Otkako lanskoto izdanie na golemiot „Get EXITed“ nastan vo Strumica gi nadmina site očekuvanja, sobirajḱi poveḱe od 20.000 posetiteli, timot na EGZIT (Exit) vo sorabotka so opštinata Strumica organizira vtoro izdanie, so ušte poambiciozni planovi.
Noviot „Get EXITed“ nastan ḱe bide održan na 7 septemvri vo strumičkiot “Golem park”, kade što premierno ḱe nastapi nenadminlivata Konstrakta, najbaranoto muzičko ime vo našiot region. Naskoro ḱe bidat poznati i ostanatite internacionalni i regionalni muzički zvezdi, koi vo Strumica godinava povtorno ḱe donesat gosti od celiot region, vo ušte pogolem broj.
Prvite lugje na Strumica i Novi Sad Gradonačalnicite Kostadinov i Gjuriḱ
Pres-konferencijata na koja beše potvrdeno održuvanjeto na vtoroto izdanie na golemiot „Get EXITed“ nastan vo Strumica, se održa vo petokot vo “Gradskata kuḱa” vo Novi Sad, a prisustvuvaa muzičarkata Ana Gjuriḱ- Konstrakta, prviot čovek na Opština Strumica Kostadin Kostadinov, gradonačalnikot na Novi Sad Milan Gjuriḱ i osnovačot i direktor na Egzitovata festivalska grupacija Dušan Kovačeviḱ.
Osnovačot i direktor na Egzitovata festivalska grupacija Dušan Kovačeviḱ naglasi deka EGZIT minatata godina organiziral duri 26 nastani vo 10 zemji.
-„Po Dubai, Istanbul, Amsterdam i gradovite vo regionov, drago ni e deka se vraḱame vo Strumica i Makedonija. Minatogodišniot „Get EXITed“ navistina gi nadmina site očekuvanja, za vreme na održuvanjeto nemaše slobodno smestuvanje vo poširokata okolina na Strumica, a turisti doagjaa od celiot region. Planirame noviot nastan da go izdigneme na ušte povisoko nivo“, kaža Kovačeviḱ.
Gradonačalnikot na opština Strumica, Kostadin Kostadinov, istakna deka za nego i za strumičani e zadovolstvo da bidat domaḱini na golemiot nastan na koj ḱe nastapat muzičkite zvezdi.
-„Kako prv čovek na opština Strumica, otuka, od Novi Sad, sakam da istaknam deka i ovaa godina ḱe se potrudime za nastanot „Get EXITed“ da se čue nadaleku i povtorno da bide grandiozen. Inspirirani od kulturnata razmena i realizacijata na prvoto „Get EXITed“ izdanie, se dogovorivme da go započneme procesot na zbratimuvanje na gradovite Novi Sad i Strumica“, porača Kostadinov.
Muzičarkata Ana Gjuriḱ Konstrakta, koja štotuku ja pretstavi novata pesna „Eve, vetuvam“, izjavi deka e sreḱna ako i taa, so pomoš na Egzit, može da pridonese za kulturnoto povrzuvanje.
-„Mislam deka toa po sebe e veḱe ostvaruvanje, a sekako se raduvame i na makedonskata publika koja e stroga, ne može kaj niv sè da projde i treba da se potrudime za da gi pridobieme“, izjavi Konstrakta.
Gradonačalnikot na Novi Sad, Milan Gjuriḱ izjavi deka Novi Sad e prepoznatliv vo regionot i poširoko kako izvoznik na kreativnite industrii i rasadnik na festivalsko-muzičkiot turizam.
-„Gord sum na faktot što EGZIT iznikna tokmu od našiot grad pred poveḱe od dve decenii, a zaednička želba ni e toj da prodolži da se razviva. Na organizatorite na festivalot im posakuvam ušte mnogu uspesi i kvalitetni proekti, a na Konstrakta, kako i na drugite izveduvači, na 7 septemvri da gi nadminat očekuvanjata i da ostvarat ušte poveḱe od minatogodišnite 20.000 posetiteli“, reče Gjuriḱ.
Naskoro ḱe bidat objaveni ostanatite svetski i regionalni zvezdi koi na 7 septemvri ḱe nastapat vo strumičkiot “Golem park”, a vlezot na golemiot „Get EXITed“ nastan ḱe bide besplaten.
Biba KRNČESKA
