Vo šegovit manir godinešnata pobednička na “Ohrid Fest 2019” Biba Dodeva se našali na smetka na svojata sličnost so aktuelnata specijalna obvinitelka Katica Janeva koja e edna od akterite na golemata afera što veќe nekolku meseci e top tema vo Makedonija, no se čini deka doagjaat podobri vreminja zatoa što pejačite konečno počnaa da se zezaat so politikata i političarite koi dolgo vreme im go imaa uzurpirano mediumskiot prostor.
Na sreќa vnimanieto na publikata poleka se svrtuva kon estradata, kon festivalite, a pobedata na Biba na štotuku završeniot “Ohrid Fest” so prekrasnata ljubovna tema “Kako nekogaš” potvrdi deka publikata e želna za ubava muzika, za ubavi emocii, za glamur i radost…
Ušte na tehničkata proba koga za prv pat ja slušnavme pesnata na Dodeva jasno ni beše deka vo prašanje e apsoluten hit što razbuduva najubavi čuvstva, a posle završuvanjeto na pop večerta pobrzavme da i čestitame na Biba za sugestivniot nastap interesirajќi se dali i taa go deli našiot vpečatok?
“Znaete mene mi beše najvažno dobro da ja prestavam pesnata. Toa ne e skromno zatoa što na site ovie festivali imam po nekolku pati pobedeno i mojata ideja voopšto da dojdam posle 5 godini povtorno na scenata mi beše predizvik i čest zošto “Ohrid Fest” e eden od fesivalite na koi sum započnala i sakav tokmu tuka da go prezentiram ona što ќe go pravime vo idnina so Dojčin i celata ekipa što go podgotvuva noviot album, a pesnata e del od nego i mislam deka vaka prezentirana e vistinski pogodok i deka lugjeto ja prepoznaa emocijata”.
Na scenata se zabeležuvaše edna lesnotija pri samata vaša izvedba na pesnata. Nemaše patetika nitu dramatični pokreti tuku ednostavno izlegovte i vo stilot na vistinska diva ja otpeavte pesnata!
-“Mene mi e drago što vie toa ste go zabeležale i sekogaš ostavam kompetentni lugje toa od strana da go percipiraat. Jas nikogaš ne sum bila glumec i sekogaš sum se vodela od svoite emocii. Često umeam da se našalam deka toa osobeno e prisutno posle četiriesetata koga veќe znaeš što sakaš, a što ne sakaš i ednostavno uživaš vo sebe si.
Gi spomenavte godinite no koga čovek ve gleda vaka od blisku nemože da ja zabeleži vozrasta, vie izgledate identično kako koga se pojavivte na scenata za vas kako da zastanalo vremeto?!
-“Da, megjutoa znaete li kolku sum bogata samo što se simnav od scenata prvoto što go napraviv beše video povikot so mojot vnuk koj što ima dve godini. Taka da mozebi emocijata i ona kako što se čuvstvuvam e odraz na mojot fizicki izgled, a od druga strana se čuvstvuvam navitsina ispolneto kako da imam 80 godini”.
Ve nemaše podolg period na scenata na što se dolžeše taa pauza?
-“Da, ednostavno smetav deka eden moment nemav što da kažam. Posledna beše pobedata na “Makfest 2014”, a pesnata beše proglasena i za balada na godinata od strana i na radio stanicite, a posle toa se slučija mnogu drugi premrežja vo mojot život privatno. Majka mi počina, pa mi se rodi vnuk, borbata so rakot kako pretsedatel na združenieto “Borka” i site tie aktivnosti koi imaa prednost vo tie momenti. Ednostavno znaete koga srceto ne ti pee nemože da se glumi. Jas nitu sum bila nitu ќe bidam ličnost što saka po sekoja cena da ja ima vo javnosta i toa beše toa što me natera da se povlečam vo izminatiot period. Sega imam što da kažam i zošto da se pojavam i eve me povtorno na scenata”.
Sekogaš ste pozitivna i nasmeana, a ste glaven aktivist odnosno pretsedatel na združenieto za borba protiv rakot “Borka”. Imate golema misija koja podrazbira edna dolgotrajna borba no imate i obvrska da razvedrite lugje koi se soočuvaat so teški dijagnozi. Kako vi pojduva od raka da ja kombinirate muzikata i “Borka”?
