Sinoќa vo 72ta godina od životot ne napušti legendarniot Ferus Mustafov, maestralen muzičar, instrumentalist i virtuoz na duvački instrumenti, avtor, estraden umetnik i posebno ceneta i sakana javna ličnost. Vesta za smrtta na Ferus ja rastaži nacijata koja iskreno go sakaše i upatuvaše molitvi za negovo oporavuvanje od momentot koga se dozna deka e vo koma, poradi doživeaniot mozočen udar. Iako hitno posle udarot na 26ti April beše prefrlen vo bolnicata “8mi Septemvri” vo Skopje, Ferus ne uspea da se opravi i za žal po kratko boleduvanje za sekogaš ne napušti.
Muzičkata kariera na Ferus Mustafov imaše impresivna razvojna linija, zatoa što negoviot talent beše vonseriski. Roden e na 20ti dekemvri, 1950 godina vo Štip, vo romsko semejstvo na muzičari. Negovata profesionalna kariera započnuva na sedumnaeset godisna vozrast, dodeka studiral violina i klarinet vo lokalna muzička akademija. Ova se oficijalni podatoci što možat da se pročitaat po našite mediumi za razvojniot pat na muzičarot, koj navodno započnal od kako bil na turneja so bendot predvoden od Toma Črčev, megjutoa pred samo dve godini vo razgovor so Ferus za našiot medium, toj ni otkri sosema drugi poedinosti za svoite početoci:
-“Što se odnesuva do muzikata naučiv da sviram od tatko mi Ilmi, a isto posetuvav i muzičko školo vo Štip . Od sekogaš mnogu ja sakav muzikata, prosto bev vljuben vo nea i sekoj den go slušav tatko mi koj svireše saksofon. Od kako dobro gi sovladav instrumentite me pobara mojot kum Nasko Đorlev da sviram so nego i zaedno zaminavme za Budva kade se zapoznav so orkestarot na Mičo Radovanoviќ koi me pokanija da učestvuvam vo Novogodišnata programa na TV Saraevo. Koga završi snimanjeto na emisijata koja vo toa vreme se odvivaše vo živo, direktorot na TV Saraevo vednaš me povika na razgovor i me praša dali bi sakal da rabotam vo televizijata i toa vednaš od narednot den? Iako bev i jas iznenaden, odma ja prifativ ponudata i taka ostanav 5 godini vo Bosna” – reče Ferus, koj na krajot od razgovorot ni prizna deka najgolema želba mu e vnucite da napreduvaat i da go nadminat vo karierata.
Ako e za uteha želbata po se izleda ќe mu bide ispolneta zošto vnucite na Ferus veќe nagolemo muziciraat i go imaat nasledeno negoviot muzički gen, samo žalno e što ne ќe može zaedno povtorno da nastapuvaat i da učat od majstorijata na svojot slaven dedo.
Ferus Mustafov beše poznat i kako kral na čočegot, osobeno od kako se proslavi negoviot “Disko čočeg”, a so hitot na decenijata “Sviri mi brate cigane” što go izvede so Rosana Sariќ Todorovska stana mega popularna ličnost kako vo zemjata taka i vo dijasporata. Smrtta na Fersus posebno ja rastaži i Rosana koja mu posveti nekolku objavi na svojot cenet kolega:
-“Tolku mnogu ja sakaše Sviri mi brate Cigane…Tolku ubavi momenti i zaednički snimanja i nastapi… Žalam… Užasno žalam, bidejќi znam deka so negoviot SAKSOFON I KLARINET možeše ušte mnogu dolgo
Za žal pravila ne postojat za mnogu nešta vo životot, taka i Praviloto da si zamine nekoj pred vreme… Počivaj vo mir prijatelu, prekrasen muzičaru… Znam deka gore na neboto zaedno so našeto bratče Miroslav koj beše odličen muzičar, Tode Novačevski prekrasen kompozitor, Dragan Vučiќ menađer i muzičar, Milan Zavkov prekrasen kompozitor, aranžer, Zoran Đorlev eden i edinstven na violina, ќe napravite dostoen i veličestven orkestar so site pravila i normi na Makedonskata pesna pred se… Na site vas Vi se poklonuvam so ogromna počit.
Počivaj vo mir drag FERUSE” – napiša Rosana, koja vo spomen na Ferus ja objavi snimkata od “Sviri mi brate cigane” i izrazi sočustvo do semejstvoto Mustafovi.
Ferus ќe bide pogreban vo Štip, kade e roden i kade poslednite godini živeeše so semejstvoto.
Biba KRNČESKA
