Sinoќa večer vo centarot na Prilep, svečeno se otvori 48to izdanie na festivalot na narodni instrumenti i pesni “Pece Atanasovski”. Okolu 300 izveduvači i vljubenici vo izvorniot melos i ovaa godina ja uveličaa ovaa orginalna manifestacija, koja vikendov prodolžuva na Rudine vo Dolneni, od kade nadaleku se slušaat gajdite, kavalite, zurlite i tapanite, koi avtentično go obojuvaat živopisniot ambient vo koj tradicijata i neguvanjeto na izvornata pesna opstanuva celi 48 godini. Samite učesnici na festivalot se optimistični i smetaat deka ќe uspeat so združeni sili i starite i pomladite da go začuvaat kulturnoto bogatstvo na ovaa zemja.
Spored Rodna Veličkovska, umetnički direktor na Festivalot nema opasnost da se zagubi tradicijata. Godinava ima mnogu mladi izveduvači:
– Interesot za izveduvanje i za učestvo na festivalot e golem. Od preku 350 zainteresirani, so selekcija napravivme izbor na 300 izveduvači od site kraišta. Imame i gosti od Srbija. Nema opasnost za bogatiot makedonski folklor, izjavi Veličkovska od Institutot za folklor „Marko Cepenkov“ Od Skopje.
Vo ramkite na Festivalot se održaa i seminar za izučuvanje na izvorniot melos so 10-tina talentirani mladi, a na simpoziumot „Folklorot vo minatoto i denes“ beše promoviran zbornikot so najnovite naučni trudovi od folkloristikata.
Večerva prodolžuva festivalskata programa na Rudina kaj Dolneni, kade ќe bidat nagradeni najdobrite izveduvači, pejači i instrumentalisti, a najuspešniot gajdadžija ḱe ja ponese gajdata na Pece što ja dodeluva opština Dolneni.
Biba KRNČESKA
