Profesionalcite sekogaš držat do svojot zbor, pa taka i pejačkata Leni Partikova na samiot početok na ovoj mesec, potočno na 3ti Noemvri, go ispolni dadenoto vetuvanje, pa posle Tetovo, go održa svojot vtor golem solistički koncert, ovoj pat vo glavniot grad, vo Skopje, koj beše odlično organiziran i mošne ambiciozno osmislen, so mnogu muzički gosti i so orginalen spoj na makedonski izvorni pesni, so onie obnarodenite no i so onie avtorskite od Leni koi i go dadoa pečatot na pejačka što narodot ja saka.
Praktično Leni gi izvede pesnite što najmnogu se izdvoija od nejznite albumi “Korenite Makedonski da ne se zaboravat” i “So srce i duša za Makedonija”, no izvede i duet pesni so nejzinite specijalni gosti, kolegite Anastasija Petreska, Vladimir Popovski, Ognen Zdravkovski, Blagica Pavlovska, Grupata “Molika”, Goce Dimovski – Sintezis, Robertino Stefanovski, Stefan Koteski, Daniel Nestorovski, a scenata ja razubavi i so igrata na poletnite igraorci od igraornite društva “7/8” od Gjorče Petrov – Skopje i Kud “Šara” – Tetovo.
Iako od koncertot pominaa desetina dena, Leni e seušte pod silni impresii od svojot vtor solistički koncert, pa ubavite vpečatoci ni gi prenese i lično:
-“Posebno sreќno se počustvuvav koga publikata vo polnata sala zapea so nas vo eden glas….Toa beše nagradata za nas, tokmu toa nivno raspoloženie i gromoglasniot aplauz”– veli Partikova, koja naglasi deka posebno im bila važna pozitivnata energija na koncertot pa zatoa izborot za voditelski par padnal na Trajče Tolevski i Milena Ilievska.
-“Golema čest ni beše što na scenata imaa svoj nastap i “Češit Šou”- Dramsko Studio Tetovo, koi doprinesoa za ušte poubava atmosfera i nasmevki kaj publikata. So eden zbor mojot koncert 20 godini Jubilej na Makedonskata scena so raboten naslov “Korenite Makedonski da ne se zaboravat” beše spektakl koj ḱe ostane zapameten kako nastan što gi izdvoi makedonskite biser pesni i na nekoj način gi začuva vo analite na makedonskoto estradno reproduciranje. Pesnite gi peevme od duša i posebno bev sreќna što izbravme obnarodeni hitovi od našite legendarni makedonski doajeni koi za žal ne se poveќe megju nas, kako Goce Nikolovski, Esma Redžepova, Vojo Stojanovski.
Isto taka vo ovaa prilika bi sakala da naglasam deka i mojata prekrasna kreacija vo crveno zlatna kombinacija beše inspirirana od našeto Makedonsko zname, a ja izrabotija veštite race na mojata počituvana kreatorka Sneže Efkovska, dodeka pak za mojot stajling odnosno za šminkata i frizurata se pogrižija Vladimir Trajkovski i Ivanka Gjorgjeska.
Golema blagodarnost upatuvam i do site sponzori od Tetovo i Skopje koj zastanaa zad koncertot, a posebna blagodarnost se razbira ima mojot soprug, Žarko Ǵjorǵjeski, koj so mnogu ljubov i posvetenost uspea se da organizira i da realizira sovršeno.
Najavuvam deka za kratko vreme celata javnost i dijasporata ḱe može da go prosledi koncertot na “Balkan Mjuzik TV”, zatoa što Dejan Gjorgiev, odnosno “Art Produkcija” go ovekoveči celiot nastan. Na krajot posle uspešno završeniot koncert imavme preubava koktel zabava so site učesnici, novinari i prijateli vo restoranot “Kamin Kama”, koja dolgo ḱe ni ostane vo ubavo seḱavanje”– završuva Leni, koja posle svoite dva golemi solistički koncerti i dupliot album, podigna visoki estradni standardi taka što i vo idnna od nea se očekuva mnogu…
Biba KRNČESKA
