Legendarniot Dado Topiḱ („Makedonija“, „Dali znaš da te volim“, „Elizabet“, „Za koji život da se rodim“…) na jubilejnoto izdanie na „Ohrid fest“, vo Internacionalnata večer na 2 septemvri, ḱe ja dobie nagradata za širenje muzika na Balkanot. Inaku, ova e interesna godina – „Ohrid fest“ ḱe go ima 30-toto izdanie, pesnata „Makedonija“ odbeležuva 50 godini postoenje, a Dado na 4 septemvri polni 74 godini, i site ovie ubavi povodi ḱe gi proslavi tokmu kaj nas, vo Makedonija.
– So golema radost doagjam vo Makedonija, vo Ohrid, veli Dado. – Ne možete nitu da sfatite kolku lugjeto ja sakaat Makedonija i kolku znaat za nea, za makedonskata ubavina, estetikata, harmonijata na ritamot i jazikot. Makedonija ima svoj identitet vo muzikata. Odamna ne sum bil kaj vas, mi znači poddrškata od topliot jug, se raduvam na sredbata so publikata. Patem, Koprov mi kaža deka ima pesna za mene, znači možna e i sorabotka, a „Ohrid fest“ e festival na koj mu posakuvam ušte tolku godini.
Vo Internacionalnata večer ḱe ja izvedete legendarnata „Makedonija“ pesna koja so ist intenzitet trae veḱe 5 decenii
-Lugjeto go prepoznavaat makedonskoto, ima mnogu makedonci vo celiot svet, i site tie prvin ja baraat „Makedonija“. Inaku, ušte kako mal gi zasakav makedonskite pesni, kako dete gi slušav, mi se vrežaa vo memorijata a rezultat na toa e pesnata „Makedonija“ koja e mega slušana na site kontinenti. Jas samo go napišav tekstot i muzikata, a se`drugo napravija lugjeto, tie ne davaat da se zaboravi. Zatoa i trae 5 decenii.
Imate kontinuirana kariera, postojano patuvate, nastapuvate. Što ḱe napravite prvo otkako ḱe stignete vo Makedonija?
-Ne ostanaa mnogu muzičari od mojata generacija a jas ete imam kariera vo kontinuitet. Fala mu na Gospod, zdravjeto dobro me služi, pa ḱe bidam na pat se dodeka me baraat…A štom ḱe stignam vo Makedonija se znae: i jas ne sum imun na vašata kujna, ḱe uživam vo makedonskite specijaliteti, prevkusen zelenčuk, salati, tavče gravče, pindžur, i samo toa go jadam…
Biba KRNČESKA
