Denes, 20ti Noemvri -2025 godina, makedonskata estrada i javnosta se prosti od Badi Bekir, posebna dama, pejačka, estraden umetnik i avtentična ličnost, koja pleneše so svojata harizma, toplina, so vpečatlivata nasmevka no i so dobro srce i duša po koe beše prepoznatliva. Site nie koi imavme sreќa da ja poznavame Badi bevme privilegirani, zatoa što taa za site prijateli imaše nasmevka i dobar zbor.
Gi počituvaše site lugje, beše humana, tolerantna, noseše svetlina so sebe, a da ne naglasuvam kolku beše ubava, atraktivna i sekogaš zgodna. Ne za džabe nejzinite prijateliki ja narekuvaa večnata Barbika. Taa ednostavno beše žena što ne ostavaše nikogo ramnodušno, no i pokraj toa beše skromna kako čovek i kako estradna zvezda.
Nebahat Badi Bekir za žal rano ne napušti, na svoja 63 godišna vozras, zamina po kratko boleduvanje i ostavi praznina vo srcata na site onie što ja sakaa znaeja i počituvaa.
Inaku Badi Bekir ušte vo detstvoto gi napravila svoite prvi čekori na scenata. Kako členka na igraorna grupa go izučuvala makedonskiot i turskiot folklor — iskustvo što silno ja oblikuvalo nejzinata podocnežna muzička kariera. Na golemata scena debitirala vo 1985 godina, na festival na zabavni melodii, od kade započnuva nejziniot kontinuiran rast vo estradniot svet.
Badi Bekir beše prepoznatliva i po interpretaciite na pesnite na nekolku jazici, odlično peeše i govoreše makedonski, turski i albanski jazik. Najznačajniot period na nejzinata kariera se smeta vremeto na golemite jugoslovenski turnei, koga raboti i nastapuva so golemi jugoslovenski zvezdi i kolegi. Po raspadot na Jugoslavija, taa celosno se nasočuva kon makedonskata folk pesna, gradejḱi stabilna kariera so brojni festivalski nastapi, sorabotki i snimki.
Vo 2002 godina, zaedno so nekolku kolegi, zaminuva na turneja vo Avstralija, a vo 2004 godina stanuva del od grupata „Četiri gracii“, sostavena od Rosana Sariḱ-Todorovska, Adrijana Alački i Blagica Pavlovska i pravat svoeviden bum kako najgolema estradno-muzička atrakcija, pa se prisutni na najznačajnite muzičko-mediumski nastani.
Mnogumina Badi ja narekuvaa i „makedonskata Vesna Zmijanac“, zošto smetaa deka pokraj fizičkata sličnost potseќa i so bojata na glasot na Vesna.
Vo 2006 godina Badi go odbeleža i svojot 20 godišen estraden jubilej, a poslednite godini živeeše i raboteše vo Skopje.
Vesta za smrtta na Badi Bekir predizvika brojni reakcii kako megju estradnite ličnosti taka i vo javnosta. Koleškata Rosana Saraik – Todorovska, otkri deka Badi boleduvala od najteškata bolest, a pak Blaga Petreska napiša:“Najubavata i najdobrata koleška, nezaboravna. Bog da ja prosti”. Od Badi se prosti i menadžerkata Goca Detla koja emotivno izjavi:
“Draga moja Badi. Teško e da se najdat vistinskite zborovi koga srceto e skršeno. Ti beše edna svetla duša što znaeše da saka, da daruva i da inspirira. Blagodaram za sekoja pesna, sekoja nasmevka i sekoj moment što ḱe go nosam kako topol spomen od tebe. Neka tvojot glas i tvojata dobrina živeat večno niz site što te sakaa. Blagodaram što postoeše i vo mojot život, što beše del od gostite na scenata na mnogu moi nastani, no i del od scenata narečena život zbogatena so mnogu naši zaednički družbi. Počivaj vo mir, večna barbiko. Neka tvojata ubavina bleska sega kako najsjajna svezda i neka neboto ti gi otvori vratite so istata čistota so koja ti gi otvoraše srcata kon lugjeto. Zasekogaš ḱe bideš del od site što te sakavme“…
Pogrebot na Badi Bekir e utre, na Gradskite grobišta vo Butel- Skopje, a obredot vo Džamijata ke započne vo 12:15 časot.
Biba KRNČESKA
