Pred početokot na predstojniot jubileen “Ohrid Fest”, koleškata Vanja Todorovska koja e i oficijalen PR na ovoj festival napravi intervju so našiot evroviziski pretstavnik Vasil Garvanliev, koj ovaa godina ќe učestvuva na Internacionalnata večer na festivalot, pa toa beše ubav povod ragovorot da go preneseme i na našite čitateli…
Vasil, za mnogumina beše vistinsko iznenaduvanje vesta za tvoeto učestvo na „Ohrid fest“. Posle tolku mnogu sceni, vklučuvajḱi ja i evroviziskata, 2021 godina vo Holandija, godinava, na 2 septemvri ḱe te vidime na Internacionalnata večer na „Ohrid fest“. Ima nešto posebno vo festivalite, neli?
– Da, sekoj festival, natprevar ima svoja magija okolu celata manifestacija – energija, muzika, publika, mesto … listata prodolžuva. Česta da bidam del od 30-toto izdanije na „Ohrid fest“ so tolku važna i poznata pesna ispeana vo moj stil mi e dovolen predizvik da zastanam na taa scena.
Mene pred se, Ohrid mi e mnogu drago mesto (duri bi go stavil vo Top 5- Bez zmiite vo voda:)), videozapisite od „Gjerdan„ i „PriKazna“ se najgolema potvrda za mojata ljubov kon Ohrid a voedno i negovo pretstavuvanje na mojata publika.
Vtoro, maestro Koprov, iako nemame zaednička pesna beše eden od retkite vo Makedonija koj celo vreme me poddržuvaše, mi se javuvaše da mi čestita za pesna ili proekt i često znaeme da odime na kafe koga sum vo Skopje. Nekolku pati razgovaravme da bidam del od „Ohrid fest“ no samiot raspored do sega ne go dozvoli toa.
Treto, pred eden mesec pominav edna nedela vo Toronto i edna vo Čikago so Davor Jordanovski, kade što go privršuvavme mojot prv “Cross-Over” album čija promocija ḱe bide vo Skopje i Strumica vo sredinata na septemvri.
So mnogu počit i ljubov kon umetnosta ḱe zastaneš na scenata na Dolni Saraj. Raskaži nešto za pesnata, koga i kako nastana, što te povrza so nea, ednostavno – kakva e „Jovano“?
– Da, sekoja scena si ima svoja magija bez razlika kade i da e. Evroviziskata ne e najgolemata scena kade što sum nastapuval do sega, no priznavam deka scena kako Dolni Saraj na „Ohrid fest“ mi predizvikuva trema i vnatrešna turbulencija 1000 pati pogolema od taa na Evrosong.
„Jovano“ mi e edna od dvete omileni makedonski pesni koja so godini probuvam da ja napravam “moja“ i da i dadam „Vasil pečat“. Imavme verzija za albumot so Davor koja trebaše da ja snimam vo Toronto i koga ručavme so majka mu, pred da odime vo studio na glas rekov: „Davor mislam deka ja imame našata Jovana, samo mora da mi veruvaš i da mi vlezeš vo glava, haha”.
Me pogledna čudno bez da kaže ništo i koga otidovme vo studio reče – „Vasil, ajde da ja probame taa što ja imame”. Mu puštiv verzija što jas ja počuvstvuvav kako svoja, rabotejḱi eden den sam na nea vo Čikago i vo očite mu vidov deka razbira što i kade sakam da odime so nea. Za 20-tina minuti imavme struktura na našata Jovana. Što me povrzuva so nea? Moḱta na nadežta – taa sekogaš posledna umira. Samata simbolika na„ Gledaj nagore, belo platno, kraj voda (Vardar), majka.“
Kade si denovive, kade te naogjam, koi ti se obvrskite, planovite i dali seušte ostana veren na mislata deka – svetlina privlekuva svetlina?
– Da, 100%, no imajḱi na um deka najsilnite svetla gi privlekuvaat najgrdite bubački, mora da znaeme kako da gi ‘spržime’ za ušte posilno da blesneme. Doma mi e Čikago zaedno so mojot Džejson i trite “ḱerki”- Esmi, Kristina, i Šeron.
So promena na statusot za prestoj konečno počnav so nastapi. Edna od pokanite beše da zapeam pred početokot i na poluvremeto na poznatiot Stadion Soldier Field vo Čikago za vreme na fudbalskiot natprevar na Chicago Fire – edinstveno i unikatno iskustvo. Možam da kažam deka samo što potpišav dogovor i se vraḱam na klasičnata scena vo 2024 kako solist na Karmina Bruana i konečno ḱe ostvaram ušte eden son – nastapot ќe bide vo legendarnata Kennedy Center vo Vašington SAD. Najgolemiot son koj go podgotvuvam skoro 10-ina godini ḱe bide izveden premierno vo Strumica i Skopje vo sredina na septemvri: Albumot “VASIL” – multimedijalen spektakl koj e most na tri muzički žanrovi vo eden: Balkan, original pop i klasika na 7 jazici so kameren orkestar, hor, tančeri, svetlosni/video efekti i narativi kade preku pesna ḱe ja raskažam mojata imigrantska prikazna…
Foto: Riste Filipov
