So prviot obilen esenski dožd, kako beriќet, go dočekavme dolgo najavuvaniot premieren solistički koncert na etno primadonata Gabriela Novevska, što se održa vo vtornikot večer vo Makedonskata Opera i Balet. Predizvikot beše golem, a želbata da se sluša unikatniot vokal na Novevska vo živo ušte pogolema, pa zatoa se upativme prema Skopje za lično da ja vospriemime magijata što artistkata ja vetuvaše od kako započna da go najavuva svojot koncert, so koj go krunisa izdavanjeto na albumot prvenec “Te kažuvajet Ilino mome”.
Vsušnost tokmu so naslovnata tema od albumot započna i koncertot koj imaše ne samo muzička, umetnička i kulturna dimenzija, tuku beše i svevidno emotivno, energetsko i esnafsko predstavuvanje na edna artistička vizura, što podolgo vreme go predizvikuvaše vnimanieto…
Da, Gabriela Novevska uspea za relativno kratko vreme so svojot vokal da go skrene vnimanieto na javnosta, ama ne se potpre samo na darbinata što ja poseduva, tuku mošne ambiciozno i studiozno go podgotvi svojot prvenec i go krunisa so koncert otsviren i otpean vo živo, dokažuvajќi ja svojata umetnička no i profesionalna superiornost.
Praktično ovaa mlada pejačka i mlada majka ne ostavi ništo na slučajnosta. Samoinicijativno mediumski go najavuvaše solističkiot koncert, a najgolema poddrška dobi pred se od svoite kolegi, profesionalnite muzičari od “Tanec” koi instrumentalno go ispratija sekoj nejzin zdiv i vozdiška, a voedno ja poddržaа i od Ministertstvoto za kultura, kako i makedonskite mediumi.
Inaku sinoќa, vo celokupnata ambientalna svečanost na NOB, dominanten beše etno vokalot na Gabi, koj prodorno go probivaše eterot, a pesnite što edna po druga se redea, go predstavija kompetniot materijal od albumot prvenec na Novevska vo totalno perfektna reprodukcija, ta na momenti ni se čineše kako da go slušame CD-to.
Se razbira deka za takvoto doživuvanje pokraj Gabi najgolema zasluga imaat izbranite instrumentalisti i nekolkute pridružni vokali, odnosno petnaestiminata muzičari što bea postojano na scenata, a kako prv megju ednakvite bi go izdvoile aranžerot na albumot “Te kažuvajet Ilino mome”, vonseriski talentiraniot Aleksandar Jovevski, no i pridružbata od sopran saksafonot na mladiot Petar Hristov.
Isto taka pofalba zaslužuva i modnata stilizacija, odnosno, etno fustanot što pejačkata go noseše, kako i ritmičkite pokreti što na izvornite pesni im dadoa mladeški duh.
Ednočasovnoto koncertno peenje na Novevska vo živo ja istakna i nejzinata kondiciona superiornost, zatoa što pesnite bea ritmični, dolgi i vokalno zahtevni.
Poddrška na Novevska i dadoa i koleškite od “Tanec”, pa taka go vidovme prisustvoto na Ivana Serafimovska i Elena Andonovska koi dojdoa vo pridružba na posilnite polovini, a voedno prisuten beše kompozitorot i producent Nikolče Mickovski, kako i kompozitorot i producent Goran Milošeski. Sekako deka koncertot so golemo vnimane go sledeše i kompozitorot Risto Krapovski vo pridružba na soprugata Nacka Slavkova koi često profesionalno sorabotuvaat so Novevska, a prisutni bea i voditelkite Karolina Petkovska i Irena Spirovska.
Na krajot ne može da se otrgneme od vpečatokot deka ovoj solistički koncert beše mošne umetnički ekspresiven i redok muzički nastan što site prisutni ќe go pametime, a na Gabriela Novevska i posakuvame ušte mnogu novi pesni i proekti koi inspirativno ќe deluvaat na nejzinata energija…
Biba KRNČESKA