-“Uh ne e lesno. Možebi e slično na muzikata. Koga ќe ja slušneš sakaš da promeniš nekoi čuvstva da gi raspoložiš lugjeto, da izvlečeš nešto od niv preku emocijata što ja predizvikuva muzikata. “Borka” navistina e mnogu teška, ne e ednostavno da se vodi edna takva golema organizacija osobeno na edna tema kade što nikogaš ne znaeš što ќe se sluči, nikogaš ne znaeš što ti nosi sledniot den. Megjutoa toa što go naučiv e deka treba da go cenime sekoj den. Go naučiv i poteškiot pat, kako e da se zagubi čovek i kako e da se živee zatoa što rakot ne e samo bolest na individuata tuku toa e bolest na celata familija, nikoj ne može da ostane imun na toa i ednostavno znam kako im e na site tie lugje sto pominuvaat. Možebi isto kako i vo muzikata tie ja gledaat mojata iskrenost i toa što im go kažuvam, se trudam na maksimalen možen način da im pomognam ne samo so sovet i so toa što sme tuka vo centarot na “Borka” za niv vo sekoe vreme tuku i institucionalno da smenime nekoi raboti za da se olesni toj pat, zatoa što koga znaeš kakov e da se pominuva, a imaš sila nekoi raboti da smeniš so poddrška na site “Borki” od cela Makedonija i sakam toa da go napravam i za nas i za generaciite koi što doagjaat”.
Da premineme na nekoi povedri temi. Ubavo e što ste i duhovita posledno beše aktuelen vašiot status koga se pošeguvavte na račun na vašata dvojnička Katica Janeva pa napišavte “Koj se opekol na Katica ke duva i na Biba”
-” Im rekov deka ne sum dala reket na “Ohrid Fest” ama seriozno tvrdam….Se šeguvam se razbira… Duhovitosta mora da e prisutna. Ednostavno životot ne smee da se svati tolku seriozno. Jas se trudam kako što i vie rekovte da ne bidam patetična zošto životot e surov sam po sebe i treba da go uživame sekoj den. Se trudam od situaciite vo koi se naogjame da najdam edna humoristična nota i taka da promenam nekoi doživuvanja pa duri i da ja nema ke ja izmislam. Zatoa što toa ne vodi. Zošto bez nasmevka, bez duhovitost životot nema smisla.
Večerva nosite mnogu ubava crvena toaleta. Koj e zaslužen za ovoj vaš festivalski stajling?
-“Da, fustanot e po moj crtež izraboten. Ete i toa ќe vi go otkrijam naskoro planiram da napravam i plus size kolekcija. Konecno nekoj da se osmeli da gi stilizira i pokrupnite lugje. Jas odamna crtam. Mojata baba Bog da ja prosti beše šnajderka i golem broj na toaleti što sum gi nosela bile izraboteni spored moi nacrti. I ovoj pat mi pomognaa da ja realiziram mojata zamisla moite dolgogodišni prijateli od krojačkiot salon “Bliznaci” i Andrijana koja što e so godini so mene i za nekolku pobednički sceni mi go šiela fustanot.
Fenomenalno izgledate isto kako devojka nikoj ne bi možel da pretpostavi deka ste veќe baba velat deka toa e privilegija na pozitivnite lugje. I za kraj da ve prašam dali ќe se pojavite na predstojniot “Makfest”?
-” Vi blagodaram no i vie izgledate mnogu ubavo. Što se odnesuva za “Makfest” bi trebalo da se pojavam no ne sum sigurna zardi toa što so “Borka” sme izbrani za “Country champion” na svetsko nivo i treba da odam tamu. Dali na 12 ili na 13 seušte očekuvam da mi potvrdat. Imame kompozicija no navistina ova e nešto koe što ne bi smeela da go propuštam zatoa što ja prestavuvam svojata država na svetsko nivo, na edinstveniot svetski kongres za rak i toa e golema privilegija i čest za mene da ja prestavuvam našata zemja.
Biljana KENČESKA
