Srpskiot kantavtor Oliver Mandiḱ ḱe bide gostin na festivalot „Ohrid fest- Ohridski trubaduri“, na Internacionalnata večer koja ḱe se održi na 30 avgust, na scenata na Dolni Saraj.
Mandiḱ ḱe dobie nagrada za trajni vrednosti i ḱe nastapi so negoviot prv golem hit „Pitaju me pitaju“, pesna so koja pobedi na festivalot MESAM vo Belgrad vo 1984 godina.
-„Minatata godina si razmisluvav deka pominale 40 godini otkako se pojaviviv na MESAM so ovaa pesna. Ne sum čovek što broi godini nitu slavi jubilei, no ete, ima nekoja važna simbolika. Grigor Koprov ušte lani me pokani vo Ohrid da go slavam ovoj jubilej. Žal mi e što ne možev da dojdam, a godinava go potvrdiv učestvoto so zadovolstvo i pokraj zdravstvenite problemi. Verojatno ste slušnale deka vo mart godinava imav teška operacija na ‘rbetot, no sreḱa e što pomina uspešno i se raduvam što doagjam vo Ohrid “, – veli Oliver Mandiḱ.
Mandiḱ se seḱava deka vo Ohrid posledno nastapil vo klub pred poveḱe od 30 godini, a vo Skopje vo 2010, so pesna koja mu ja posveti na Toše Proeski zaedno so braḱata Tavitjan i Bebi Dol. „Ne sum nastapil vo Ohrid poveḱe od 30 godini, beše toa eden ubav nastap vo klub na početokot od 1990-tite. A, vo Skopje, zaedno so moite dragi prijateli, braḱata Tavitjan snimivme pesna posvetena na Toše, koja ja peevme Bebi Dol i jas, na koncertot posveten na rodendenot na Toše vo 2010 godina.
Na taa polna sala, i na toa kako lugjeto od prva ja prifatija pesnata jasno se seḱavam“, reče Mandiḱ.
Na istiot koncert nasloven „So humanost do svetlinata“, vo čest na Toše nastapija i Aki Rahimovski, Kaliopi, Boris Novkoviḱ, Bojan Maroviḱ, Jelena Tomaševiḱ, Toni Cetinski Elena Risteska i drugi.
Pesnata vo koja pee Mandiḱ se vika „Probudi se na čas“. Festivalot „Ohrid fest- Ohridski trubaduri“ počnuva na 29 avgust so Folk večerta, a na 30 avgust e Internacionalnata večer. Bojana Skenderovski, Sašo Gigov- Giš, Ana Petanovska, Nino Veličkovski, Blagoja Grujovski, Bojan Maroviḱ, srpskiot evrovizski pretstavnik Princ od Vranje se megju pejačite koi ḱe nastapat na 32. izdanie na festivalot.
Biba KRNČESKA
