izbranite gosti na koncertot pak, bea prikazna za sebe, prv na scenata ni go prestavi Lambe Alabakoski koj fantastično ja pridružuvaše vo duetskata “Vo dilema”, što svoevremno ja snimi so kompozitorot Robert Bilbilov i raperot Toni Zen, no i ovaa verzija so Alabakoski beše odlicna i vpečatliva.
Lambe i ovoj pat so svojot vroden šarm uspea da ja osvoi publikata so evergrinot “Kade pesno moja”, od legendarniot Slave Dimitrov i vednaš da poentira so aplauzi, a isto taka so nenametliviot šarm i srdečna nasmevka publikata ja pridobi Mile Kuzmanovski koj so svojata lična karta, “Ne kani me” ja pokani publikata na eden ljuboven sevdah.
Tokmu nastapot na “Kralot bez kruna”, na Mile, beše mala pauza za Bojana, koja potoa se pojavi na scenata vo svetlivo zlaten fustan, koj simbolično go prestavi makedonskoto sonce, a so toa i makedonskata tradicionalna pesna, na koja Bojana posebno i se posveti poslednite godini preku proektot “Makedonijo vo srce te nosime”.
E tokmu vo ovoj del kako posledna gostinka i svoevidna kruna na večerta se pojavi edinstvenata Suzana Spasovska, koja so cveќe i posaka na Bojana da bide večna i dolgovečna, da i se množat uspesite, pesnite i koncertite, no i da ostane ubava i vesela kako prava princeza kakva što e, a potoa go pušti svoeto pesnopojno grlo i ja izvede antologiskata “Parahodot mi pristigna”.
Što da se kaže koga Suze pee site vo molk uživaat vo nejzinata majstorija i grlenoto poigruvanje so notite. Ednostavno filigrantski i ovoj pat go zaokruži koncertot na Bojana i kako što reče samata, nivna zaednička nitka so Bojana ostanuva pesnata i ljubovta kon Makedonija.
Krajot na preubavoto dvočasovno uživanje vo muzikata završi so najubavata “Zavetna”, so prepevot od Bojana koj go podigna adrenalinot vo salata, pa publikata gi razviori makedonskite znaminja, a Bojana veti deka nema da čeka sledni dvaesetina godini za povtorno da pravi solistički koncert i deka počesto koncertno ќe se druzi so publikata…
Ona što sekako ja raznežni publikata bea pregratkite i buketite od semejstvoto, od ќerkičkata no i poddrškata na roditelite koi od publika ja bodrea Bojana, a sekako najgolemata zasluga ja ima “Skenderovski produkcija” i soprugot Vasko, koj se pogriži celata organizacija da bide bezprekorna.
Čestitki do Bojana za kompletnata realizacija na solističkiot koncert koj ќe go pametime po dobrata enrgija i ubavite pesni.
Biba KRNČESKA
