Včeravečer vo “Štark” arenata vo Belgrad se održa najgolemata regionalna muzička manifestacija “MAC” za koja dogo vreme mediumite pišuvaa i go najavuvaa nejzinoto finale. Predočeno beše deka ovoj nastan se sprema celi 6 meseci i deka do najsiten detal se razraboteni tehničkite performansi koi se posleden zbor na tehnikata i imaat za cel da ja faciniraat publikata vo Arenata no i gledačite pred malite ekrani.
Pred samoto finale se održuvaa i scenskite generalni probi so koi trebaše da bide isplaniran sekoj pokret na izveduvačite.
Otvoranjeto na nastanot započna so defileto na crveniot kilim za koj bea angažirani modelite – moderatori i TV lica Boško Jakovljeviќ, Tamara Paunoviќ, Nikolina Pišek, a ekipata dobi zasiluvanje od ušte dve dami od koi na ednata ne uspeavme da i go otkrieme imeto zošto nikade ne beše ni najavena ni prestavena, a drugata dama so egzotičen izgled beše prestavena kako Ornela. Prečekot na zvezdite koi pristignuvaa beše sleden preku nekolku kameri pa taka gledačite imaa možnost da vidat kako izleguvaat od limuzinite, potoa kako poziraat pred fotoreporterite za na kraj da bidat prečekani od voditelite- moderatori koi trebaše onaka opušteno i so doza na humor da pomuabetat na blic so niv, no namesto opušteno i spontano prestavuvanje na učesnicite, gledavme edna zbuneta raštrkanost na petminata moderatori koi poveќe akcentot go stavija na sebe od kolku na zvezdite. Boško Jakovljeviќ koj sovršeno izgledaše, so svojot šarm se obiduvaše da ja neutralizira konfuznata koncepcija i na momenti premnogu go intimiziraše svojot pristap kon poedini zvezdi dodeka pak srpskata snajka Nikolina Pišek koja e edna od najubavite TV lica akcentot svesno go stavi na sebe pa se dobi vpečatok kako da e tuka važna samo taa, a ne onie koi gi prečekuva. Tamara Paunoviќ i Ornela vo stilot na modeli gi demonstriraa svoite anoreksični silueti i se obiduvaa da se sponatni i duhoviti no mora da se priznae deka slabo im odeše…
Samoto pristignuvanje na golemite zvezdi, na starletite i na site ostanati zvezdički beše naglaseno preku skapata garderoba na koja očigledno ne se štedelo. Učesnicite preku svojot imige sakaa poveќe da pokažat od kolku preku svojot vokabular pa taka považno im beše kako ќe poziraat, kolku selfi fotografii ќe si napravat od kolku što ќe kažat pred kamerite. Od start se stekna vpečatok na edna konfuzna atmosvera vo koja na site učesnici ne im beše točno predvidena maršutata na dviženje pa imaše čekanje i zastoj.
Sledniot level beše prenosot vo živo od spektakularnata scena, a za animacija bea zadolženi voditelite Galeb Nikačeviќ, Tamara Todevska i Ana Radišiќkoi bea rasporedeni pomegju prisutnite nominirani muzički zvezdi. Arenata beše podelena na šest scenski nivoa, a tehničkite performansi na koi tolku mnogu insistiraa organizatorite kamerata ne uspea da gi dolovi vo celost pa taka ovoj propust odi na konto na režiserite koi scenografskata transformacija ne im ja prenesoa na gledačite vo vistinska smisla. Ednostavno se stekna vpečatok kako voditelite da nemaat scenario, a nastanot kako da nema duša. Našata Tamara Todevska sakajќi da impresionira kako voditelka zboruvaše čas na makedonski čas na srpski jazik no namesto da ostavi vpečatok na poliglota ostavi vpečatok na raseana voditelka koja izgubila nekolku strani od svoeto scenario.
Sepak mora da se priznae deka glomaznata koncepcija opfati poveќe od 450 učesnici od cel region od koi na šeste bini nastapija 18 izveduvači, a bea dodeleni poveќe od 20 priznanija. Najdobar muzički nastap imaše Kaliopi koja so svojot vokalen kapacitet ušte ednaš im održa lekcija na pejačite kako se pee vo živo. Pokraj Kaliopi uspešen nastap imaše i Nina Badriќ i Tonči Huljiќ koj ja izvede pesnata od legendarniot Oliver Dragoejeviќ “Dva puta sam umra”, a najartistički performans imaše Lepa Brena koja ja dobi nagradata za najgolem regionalen pridones vo muzkata. Za najdobra pop pesna od maški izveduvač beše proglasena pesnata “Voli me” od Petar Grašo koj po vtor pat go dobiva ova priznanie, a za najdobra pop pesna od ženski izveduvač beše proglasena pesnata “Dubine” od Lena Kovačeviќ. Nagrada za najdobro video dobi Nataša Bekvalac za video spotot “Dođi mami”, a za kolaboracija na godinata bea nagradeni Sergej Četkoviќ i Husi za pesnata “Pusti probleme”. Pop – rock nagradata ja odnese “Parni Valjak” za pesnata “Otkud ti pravo”, a za rock pesna beše proglasena “Više te ne volim kao pre” od grupata “Van Gog”. Za najdobra obrabotka bea nagradeni “Frajle” i Tijana Dapčeviќ za pesnata “Negativ”, a za trep kolaboracija nagradata ja dobi atraktivnata Jelena Karleuša i Gazda Paja za pesnata “Lajk”. Za najuspešen koncert nagrada ponese Marija Šerifoviќ, za folk pejač Saša Matiќ, a za pejačka na godinata beše proglasena Nina Badriќ.
Megju nagradenite bea i Senida, Džala Brat i Buba Koreli, Oliver Mandiќ koj ja dobi nagradata za životno delo, mladata Aleksandra Prijoviќ koja ja osvoi nagradata za najdobra folk numera kako i našiot Vlatko Lozanovski koj ja osvoi nagradata za najdobra pop-folk numera za pesnata “Majko”.
Lozanovski go iskoristi momentot primajќi ja nagradata da potencira deka toj doagja od Makedonija i deka ne bi sakal da bide prestaven pod drugo ime koe ja degradira negovata zemja i negoviot narod. So vakviot stav toj predizvika silni reakcii vo javnosta koja se podeli na poddrška i na negoduvanje smetajќi deka muzičkata manifestacija ne treba da se positovetuva so politikata.
Za mnogumina pak najemotiven del od ceremonijata beše nastapot na brojnite pop i rap izveduvači koi so glumecot Viktor Saviќ gi izvedoa numerite na Dalibor Andonoviќ Gru i so toa posthumno mu odadoa počit na ovoj belgradski hip hop umetnik koj tragično nastrada minatiot septemvri.
Voedno svoja premiera na novata pesna “Sveto pismo” imaše i Jelena Rozga, a manifestacijata beše poddržana i od UNICEF preku negoviot program za rodova ramnopravnost.
Nastanot završi so dodeluvanje na najvisokoto priznanie Golden Mac koe otide vo racete na mladata trap umetnica Senida, a i go dodelija sopstvenikot i organizator na “MAC” iMilenko Škari i kompozitorot Damir Handanoviќ.
Biljana KRNČESKA
