So konkretnoto priznanie na Milica Pavloviḱ deka doagja po paket najdobro makedonsko vino i vo potraga po momče za zaedno da go proslavat Sv. Trifun i Sv. Valentin vo Skopje, započna včerašnata PRESS konferencija na edna od momentalno najpopularnite regionalni muzički zvezdi što doagja od Srbija.
Milica Pavloviḱ vo Skopje na 14-ti fevruari ḱe održi koncert vo salata „Jane Sandanski“, vo ramkite na nejzinata promotivna turneja „Lav“. Na koncertot Milica ḱe gi promovira pesnite od posledniot istoimen album, no i ḱe napravi retrospektiva i na najgolemite hitovi vo nejzinata kariera.
Na pres-konferencija koja se održa včera na 28 januari 2025 vo Kongresnata sala na S. C. „Jane Sandanski“ pred brojnite novinari od Makedonija no i onie koi bea dojdeni od najznačajnite mediumi od sosedna Srbija, taa go najavi tri ipol časovniot spektakl.
Milica na PRESS-ot dojde oblečena vo nesekojdnevna, provokativna ultramoderna kombinacija. Skapite modni parčinja, moderno kombinirani izgledaa odlično na teloto na zgodnata pejačka. Taa vidno raspoložena i mnogu prijatna za komunikacija na pretstavnicite na mediumite im odgovaraše na site novinarski prašanja.
Megju drugoto, otkri deka e solo, no e otvorena za vrska, a ljubovta ḱe ja bara vo Skopje. Kako što kaža, vo Skopje doagja po paket najdobro makedonsko vino, no ako se pruži prilika i da si ja pobara sreḱata so nekoe momče Makedonče.
Pavloviḱ kaža deka ja sluša i obožuva makedonskata muzika. Posebno gi saka pesnite na Toše Proeski so koi veli deka porasnala, no gi spomena i onie na Karolina, Kaliopi, Elena Risteska, muzikata na Vlatko Stefanovski.
Na pres-konferencijata ja ispea srpskata verzija od nekogaš golemiot hit na Toše Proeski, pesnata „Ledena“.
Pavloviḱ potenciraše deka ja saka i makedonskata hrana. Osobeno ne možela da odolee na blagite raboti koi i se slabost, a gi probala koga doagjala vo Makedonija, megju koi ja izdvoi baklavata kako broj eden, za koja reče deka e podobra i od onaa saraevskata.
Milica zboruvaše za site ostanati detali od nejzinata kariera ljubezno odgovarajḱi i kolektivno i poednečno na postavenite prašanja na ljubopitnite novinari, na koi im otkri i deka ima nova pesna, potoa koj i se najdobri prijateli na estradata posočuvajḱi gi Ana Bekuta i Saša Matiḱ, go objasni prijatelstvoto i so Karleuša, sorabotkata so Saša Popoviḱ i „Grand“, zboruvaše za detstvoto i nejzinite baba i dedo koi ja isčuvale po razvodot na roditelite…
Turnejata „LAV“ prodolžuva vo Skopje, kade što publikata ḱe ima unikatna možnost da uživa vo najgolemi hitovi i nezaboravna energija na božestvenata „seksi senjorita“. Taa najavi svoi gosti na koncertot, no nivnite iminja ḱe ostanat iznenaduvanje za publikata. Sepak kaža deka se raboti za dve pejački dzvezdi, edna od Srbija i edna naša od Makedonija.
Milica gi pokani site momčinja koi se vo vrska da im kupat karti na svoite devojki i zaedno da dojdat da ja slavat ljubovta so nejzinite pesni i najdobroto makedonsko vino. Onie pak koi se solo, ednostavno da im kupat karti na onie koi im se dopagjaat i da gai iznenadat doveduvajḱi gi na nejziniot koncert.
Koncertot ḱe se održi vo Sportskiot centar „Jane Sandanski“ – Skopje, vo petok, 14-ti fevruari 2025 godina, početok: 20:30 časot.
Biba KRNČESKA
Foto: Jovanka Grozdanoska Antonio Dimitrievski