12 prerabotki na možebi najubavite makedonski patriotski pesni, isto tolku izveduvači… 18 koncerti niz cela Makedonija, eden vo dijasporata… vaka nekako niz brojki bi možela da se opiše dvegodišnata prikazna narečena „Makedonijo vo srce te nosime“, što ja raskažuvaat Bojana Skenderovski, Mile Kuzmanovski, Suzana Spasovska, DNK, Naum Petreski, Zuica Lazova, Aleksandar Tarabunov, Mina Blažev, Andrijana Janevska, Marija Spasovska, Ognen Zdravkovski i Lambe Alabakovski.
I se veli najubavoto se čuva za kraj, a deka e navistina taka domašnata publika ḱe se uveri na 7 dekemvri koga vo Filharmonija muzičkata ekipa, inaku predvodena od “Skenderovski produkcija”, ḱe zapee vo pridružba na simfoniski orkestar pod dirigentskata palka na Sašo Tatarčevski.
Osven veḱe dobro poznatite 12 prerabotki za koi beše zadolžen maestro Nikolče Micevski, čii se i orkestraciite za koncertot, publikata ḱe ima možnost na scenata da vidi i da čue ušte tri novi. Edna od niv e preubavata „Molitva“ na avtorot Mile Barbarovski.
-„Neka raste o, Bože rodot ubav moj! Najgolemiot blagoslov e da peeš so vakvi angeli! Vi ja podaruvame ovaa “a capella” izvedba na „Molitva”… i povtorno se zablagodaruvam na Mile Barbarovski za ova vonvremensko delo… Vi podaruvame moment na emocii i iskrenost, ne koristevme nikakvi postprodukciski tehnologii, ova što go gledate i slušate sme jas i prekrasniot učilišen hor i mandolinskiot orkestar na učilišteto „Grigor Prličev“ i nivnata neumorna i prekrasna nastavnička Elena Vladeva-Apostolov, koja tolku umno gi hrani ovie detski glavi so makedonska muzika! Na koncertot so našiot proekt „Makedonijo vo srce te nosime“ na 7 dekemvri ovaa kompozicija ḱe ja čuete so golemiot simfoniski orkestar“, otkriva Bojana, koja vo ramki na proektot ja otpea i prekrasnata „Zavetna“…
Vleznicite se prodavaat preku mrežata na www.kupikarta.compo ceni od 1000 i 1400 denari, a od Skenderovski produkcija otkrivaat deka site sredstva od prodažbata na biletite ḱe bidat nasočeni vo humanitarni celi. Niz celiot muzičko-dramski performans publikata ḱe ja vodi akterot Dejan Liliḱ, pa sosema očekuvano nastanot se najavuva kako prekrasna muzička pretstava.
Na 7 dekemvri so početok od 20:00 časot bidete vo Filharmonija, bidete del od „Makedonijo vo srce te nosime“ za ušte ednaš da ja oboime Makedonija so najubavite zvuci i da se potsetime na amanetot što ni go ostavile generaciite pred nas.
Biba KRNČESKA
