Ljubovta e proverena formula za uspeh vo site sveri, a ljubovnite prikazni koi avtentično se oživeani niz muzikata ja nosat garancijata za uspeh. E tokmu edna takva ljubovna romansa, oživeana vo zimski ambient go donese povtorno vo žižata na vnimanieto proslaveniot “Kompas bend”.
Stanuva zbor za temata “Djevuška” koja bukvalno go restartiraše vnimaneto na javnosta za ovoj sostav, koj uspešno opstojuva poveќe decenii na makedonskata scena, no posledno beše poveќe klupski aktiven od kolku mediumski.
Se čini deka tokmu “Djevuška” ja smeni nasokata, pa “Kompas bend” go vrati na scenata na golema vrata, so preubav video zapis i neobično melodična ljubovna prikazna.
Vednaš posle aktueliziranjeto na pesnata, publikata intrigantno praša kako se slučila ljubovta so devojkata od Rusija, a frontmenot na grupata Ljupčo Vanevski – Bube ja otkri ljubovnata saga koja inspirativno deluvala na avtorot Zoran Rudan – Ceki:
-„Djevuška“ izleze neodamna i veḱe može da se slušne na mnogu radio stanici širum Makedonija, kako i na našiot YouTube kanal. Pottiknat od vistinskata ljubovna prikazna na tatko mi so ubavata Katerina od Rusija, dojdovme do ideja da ja ovekovečime vo pesna. Eden den prikaznata ja raskažavme i na avtorot, koj sledniot den ni pušti demo za koe rekovme “ova e toa”! Pesna koja e porazlična od se ona što se sozdava vo momentov. Se zaljubivme vo „Djevuška“ na prvo slušanje” – iskreno priznavaat “kompasovscite” vo svoeto neodamnešno intervju za “Muzika 24”.
Inaku pesnata kako što napomenavme ja prati i ubav živopisen video zapis, potpišan od Daniel Joveski, odnosno “Sustain production” i snimen na preubaviot Pelister, kade odlično e dolovena snežnata idila karakteristična za ljubovnoto “storry”.
Vsušnot so ovaa pesna, so“Djevuška” povtorno se podgrea interesot za “Kompas bend”, a trio sostavot priznava deka vakvoto vnimanie dopolnitelno gi predizvikalo nivnite estradni ambicii pa vo podgotovka se i novi pesni:
-“Veḱe rabotime na novi pesni, ne samo za našiot pazar, tuku i za sosedstvoto. Vredni i posveteni sme i vo toj pogled. Nema da otkrieme točno za što se raboti, samo ḱe rečeme deka toa e nešto mnogu porazlično od „Djevuška“. Se podgotvuvame i za nekoi od našite festivali godinava. Smetame deka treba da se sozdava muzika, osobeno makedonska” – poračuva “Kompas” bendot, a nie im posakuvame site planovi uspešno da gi realiziraat…
Biba KRNČESKA
