Vo sabota, 28 juni, so početok od 20:00 časot, vo Makedonskata filharmonija (mala sala), ḱe se održi koncertot „Japonsko srce bie vo makedonski ritam“ – muzički nastan što ḱe go otslika dlabokoto prijatelstvo pomegju Makedonija i Japonija.
Na scenata na Makedonskata filharmonija ḱe nastapi japonskiot operski pejač- Kazuhiro Kotecu, poznat po svojata isklučitelna posvetenost kon makedonskata muzika i kultura i Elena Vasova, mlada i talentirana makedonska sopranistka.
„Ljubovta kon zemjata, kulturata i lugjeto najsilno se sluša preku muzikata”- e mototo na Kotecu, koj vo ovaa specijalna večer ḱe gi izvede: „Bolen mi leži Mile Pop Jordanov“, „Makedonsko devojče“, „Ako umram il’ zaginam“ i drugi. Publikata ḱe ima možnost da čue i poznati japonski i makedonski pesni, vnimatelno izbrani kompozicii koi ḱe ja istaknat povrzanosta pomegju makedonskata i japonskata kultura- „Ovoj koncert ja reflektira mojata dlaboka ljubov i blagodarnost kon Makedonija- veli Kotecu, koj ne ja krie i svojata lična motivacija za koncertot: -„Sè započna koga prvpat ja otpeav ‘Bolen mi leži’ vo 2013 godina. Togaš ne znaev deka srceto ḱe mi ostane tuka. So tekot na vremeto, makedonskite pesni stanaa del od mene. Sakam preku muzikata da ja prenesam taa ljubov i da pridonesam za ušte posilna vrska megju našite narodi.“
Na koncertot „Japonsko srce bie vo makedonski ritam“ ḱe učestvuvaat japonskiot ženski hor Tomoni Utao, so pijano pridružba na Akiko Kanazava, makedonskiot mešan hor Pro Ars, pod dirigentstvo na Sašo Tatarčevski, i specijalni gosti: pijanistot Ivan Trajkovski i japonskata sopranistka Čihiro Suganuma.
-„Vo idnina, sakam mnogu poveḱe da bidam vo Makedonija, da ja prošetam zemjata, da gi zapoznam lugjeto i da ja doživeam vašata veličenstvena prirodata. Bi sakal da mu se zablagodaram na mojot dolgogodišen prijatel Dragan Damjanovski, blagodarenie na negovata poddrškata se slučuva koncertot za koj dolgo mečtaev – izjavi Kotecu.
Organizator na koncertot e kompanijata Termalift – Kumanovo.
Biba KRNČESKA
